ЯҢАЛЫКЛАР

Kazansummit  Россия белән ислам дөньясы илләре арасында очрашу һәм ачыктан-ачык сөйләшү урынына әверелде. Бу хакта бүген Татарстан Республикасы Президенты Рөстәм Миңнеханов «Россия – Ислам дөньясы: KazanSummit 2016» VIII халыкара икътисадый саммиты кысаларында узган эшлекле иртәнге аш барышында хәбәр итте.

Искәртәбез, саммит Казанда 2016 елның 19-20 маенда, «Корстон» КСКК мәйданчыгында уза. Чараны оештыручылар мәгълүматы буенча саммитта 50дән артык ил вәкилләре катнаша.

Татарстан Республикасында авыл хуҗалыгы продукциясе һәм азык-төлек базарын күзәтү буенча штаб эшли, һәм атна саен ТР Авыл хуҗалыгы һәм азык-төлек министрлыгы мониторингы төзелә. Бу хакта бүген Татарстан Премьер-министры Илдар Халиков республиканың профсоюз активы белән очрашуда белдерде.

Очрашу Хезмәт сараенда узды (Казан, Мөштәри ур., 9).

“Республикада төп туклану продуктларына бәяләр җитди күзәтелеп тора”, - дип белдерде ТР Премьер-министры.

Татарстан - Россиядә 500 кВ егәрлекле югары вольтлы кабель җитештерә һәм аны сыный ала торган бердәнбер төбәк. Бу хакта ТР Президенты Рөстәм Миңнеханов катнашында уникаль сынау станциясен беренче эшләтеп җибәрү чарасында игълан ителде.

Бу тарихи вакыйгада ТР Президенты, «ИНВЭНТ» компанияләр төркеме җитәкчесе, федераль министрлыклар вәкилләре, ДК продукциясен кулланучылар, шулай ук Германиянең "HIGHVOLT" компаниясе директоры Ральф Бергман катнашты. Нәкъ менә алар Татарстанны лаборатория өчен кирәкле җиһаз белән тәэмин иткән.
"Күптән түгел генә безнең хыял булган кайбер проектлар бу мәйданчыкта чынга ашырылды, - диде Рөстәм Миңнеханов чыгышында. - Без заманча кабельнең ничек җитештерелүен, сынаулар үткәрергә мөмкин булган лабораторияне күрдек. Хәзер без биредә Россия энергетика базары өчен төрле корылмалар җитештерергә сәләтле", - дип өстәде Татарстан Республикасы Президенты.

2016 елның 15 апреленнән 14 маена кадәр аралыкта Urals маркалы нефтькә уртача бәя баррель өчен 41,788 доллар, ягъни тоннасы өчен 305,1 доллар тәшкил итте. Россия Финанслар министрлыгының исәп-хисаплары буенча Россия Федерациясендә нефтькә пошлина бәясе 2016 елның 1 июненнән 14,6 долларга күтәрелеп тоннасы өчен 80,6 долларга җитәчәк.

Югары лайлалы нефтькә пошлина 7,7 доллардан 9,6 долларга җитәчәк. 

Бүген Татарстан Республикасы Президенты Рөстәм Миңнеханов Россия Президенты тарафыннан билгеләнгән Социаль-икътисадый үсешнең максатчан күрсәткечләренә ирешүне мониторинглау буенча РФ Президенты каршындагы комиссия утырышында катнашты.

Чара Мәскәүдә Россия Президенты Владимир Путин рәислегендә узды.

Утырышта федераль министрлыклар һәм ведомстволар башлыклары, Россия Федерациясе Президентының федераль округлардагы вәкаләтле вәкилләре, кайбер төбәкләр җитәкчеләре катнашты.   

Утырышта Россия  Президентының 2012 елның 7 маендагы указларында күрсәтелгән йөкләмәләр үтәлешенең барышы турында фикер алыштылар. Көн тәртибендә, аерым алганда, сәламәтлек саклау системасын квалификацияле кадрлар белән тәэмин итү, балаларга өстәмә белем бирүне үстерү, дәүләт хезмәт күрсәтүләре сыйфатын, шул исәптән ТКХ өлкәсендә дә, яхшырту мәсьәләләре каралды.

