Кече предприятиеләргә эшчәнлек турында статистик хисапны тутыруның яңа кагыйдәләре урнаштырыла
Дәүләт статистикасы федераль хезмәте "Кече предприятие эшчәнлегенең төп күрсәткечләре турында мәгълүматлар" ПМ санлы статистик форманы тутыру буенча яңа күрсәтмәләрен раслады. 2023 елның 24 мартыннан 130 санлы тиешле боерык Дәүләт статистикасы федераль хезмәтенең рәсми сайтында бастырылган.
ПМ санлы форма буенча статистик хисаплылыкны квартал саен барлык кече предприятиеләр (микропредприятиеләрдән һәм шәхси эшмәкәрләрдән тыш) Дәүләт статистикасы федераль хезмәтенең территориаль органына тапшыралар. Шул ук вакытта салым салуның гадиләштерелгән системасындагы кече предприятиеләр күрсәтелгән форманы гомуми нигезләрдә тәкъдим итәләр.
ПМ формасына тулаем юридик зат, ягъни кече предприятиенең барлык филиаллары һәм структур бүлекчәләре буенча аларның урнашуына бәйсез рәвештә белешмәләр кертелә.
2022 елдан Дәүләт статистикасы федераль хезмәте үзенең 2021 елның 30 июленнән 462 санлы боерыгы белән ПМ санлы яңа формасын кертте.
Хәзер Дәүләт статистикасы федераль хезмәте күрсәтелгән хисапны тутыру буенча яңа күрсәтмәләр раслады. Яңартылган күрсәтмәләрне 2023 елның 1 апреленнән куллана башларга кирәк булачак.