Федерация Советы 2018-2020 елларга федераль бюджетны хуплады

Сишәмбе Федерация Советы 2018 елга һәм 2019, 2020 еллар план чорына федераль бюджетны хуплады.

2018 елда бюджет кереме  15,258 триллион сум, чыгымнары – 16,529 триллион сум, бюджет кытлыгы ТЭПның 1,3% тәшкил итәчәк. 2019 елда керемнәр — 15,555 триллион сум, чыгымнар – 16,374 триллион сум, бюджет кытлыгы 2019 елда ТЭПның 0,8% планлаштырылган. 2020 елда керемнәр 2020 елда — 16,285 триллион сум, чыгымнар – 17,155 триллион сум, бюджет кытлыгы ТЭПның 0,79% дәрәҗәсендә салынган.

Urals маркасы нефтенә база бәясе 2017 ел бәяләрендә баррель өчен 40 доллар күләмендә билгеләнә һәм 2018 елдан башлап, ел саен 2%ка индексацияләнергә тиеш.

РФ гомуми дәүләт бурычы артачак, ләкин куркынычсыз дәрәҗәдә сакланачак һәм тулаем эчке продуктның 16% артып китмәячәк. 2018 елда РФ дәүләт бурычының чик күләме 15,235 триллион сум, яисә ТЭПның 15,6%; 2019 елда — 16,36 триллион сум, яисә ТЭПның 15,8%; 2020 елда — 17,652 триллион сум, яисә ТЭПның  16% тәшкил итәчәк.

РФ тышкы бурычы 2018 елда 4,732 триллион сум, 2019 елда — 4,943 триллион сум, 2020 елда — 4,95 триллион сум тәшкил итәчәк. Үсеш дәүләт гарантияләре арту исәбенә булачак.

2018 елда минималь хезмәт хакы күләме арту белән бәйле хезмәт хакын арттыруга 4,4 миллиард сум, 2019 елда – 16,3 миллиард сум, 2020 елда – 19,2 миллиард сум юнәлтү турында карар кабул ителгән.