Сәламәтлек саклауга федераль бюджет чыгымнары киләсе өч елда 4,5 трлн сумнан артык тәшкил итәчәк
2023 елда «Сәламәтлек саклау» юнәлеше буенча федераль бюджет чыгымнары 1 трлн 523,6 млрд сум тәшкил итәчәк. Өч ел эчендә – 2023 елдан 2025 елга кадәр – 4,5 трлн сумнан артачак.
Бүлеп бирелгән акчалар күп кенә чараларны финанслауга юнәлдереләчәк. Алар арасында – «сәламәтлек саклауның беренчел звеносын модернизацияләү» программасын дәвам итү, аны гамәлгә ашыруның бөтен чорында 2 000гә якын медицина оешмасын төзү һәм 6 500дән артыгын ремонтлау каралган.
Моннан тыш, 2023-2025 елларда 1 трлн сум амбулатор ярдәмгә, 610 млрд сум стационар медицина ярдәменә җибәреләчәк.
2023 елда шулай ук "Шикәр диабетына каршы көрәш" яңа федераль проектын гамәлгә ашыру башланачак. Проектка, шул исәптән шикәр кергән эчемлекләргә акциз түләүдән кергән акчалар җибәреләчәк, ул 2023 елның 1 июленнән алыначак.