Илкүләм иминлек фонды июндә 23,2%ка үскән

Илкүләм иминлек фонды 2018 елның июнендә рубль чагылышында майга карата 23,2%ка үскән. 1 июльгә Илкүләм иминлек фонды күләме  4 трлн 839,26 млрд сум тәшкил иткән. Бу хакта Финанс министрлыгы материалларында хәбәр ителә.

Фондның күләме долларда санаганда 1 июньгә $63,75 млрд тан 1 июльгә $77,11 млрд ка кадәр үскән.

Илкүләм иминлек фонды күләменең сизелерлек үсеше июньдә Илкүләм иминлек фонды чараларын исәпләү буенча счетка чит ил валюталарында $6,411 млрд суммага чараларны, шулай ук федераль бюджетның өстәмә нефть-газ керемнәре күләме чикләрендә 2017 елда федераль бюджет счеты исәбенә алынган  €5,625 млрд һәм £1,096 млрд күчерү исәбенә килеп чыкты.

Финанс министрлыгы мәгълүматы буенча Россия Банкында счетларда 1 июльгә $22,107 млрд, €20,762 млрд һәм £4,368 млрд урнаштырылган. Үсеш һәм тышкы икътисадый эшчәнлек банкында депозитларда 574,1 млрд сум булган.

Чит илләрнең әҗәт йөкләмәләренә $3 млрд салынган, тотылган чыгымнарын каплаган инфраструктур проектларны гамәлгә кую белән бәйле Россия эмитенты кәгазьләренә – 112,63 млрд сум һәм $4,11 млрд, кредит оешмаларның өстен хокуклы акцияләренә – 278,99 млрд сум.