«Татнефть» ГАҖ Директорлар советы 2018 елның беренче кварталына йомгак ясады

2018 елның 30 мае, чәршәмбе

Бүген Татарстан Республикасы Хөкүмәте Йортында «Татнефть» ГАҖ Директорлар советының чираттагы утырышы узды.  

Утырышны Татарстан Республикасы Президенты Рөстәм Миңнеханов уздырды. 

Утырышта 2018 елның дүрт ае эчендә компаниянең бюджеты үтәлеше йомгаклары каралды һәм июнь аена бюджеты расланды, быелның беренче кварталында финанс-хуҗалык эшчәнлеге йомгаклары турында фикер алышынды. 

Шулай ук утырышта Директорлар советы комитетларының башка хисаплары да каралды.   

Чарада Татарстан Республикасы финанс министры Радик Гайзатуллин да катнашты.