Федераль бюджетның 2023 елның гыйнварында үтәлеше алдан бәяләнде
Алдан ясалган бәяләүләр буенча федераль бюджет керемнәре күләме 2023 елның гыйнварында 1 356 млрд сум тәшкил иткән, бу 2022 елның гыйнварындагы керемнәр күләменнән 35 процентка түбәнрәк:
Нефть-газ керемнәре 426 млрд сум тәшкил иткән һәм 2022 елның гыйнварына 46% ка кимегән, бу беренче чиратта Юралс маркалы нефтькә бәяләр котировкаларының кимүенә һәм табигый газның экспорт күләмнәренең азаюына бәйле.
Моннан тыш, "бюджет кагыйдәләре" параметрлары нигезендә алынмаган нефть-газ керемнәрен каплауга Илкүләм иминлек фонды акчаларын куллану бюджет системасының нефть-газ керемнәре керү тирбәнешләренә тотрыклылыгын тәэмин итә.
Нефть-газ булмаган керемнәр 931 млрд сум тәшкил иткән һәм 2022 елның гыйнварына 28% ка кимегән, башлыча эчке өстәлгән бәягә салым керемнәрен һәм табышка салымны киметү хисабына.
Тулаем алганда, 2023 елның гыйнвар нәтиҗәләре буенча нефть-газ булмаган керемнәр күләме бюджет турындагы законны (2022 елның 5 декабреннән 466-ФЗ санлы) формалаштырганда салынган динамикага туры килә.
Алдан ясалган бәяләүләр буенча федераль бюджет чыгымнары күләме 2023 елның гыйнварында 3 117 млрд сум тәшкил иткән, узган елның шул ук чоры күрсәткечләреннән бу 59%ка артыграк. 2023 ел башында чыгымнарны финанслауны тизләтү башлыча контрактларның оператив төзелүе һәм аерым контрактлы чыгымнар буенча финанслауны аванслау белән бәйле. Бу шул исәптән федераль бюджет чыгымнарын 2023 ел дәвамында тигез кассалы үтәүне тәэмин итәргә мөмкинлек бирәчәк.
Тулаем алганда, 2023 елда федераль бюджет чыгымнары күләме бюджет турындагы законда расланган (2022 елның 05 декабрендәге 466-ФЗ санлы) бюджет ассигнованиеләренең иң чик күләменнән һәм ел дәвамында өстәмә нефть-газ булмаган керемнәр күләме барлыкка килгән очракта, шулардан чыгып ("бюджет кагыйдәләре" нормалары нигезендә) формалаштырылачак.
Шулай итеп, агымдагы елның гыйнварында федераль бюджет үтәлешен алдан бәяләү бюджет турындагы закон кысаларында 2023 елга төп характеристикаларны формалаштырганда салынган динамикага туры килә.