Moody's дөнья икътисады үсеш темпларының 2,9% кадәр акрынаюын фаразлады

Moody's халыкара рейтинг агентлыгы дөнья икътисады үсеш темпларының 2017-2018 еллардагы 3,3% карата 2019 һәм 2020 елларда 2,9% кадәр акрынаюын көтә. Бу хакта агентлык күзәтүендә хәбәр ителә.

“Зур үсеш алган икътисадларның үсеше акрын булачак, ләкин 2019 елда тотрыклы булып калачак. Шул ук вакытта G20 илләренең үсеш алган базарлары үсеше сизелер-сизелмәс булып калачак”, - дип фаразлыйлар Moody's та.

Октябрь аенда Moody's фаразын бастырды. Анда Россия тулаем эчке продукты үсеше темпы киләсе 12-18 айда елга 1,7% дәрәҗәсендә булачак дип бәяләнде.