Антон Силуанов май указын үтәүгә яңача якын килү турында сөйләде

Максатларны һәм бурычларны төгәл билгеләү, эшмәкәрлек һәм төбәкләр белән тыгыз эш, шулай ук Хөкүмәт эчендә бурычларны катгый кую Президентның 2018 елгы май указын гамәлгә куюның үзенчәлеген билгелиячәк. Бу хакта “ВТБ Капитал”ның “Россия чакыра!” инвестицияле форумының пленар утырышында беренче вице-премьер, финанс министры Антон Силуанов хәбәр итте.

“2012 елның май указын гамәлгә кую агымдагы елның май указыннан нәрсә белән аерыламы? Без Президент куйган бурычлар белән төгәлрәк шөгыльләнергә кирәк булуын аңладык. Шуның белән. Әгәр дә без икътисадый үсеш белән шөгыльләнәбез икән, моңа барлык кораллар да – фискаль, административ, эшмәкәрлек өчен эшнең яхшыруы һәм катгый мониторингны тәэмин итү – тоташырга тиеш”, - диде беренче вице-премьер.

Силуанов Президентның яңа май указы беренче чиратта Россиянең икътисадый потенциалын үстерү бурычына юнәлтелгән дип искә төшерде.

 Аның сүзләренчә, үсешне тәэмин итүгә төп шарт булып инвестицияләр тора. “Фискаль сәясәт һәм этәргеч бирә торган чаралар бу максатка теге яисә бу максатлар буенча катгый мониторинг белән юнәлдереләчәк. Без хәтта безнең идарә тармакларына да инвестицияләрне арттыру буенча бурыч ирештердек, мондый хәлнең беркайчан булганы юк иде”, - дип искәртте  Силуанов.

Ул бу юлы икътисадый үсешкә бюджет ресурсларын салу түгел, ә шәхси инвестицияләргә этәргеч бирү хисабына ирешеләчәк дип хәбәр итте. “Якын килү бөтенләй башка һәм мин без алдагы указларда күргән икътисад буенча йомгаклар белән чагыштырганда, бу үзгәрешләр зур нәтиҗәләр бирер дип ышанам”, - диде беренче вице-премьер.