ЯҢАЛЫКЛАР
Бүген Татарстан Республикасы Президенты Рөстәм Миңнеханов Чехия Республикасы Президенты Милош Земан белән очрашты.
Очрашу Прагада (Пражский Град - Pražský hrad крепостендә) Милош Земан резиденциясендә узды.
Яклар үзара файдалы хезмәттәшлек мәсьәләләре, кайбер уртак проектларны гамәлгә ашыру турында фикер алышты.
Рөстәм Миңнеханов Милош Земан әфәндегә, Россия Федерациясенең алдынгы төбәкләреннән берсе буларак, Татарстан белән кызыксынганнары өчен рәхмәт белдерде.
Татарстан Премьер-министры Илдар Халиков бүген ТР Хөкүмәте йортында "Россия - Ислам дөньясы: KazanSummit" VIII халыкара икътисади саммитына әзерлек һәм аны уздыру буенча оештыру комитетының чираттагы утырышын үткәрде.
Искә төшеәбез, бу чара 2016 елның 19-21 маенда Казанда узачак. Аны төп үткәрү урыны "Корстон" комплексы булачак.
Казанда узачак саммитка әзерлек кысаларында агымдагы вазгыять турында ТР Инвестицион үсеш агентлыгы җитәкчесе Талия Миңнуллина сөйләде. Аның сүзләренчә, бүгенгә актив теркәлү бара: көн саен катнашучылар исемлеге уртача 50 кешегә арта бара. Катнашучыларның гомуми саны 886 кеше тәшкил итә.
«Хөрмәтле татарстанлылар!
Кадерле фронтовиклар һәм тыл хезмәтчәннәре!
Сезне күпмилләтле дәүләтебез тарихындагы иң әһәмиятле вакыйга – рәхимсез дошманга каршы аяусыз сугышта Бөек Җиңү Көне уңаеннан чын күңелдән котлыйм!
Европаны егерменче гасыр афәтеннән – фашизмнан коткару буенча изге миссиясен Совет солдаты 1945 елның 9 маенда Берлин шәһәрендә зур җиңү белән тәмамлады. Быел Ватан сакчыларының сүнмәс даны турында хатирәләрне яңартучы җитмеш беренче тыныч язны каршылыйбыз.
Сугыш елларында корыч ихтыярлы, бөек рухлы халкыбыз кырыс сынау узды. Йөрәкләрне әрнетә торган ачы җиңелүләр дә, шатлыклы җиңүләр дә күп булды. Нинди генә авыр шартларда да дәһшәтле еллар буыны хак эшнең барыбер өстен чыгасына, дошманны тар-мар итеп, илебезнең җиңү яулаячагына ышанычын югалтмады.
Бүген Казанда Ирек мәйданында Бөек Ватан сугышында Җиңүнең 71 еллыгына багышланган тантаналы бәйрәм Парады узды. Анда Татарстан Республикасы Президенты Рөстәм Миңнеханов, Татарстан Республикасы Дәүләт Киңәшчесе Минтимер Шәймиев, Татарстан Республикасы Дәүләт Советы Рәисе Фәрит Мөхәммәтшин, Казан мэры Илсур Метшин, республика министрлыклары һәм ведомстволары вәкилләре катнашты.
Театрлаштырылган пролог барышында бөек татар шагыйре, Советлар Союзы Герое Муса Җәлил тормышының төп дәверләре күрсәтелде. Быел аның тууына 110 ел тулды.
Татарстанда Дәүләт төзелеш күзәтчелеге инспекциясе һәм Татарстан Республикасы Дәүләт хезмәт инспекциясе тарафыннан ел башланганнан бирле техник иминлек җәһәтеннән 364 тикшерү уздырылган. Хезмәтне саклау нормаларын һәм кагыйдәләрен бозган өчен 3 млн. 636 мең сумга 97 карар чыгарылган. Бүген бу хакта Татарстан Республикасы төзелеш, архитектура һәм ТКХ министры Ирек Фәйзуллин Татарстан Республикасы Хөкүмәте Йортында узган республика киңәшмәсендә хәбәр итте.
Киңәшмәне барлык мунициципаль районнар белән видеоконференцэлемтә режимында Татарстан Республикасы Президенты Рөстәм Миңнеханов уздырды. Анда шулай ук Татарстан Республикасы Премьер-министрының беренче урынбасары Алексей Песошин да катнашты.
Татарстан Республикасы Премьер-министры Илдар Халиков бүген 2016 елда Казанда "Россия студентлар язы" XXIV бөтенроссия фестивален үткәрү буенча оештыру комитеты утырышын уздырды.
Утырыш ТР Хөкүмәте йортында узды. Анда Россия яшьләр берлеге рәисе Павел Красноруцкий, ТР яшьләр эшләре һәм спорт министры Владимир Леонов, ТР мәдәният министры Айрат Сибагатуллин, Татарстан Республикасының Туризм буенча дәүләт комитеты рәисе Сергей Иванов, “Татмедиа” матбугат һәм массакүләм коммуникацияләр агентлыгы җитәкчесе Айрат Зарипов катнашты.
Резерв фонды һәм милли байлык фонды акчаларын урнаштыру нәтиҗәләре турында мәгълүмат
Татарстанда яшәүче 62 меңгә якын кеше һәм Казанда яшәүче 20 меңләп кеше 9 нчы Майда “Үлемсез полк” акциясендә катнашырга ниятли. Бу хакта бүген ТР Министрлар Кабинетында узган брифингта билгеле булды.
ТР Президенты ярдәмчесе Ләйлә Фазлыева сүзләренчә, колонна сәгать 14.00 дә тезелә башлый. Бу тикшереп үткәрү процедурасы белән бәйле, акциягә исә старт 15.00 дә биреләчәк.
“Үлемсез полк”та катнашучылар хәрәкәте “Казан” милли-мәдәни үзәгеннән башланып, Пушкин урамы, Ирек мәйданы, Лобачевский, Кремль, Чернышевский урамнары буенча 1 Май мәйданына юл тотачак.
2016 елның гыйнвар-апрель айларында Urals маркалы нефтькә уртача бәя баррель өчен 33,93 доллар тәшкил итте.
2015 елның гыйнвар-апрель айларында Urals маркалы нефтькә уртача бәя баррель өчен 54,30 доллар тәшкил иткән иде.
2016 елның апрель айларында Urals маркалы нефтькә уртача бәя баррель өчен 39,63 доллар торган, бу 2015 елның апреленә карата 1,49 тапкырга ким (баррель өчен 59,16 доллар).
Әлеге мәгълүмат Россия Федерациясенең рәсми порталыннан алынды: http://minfin.ru/ru/##ixzz47nCCTZoE
2016 елда «BudgetApps» ачык дәүләт финанс белешмәләре ел саен уздырылачак, бу Россия Федерациясе Финанслар министрлыгының 2016 елның 4 апреленнән 106 санлы Боерыгы нигезендә конкурс турында положение белән расланган. «BudgetApps» - Россиянең финанслар министрлыгы һәм аның астындагы ведомстволары - конкурс партнерларының, Россиянең федераль салым хезмәте, федераль казначылык, Россиянең федераль таможня хезмәте, Росалкоголь җайга салу, шулай ук төбәкләрнең ачык финанс мәгълүматлары нигенедә эшләп чыгарылган мобиль һәм веб-кушымталар.