Бүген ТР Хөкүмәте Йортында коррупциягә каршы закон таләпләрен үтәү мәсьәләләре буенча семинар узды. Чарада Татарстан Республикасы Президенты Рөстәм Миңнеханов, ТР Премьер-министры Илдар Халиков, РФ Президентының Коррупциягә каршы мәсьәләләр буенча идарәсенең оештыру-аналитик тәэминат департаменты башлыгы Евгений Кузьмин, ТР Президенты Аппараты һәм ТР Министрлар Кабинетының структур бүлекләре, республика министрлыклары һәм ведомстволары җитәкчеләре катнашты.

Семинар видеоконференцэлемтә режимында республиканың барлык муниципаль берәмлекләре катнашында үткәрелде.

Рөстәм Миңнеханов билгеләп үткәнчә, Россиядә коррупция илкүләм проблема булып тора, аңа каршы көрәш дәүләтнең төп бурычларының берсенә әверелде.

Татарстан Республикасында 2016 елның 13 маена 821,1 мең кв.м. торак гамәлгә кертелгән, бу үткән елның шушы чорына карата 101,3 % тәшкил итә.  Бүген бу хакта Татарстан Республикасы Хөкүмәте Йортында узган киңәшмәдә Татарстан Республикасы төзелеш, архитектура һәм ТКХ министры Ирек Фәйзуллин хәбәр итте. Киңәшмәне барлык мунициципаль районнар белән видеоконференцэлемтә режимында Татарстан Республикасы Президенты Рөстәм Миңнеханов уздырды. Анда шулай ук Татарстан Республикасы Премьер-министры Илдар Халиков та катнашты.  

И. Фәйзуллин билгеләп үткәнчә, Татарстанда Дәүләт төзелеш күзәтчелеге инспекциясе һәм Татарстан Республикасы Дәүләт хезмәт инспекциясе тарафыннан ел башланганнан бирле техник иминлек җәһәтеннән 395  тикшерү уздырылган. Хезмәтне саклау нормаларын һәм кагыйдәләрен бозган өчен 4 млн. 526 мең сумга 111  карар чыгарылган.

Татарстан Республикасы Финанслар министрлыгы хезмәткәрләре "Урман утырту көне" исемле республиканың традицион акциясендә катнаштылар.

Әлеге чарада 30 меңгә якын республика халкы катнашты, нәтиҗәдә барлыгы 350 гектар җиргә 1,3 млн. күләмендә төрле агачлар утыртылды. Әлеге акциядә ТР Президент Аппапаты, ТР Министрлар Кабинеты, ТР Дәүләт Советы депутатлары, ТР Прокуратурасы, барлык министрлык, ведомстволар, суд органнары хезмәткәрләре, уку йортларының мөгаллимнәре һәм укучылары катнашты. Шуны да әйтергә кирәк, Урман утырту көнендә катнашучылар саны ел саен арта, агачларны балалар белән бергә, барлык гаилә белән утырталар.

Бүген Татарстан Хөкүмәте йортында Татарстан Республикасында иминият базарын үстерү мәсьәләләре буенча фикер алыштылар. Зур иминият компанияләре җитәкчеләре катнашында киңәшмәне ТР Премьер-министры Илдар Халиков уздырды.

Шулай ук бу чарада Россия банкы иминият базары департаменты директоры Игорь Жук, Россия банкы Идел-Нократ баш идарәсенең башлык урынбасары – Татарстан Республикасы буенча Милли банк-бүлеге управляющие Мидһәт Шаһиәхмәтов, Россия автоиминиятчеләр берлеге җитәкчеләре, ТР министрлык һәм ведомстволар, шулай ук төрле иминият компанияләре вәкилләре катнашты.

Алдан үзенең ТР Хөкүмәте йортындагы эш кабинетында Илдар Халиков Игорь Жук белән очрашты. Алар республикада иминият тармагында үсеш перспективалары һәм бу өлкәне җайга салу турында фикер алыштылар.

Татарстан Премьер-министры Илдар Халиков бүген ТР Хөкүмәте йортында “Россия-Ислам дөньясы” стратегик күзаллау төркеме утырышын үткәрү һәм аңа әзерлек буенча буенча оештыру комитеты утырышын уздырды.

ТР Премьер-министры искә төшергәнчә, 2014 елның 14 июнендә РФ Президенты Владимир Путин Рөстәм Миңнехановка “Россия - Ислам дөньясы” стратегик күзаллау төркемен җитәкләүне һәм аның эшчәнлеген яңадан башлап җибәрүне йөкләде. Бер елдан соң, 2015 елның июнендә, Мәскәүдә Татарстан Президенты рәислегендә яңартылган форматта Төркемнең утырышы узды.

Төркемнең икенче утырышын Казанда 25-28 майда уздыру планлаштырыла.