«Минем бизнес. Беренче эш» проекты турында

Татарстан халкы «Минем бизнес. Беренче эш» проектының иң актив катнашучылары арасында – республиканы 430 яшь кеше тәкъдим иткән. Аңа барлыгы Федерациянең 85 субъектыннан 11 мең кеше кушылган.

Татарстанлылардан тыш, Мәскәү һәм аның өлкәсе, Санкт-Петербург, Краснодар крае, Чиләбе, Свердловск, Ростов, Иркутск өлкәләре һәм Башкортстан халкы актив теркәлгән.

Проект 10 атна дәвам итәчәк. Бу вакыт эчендә остазлар җитәкчелегендә катнашучылар бизнес-идеядән алып аны тормышка ашыруга һәм беренче сатуларга кадәр юлны узачак. Проект "Россия – мөмкинлекләр иле" президент платформасының "Другое Дело" үсеш программасы базасында гамәлгә ашырыла. Аңа сылтама буенча кушылырга мөмкин. Катнашу бушлай.

Уку берничә этапта узачак. Аларның беренчесе – "Предакселератор" 9 июньдә тәмамланачак. Бу көннәрдә катнашучылар үз бизнесы идеясен эшлиячәк, үз эшенең моделен формалаштырачак һәм киләсе турга күчү өчен видеопрезентация әзерлиячәк.

Аннары стартны "Акселератор" ала, ул 13 июньнән 22 июльгә кадәр дәвам итәчәк. Этап кысаларында өйрәнчек эшкуарларга социаль челтәрләрдә эш алып бару серләрен ачачаклар, шулай ук үз реклама кампаниясен эшләтеп җибәрү өчен бонуслар бирәчәкләр. Алар проектны реаль вакытта тикшереп барыр дип исәпләнә.

Татарстанда яшьләр эшкуарлыгына ярдәм «Кече һәм урта эшмәкәрлек һәм шәхси эшкуарлыкка ярдәм» илкүләм проекты кысаларында гамәлгә ашырыла, аны Россия Президенты Владимир Путин башлап җибәрде.