Финанслар министрлыгы бюджетны социаль чыгымнар белән баланслаштырырга тәкъдим итә

Татарстан Рәисе Рөстәм Миңнеханов финанс, казначылык һәм салым органнарының республика киңәшмәсен уздырды. Катнашучылар быелның 1 кварталында республиканың берләштерелгән бюджеты үтәлеше йомгаклары турында фикер алыштылар һәм финанс системасы органнарының 2025 елга бурычларын билгеләделәр.

«Һөнәри керемгә салым» махсус салым режимын билгеләү буенча эксперимент үткәрү турында» 2018 елның 27 ноябрендәге 422-ФЗ санлы һәм «Салым салуның автоматлаштырылган гадиләштерелгән системасы» махсус салым режимын билгеләү буенча эксперимент үткәрү турында» 2022 елның 25 февралендәге 17-ФЗ санлы федераль законнар нигезендә Татарстан Республикасында эксперимент тәртибендә “Һөнәри керемгә салым” һәм «Салым салуның автоматлаштырылган гадиләштерелгән системасы» махсус салым режимнары гамәлдә.  

2025 елда «Профессионаллар» һөнәри осталык чемпионатының һәм Югары технологияләр чемпионатының төбәк этабын уздыруга, Татарстан Республикасы җыелма командасын төрле дәрәҗәдәге һөнәри осталык чемпионатларында катнашуга әзерләүгә Татарстан Республикасы бюджетыннан 95,4 млн.сум бүлеп бирелде.

2025 елның гыйнвар-март айларында, максатчан тотылырга тиешле керемнәрне исәпкә алып, республиканың дәүләт һәм муниципаль учреждениеләре тарафыннан күрсәтелгән түләүле хезмәтләрдән берләштерелгән керемнәр 6 106,2 млн.сум тәшкил итте, бу 2024 елның шул ук чоры керемнәреннән 1 087,2 млн. сумга күбрәк.