Кече һәм урта предприятиеләрдән кече күләмдә сатып алулар 2022 елда ике тапкыр арткан

223-ФЗ буенча дәүләт катнашы белән оешмалар тарафыннан кече күләмдә (500 мең сумга кадәр) сатып алуларның гомуми суммасы 375 миллиард сумнан узып, ике тапкырга диярлек арткан, дип хәбәр итә сатып алулар өлкәсе мониторингы белән шөгыльләнүче Кече һәм урта эшкуарлыкны үстерү буенча федераль корпорация.

Ваклап һәм күмәртәләп сату (33,1%), төзелеш (10,5%), компьютер программалары белән тәэмин ителешне эшләп ясау (5,2%), шулай ук архитектура һәм инженер-техник проектлау өлкәсендә эшчәнлек алып баручы (3,5%) эшмәкәрләр МСП.РФта кече күләмдә сатып алу өчен сервистан аеруча еш файдаланалар.

Хәзерге вакытта дәүләт катнашы булган компанияләр кече һәм урта бизнестан сатып алуларның гомуми күләменнән 25% тан да ким булмаган өлешен башкарырга тиеш. Бу нормалар гомуми саны якынча 20 мең тәшкил иткән барлык дәүләт компанияләренә кагыла. Билгеләнгән квотаның үтәлешен төбәкләр белән бергә Кече һәм урта эшкуарлыкны үстерү буенча федераль корпорация тәэмин итә.

"Кече күләмдәге сатып алулар витринасы" хезмәте 2022 елның апрелендә "Кече һәм урта эшмәкәрлек" илкүләм проекты кысаларында беренче вице-премьер Андрей Белоусов җитәкчелегендә булдырылган МСП.РФ Цифрлы платформасында эшләтеп җибәрелде.