Министрлар Кабинеты бюджет чыгымнары эффективлыгын арттыру концепциясен раслаган
РФ Хөкүмәте киләсе алты елга бюджет чыгымнары эффективлыгын арттыру концепциясен раслаган. Тиешле боерык Министрлар Кабинеты сайтында бастырылган.
“Теркәлгән 2019-2024 елларда бюджет чыгымнары эффективлыгын арттыру концепциясен расларга”, - диелгән документта.
Концепция 12 бүлектән тора. Аерым алганда, документ бюджетларның озак сроклы балансланган һәм тотрыклы булуын тәэмин итүне, дәүләт финанслары белән идарә итү системасына бюджет чыгымнары күзәтүләрен кертүне, дәүләт программалары системасын камилләштерү һәм проектлы идарә итү принциплары буенча гамәлләрне кертүне күздә тота.
Шулай ук салым чыгымнары белән идарә итүне яхшырту, планлаштыруның һәм бюджетны үтәүнең заманча технологияләренең нәтиҗәле процедураларын кертү, дәүләт һәм муниципаль ихтыяҗлар өчен товарларны, эшләрне, хезмәтләрне сатып алу, шулай ук дәүләт идарәсе формалары һәм ысуллары һәм федераль милек белән идарә итү механизмнары системасын камилләштерү, социаль өлкәдә дәүләт хезмәтләрен күрсәтү нәтиҗәлелеген һәм сыйфатын арттыру, бюджетара мөнәсәбәтләрнең үсеше күздә тотыла.