Бизнесны тикшерү механизмын камилләштерү турында
РФ Премьер-министры Михаил Мишустин фикеренчә, бизнесны тикшерү механизмын куркынычлы юнәлешле алымны һәм административ йөкләнешне киметүне исәпкә алып камилләштерергә кирәк.
"Тикшерүләрнең гамәлдәге механизмын камилләштерергә кирәк, нәкъ менә куркынычлы юнәлешле алымны кертеп. Әмма иң мөһиме – кешеләрнең сәламәтлеге яки әйләнә-тирә өчен куркыныч тудырмаган барлык нормативларны үтәүчеләргә административ йөкләнешне киметү. Һәм куркыныч югары булган урыннарда контрольне саклап калырга", - диде ул дүшәмбе көнне вице-премьерлар белән оператив киңәшмәдә.
Тикшерүләргә мораторий 2023 ел ахырына кадәр озайтылды. 2023 елдан башлап планлы тикшерүләр гадәттән тыш югары һәм югары куркынычлы категорияле объектларда гына булачак. Әгәр дә тикшерелә торган оешма инициативасы буенча инспекторның профилактик визиты үткәрелсә, планлы чараларны гамәлдән чыгару мөмкинлеге барлыкка килде. Планнан тыш тикшерүләр президент, хөкүмәт яки прокуратура таләпләре буенча һәм шулай ук күзәтчелек органнары тарафыннан мәҗбүри таләпләрне бозу куркынычы булу турында мәгълүмат алу нигезендә үткәреләчәк.