ЯҢАЛЫКЛАР
2022 елның 23-25 июнендә Казан шәһәрендә «Дәүләт идарәсенең цифрлы трансформациясе» дәүләт идарәсенең нәтиҗәле технологияләре буенча XI Бөтенроссия конференциясе узачак. Чараны Татарстан Республикасы Финанс министрлыгы һәм БФТ-Холдинг, программа продуктларын һәм дәүләт секторы өчен заказлы чишелешләрне Россия эшкәртүчесе оештыра. Спикерлар сыйфатында Россия Финанс министрлыгы, Россия Минцифрлары, ИКТ, Федераль казначылык өлкәсендә импортны алыштыру буенча компетенцияләр үзәге экспертлары чакырылды. Ел саен конференциядә Россиянең төрле төбәкләреннән 100ләп кеше катнаша.
Татарстан илнең фәнни-технологик үсеш динамикасына зур өлеш кертә. Бүген бу хакта Татарстан Республикасы Президенты Рөстәм Миңнеханов Цифрлы үсешкә ярдәм итү ассоциациясе утырышында хәбәр итте. Чара Казан дәүләт мәдәният институты мәйданчыгында узды.
Беренчел мәгълүматлар буенча, федераль бюджет чыгымнарының милли проектларны гамәлгә ашыруга үтәлеше - 2022 елның 1 июненә - 1 229,7 млрд сум яисә планлы бюджет билгеләренең 41,1%ы тәшкил иткән.
Федерация Советы оешмалар һәм индивидуаль эшкуарлар тарафыннан салым, җыемнар һәм иминият кертемнәре түләү исәбенә күчерелә торган бердәм салым түләү механизмын бюджет процессына интеграцияләү өчен Россия Финанс министрлыгы эшләгән федераль законны хуплады.
2021 елда Татарстанның 1769 кече һәм урта эшкуарлык субъекты 3,2 млрд сумлык ярдәм алды. Акчалар «Кече һәм урта эшкуарлык» милли проектын гамәлгә ашыру кысаларында грантлар, субсидияләр һәм поручительлекләр рәвешендә бирелде.
Бүген ТР Дәүләт Советында Бюджет, салымнар һәм финанслар комитеты һәм Комитет каршындагы Эксперт советының уртак утырышы узды. Анда парламентарийлар 2021 елга республика бюджеты һәм ТР Территориаль мәҗбүри медицина иминияте фонды бюджеты үтәлеше нәтиҗәләре турында фикер алыштылар. Моннан тыш, парламентарийлар ТР Бюджет кодексына һәм кайбер салымнар буенча ташламалы ставкаларның гамәлдә булуы дәвам итә торган республика законнарына үзгәрешләр кертү турындагы закон проектларын карадылар. Утырышта депутатларга агымдагы елның беренче кварталында ТР бюджеты һәм ТР Территориаль мәҗбүри медицина иминияте фонды бюджеты үтәлеше турында хисап та тәкъдим ителде.
Татарстан Республикасы Дәүләт Советының Бюджет, салымнар һәм финанс комитеты һәм эксперт советының уртак утырышында кайбер салымнар буенча ташламалы ставкаларның гамәлдә булуы озайтыла торган закон проекты каралды.
Россия Финанс министрлыгы 2022 елның 1 гыйнварыннан 31 маена кадәрге чорда Милли муллык фонды акчаларын урнаштыру нәтиҗәләре турында хәбәр итә.
Россия Финанс министрлыгы РФ Хөкүмәтенә Россия Банкы һәм Россия Эчке эшләр министрлыгы арасында оператив мәгълүмат алмашуны күздә тоткан закон проектын кертте. Бу банк карталарын кулланып, финанс мошенниклыгы өлкәсендәге җинаятьләрне ачу өчен кирәк. Мондый чаралар «РФнең аерым закон актларына үзгәрешләр кертү турында» федераль закон проектында бар, кирәкле үзгәрешләр «Милли түләү системасы турында» һәм «Банклар һәм банк эшчәнлеге турында» законнарга кертелә.
РФ Хөкүмәте Рәисе «Капитал салу» дәүләт мәгълүмат системасы (ГИС) турында нигезләмәне раслады. Аны эшләтеп җибәрү капитал салуларны яклау һәм бүләкләү турында килешүләр төзүне тизләтәчәк, шулай ук аларга ярдәмне гадиләштерәчәк.