Икътисадый үсеш министрлыгы инвестицияләр үсеше буенча төбәк хакимиятләренең эшләре нәтиҗәлелеген бәялиячәк

Инвестицияләр үсеше өлешендә Президент указын үтәү кысаларында төбәкләргә билгеле бер KPI куелачак. Шуның буенча төбәк хакимиятенең эше нәтиҗәлелеге бәяләнәчәк. Бу хакта Икътисадый үсеш министрлыгы башлыгы Максим Орешкин “Россия чакыра!” инвестицияле форумның пленар сессиясендә чыгышы вакытында хәбәр итте.

“[РФдә инвестицияләр үсеше] бурычы аеруча катлаулы. KPI төбәк хакимиятләре өчен куелачак, алар өчен инвестицияләр аларның эшенең нәтиҗәлелеген билгели торган хәлиткеч күрсәткечләрнең берсе булачак”, - диде Орешкин.

Аның сүзләренчә, Икътисадый үсеш министрлыгы инвестицияләр үсешенең темпларына мониторинг ясап һәм бу эшнең нәтиҗәләре турында ачыктан-ачык хәбәр итеп барачак. “Без кем ирешә, кем ирешми, акрынаю һәм әлеге тармаклар буенча яхшырак нәтиҗәләрнең сәбәпләре турында сөйләп барачакбыз. Бу тема, бу KPI Кырымда Дәүләт Советында Президент тарафыннан төбәкләр белән тикшерелде”, - дип искәртте Икътисадый үсеш министрлыгы башлыгы.

Орешкин икътисад үсешенең югары темплары инвестицияләрнең агрессив динамикасыннан башка мөмкин түгел дип искәртте. “Икътисад төзелешендә кебек үк безнең инвестицияләр төзелешендә өчтән берен табучы секторлар тәшкил итә. Инвестицияләр максатчан темплар (елга 6-7%) белән үссен өчен безнең алга киткән тармакларда темп 8-10% тирәсе булырга тиеш”, - дип саный ул. Министр сүзләренчә, мондый тармакларга транспорт, элемтә, мәгълүмати технологияләр һәм сәнәгатьнең экспортка юнәлдерелгән секторы карый.

Икътисадый үсеш министрлыгы башлыгы үз мандатлары кысаларында төбәк һәм федераль дәрәҗәдә уртак эшчәнлек нәтиҗәдә Президент куйган бурычка нигезләнеп, инвестицияләр үсешенә китерергә тиеш дип саный.