Антон Силуанов төбәкләр мөстәкыйль эшләп табарга өйрәнергә тиеш дип саный

РФ субъектлары мөстәкыйль эшләп табарга өйрәнергә тиеш. Бу бурыч яңа губернаторларга йөкләнгән. Бу хакта РФ финанс министры Антон Силуанов “Россия 1” телеканалының “Воскресный вечер” программасы эфирында хәбәр итте.

“Региональ сәясәтнең бурычы РФ субъектларына ярдәмне дөрес һәм дөрес түгел бүлү түгел, ә аларны эшләп табарга өйрәтү. Чөнки, кызганычка каршы, кайбер төбәкләр федераль үзәктән акча алырга гына ияләнде, ә салым базасын ясау, эшмәкәрлеккә шартлар тудыру икенче планга чыгарылды. Шуңа күрә хәзер губернаторлар да алмашына: яшь, үзләрен күрсәтергә теләгән кешеләр килә. Һәм аларның төп бурычы – яңа менеджмент белән субъект икътисады нәрсәгә сәләтле икәнен күрсәтү”, - диде Силуанов.

Төбәкләрдә финанслар белән идарә итүдә урнашкан хәл турында РФ Хисап палатасы рәисе Татьяна Голикова сөйләде. “Губернаторларны алмаштыру белән бәйле соңгы, шул исәптән сәяси үзгәрешләр, нәтиҗәсез идарә итү бурычлар, ә кайбер очракларда туздыру очраклары китереп чыгаруга барып тоташты. Кызганычка каршы, без моны теркибез, бюджет акчаларын урлау һәм шул ук вакытта гражданнар алдындагы йөкләмләрне үтәмәү элементлары бар. Минем уйлавымча, хәзер без 2018 елга күчү чорында финанс хәлне төгәл күзәтергә тиешбез”, - диде Голикова.