ЯҢАЛЫКЛАР
РФ Финанслар министры урынбасары Сергей Шаталов Россия Федерациясендә транспорт салымының яңа схемасы 2015 елдан кертелергә мөмкин булуын кире какмады.
Финанслар министрлыгы транспорт салымын кубомертларга ат көченә карап санаганда экологик классны һәм автомобильнең ничә еллык булуын исәпкә алучы коэфиициентларны кулланырга тәкъдим итә.
Агымдагы елның беренче яртыеллыгында ТРның консолидацияләнгән бюджетының салымнан кергән һәм салымнан булмаган табышы 75 млрд.сум яки еллык планның 50 проценты кадәр булган. Федераль акчаларны исәпкә алып, гыйнвар-июньдә бюджетка кергән акчаларның күләме 90 млрд.сумнан артып киткән.
Беренче яртыеллыкта республика бюджетына 73 млрд.сум акча күчерелгән, бу фаразланган күрсәткечнең 51,2 проценты. Үткән ел күрсәткече белән чагыштырганда, керемнәрнең күләме 11,1 процентка (9 млрд. сумнан артык) кимегән.
II квартал нәтиҗәләре буенча, бюджет керемнәре структурасында 4 төп салым чыганакларының өлеше шундый: керемгә салым - 42 процент, физик затлар табышына салым - 24, милеккә салым – 15, акцизлар – 14.
Чарада билгеләп үтүләренчә, Автошәһәрдә Саклык банкының республика территориясендәге 9 нчы ипотека үзәге ачылды. Әлеге хезмәт күрсәтү форматы “бер тәрәзә” принцибын күз алдында тота, барлык сорауларны бер урында хәл итеп була.
Илдар Халиков сәламләү сүзендә Автошәһәрдә мондый үзәкнең барлыкка килү әһәмиятен ассызыклады. “Минем өчен якын булган шәһәрдә мондый үзәкнең ачылуы куандыра, торакны кредитка алганда заманча мөмкинлекләргә каршы бер адым ясалды”, - дип билгеләде ул.
Җыелышта берничә мәсьәлә каралды, Директорлар советының яңа составы сайланды, узган ел белән чагыштырганда, аның составы үзгәрешсез калды. Директорлар советы экс-рәисе Альберт Шиһабетдинов урынына “ТАИФ” ААҖ генераль директорының “Түбәнкаманефтехим” ААҖ идарә итү һәм стратегик үсеш буенча урынбасары Владимир Бусыгин сайланды. Альберт Шиһабетдинов бүгенге көннән Директорлар советының шәрәфле әгъзасы санала.
РФ Финанслар министрлыгы 2013 елның Федераль бюджетына үзгәрешләр әзерләгән һәм аларны киләсе атнада Россия Федерациясе Хөкүмәткә кертәчәк, дип хәбәр итте РФ финанслар министрының беренче урынбасары Татьяна Нестернко сишәмбе көнне журналистларга.
Россиянең Финанс министрлыгы һәм Авыл хуҗалыгы минситрлыгы Дәүләт Думасы депутатлары белән "Росагролизинг"ны тагын 5 млрд. сумга капиталлаштыру турында сүз көрәштерә, дип хәбәр итте Финанс министры урынбасары Андрей Иванов сишәмбе көнне РФ президенты Владимир Путин уздырган уңыш җыю мәсьәләләренә багышланган киңәшмәдә.
Киңәшмә барышында дәүләт лизинг компаниясенең генераль директоры Валерий Назаров авыл хуҗалыгы техникасын яңарту буенча программаны тормышка ашыру өчен өстәмә акчалар компаниянең утсав команиясенә ел саен кертергә планлаштырылган иде, дип искә төшереп узды. Путин Финанс министрлыгыннан әлеге мәсьәләне ачыклауны таләп итте.