2025 елда муниципаль районнарның һәм шәһәр берәмлекләренең берләштерелгән бюджетларына 108,6 млрд.сум күләмендә салым һәм салым булмаган керемнәр керде, бу еллык планлы билгеләнешләргә карата 108,5% тәшкил итә. Керемнәрне җирле бюджетларга туплау динамикасы уңай. Бу хакта Татарстан Республикасы финанс министры Марат Фәйзрахманов муниципаль берәмлекләрнең финанс органнары җитәкчеләре белән 2025 елда җирле бюджетларның үтәлеше һәм 2026 елның гыйнварында көтеләчәк үтәлеш мәсьәләләре буенча киңәшмәдә хәбәр итте.

Торак шартларын яхшыртуга мохтаҗ биш һәм аннан күбрәк бала үстерүче күпбалалы гаиләләргә өстәмә ярдәм рәвешендә Татарстан Республикасында әлеге категория гражданнарына торак урыннары алуга сертификатлар бирү аша Татарстан Республикасы бюджеты чаралары исәбеннән торак урыннары белән тәэмин итү каралган.

2025 елда, максатчан тотылырга тиешле керемнәрне исәпкә алып, республиканың дәүләт һәм муниципаль учреждениеләре тарафыннан күрсәтелгән түләүле хезмәтләрдән берләштерелгән керемнәр 26 362,2 млн.сум тәшкил итте, бу 2024 ел керемнәреннән 4 109,7 млн. сумга күбрәк.

2025 ел нәтиҗәләре буенча Татарстан Республикасы территориясендә урнашкан күпфатирлы йортларда гомуми милекне капиталь ремонтлау төбәк программасын гамәлгә ашыруның кыска сроклы планы нигезендә, төбәк операторы тарафыннан 896 күпфатирлы йортка капиталь ремонт ясауга 11,1 млрд.сум җибәрелгән, шуларның 2,5 млрд. сумы 228 йортта лифт җиһазларын алыштыруга юнәлдерелгән.