ЯҢАЛЫКЛАР

Бүген бишенче чакырылыш ТР Дәүләт Советының 12 нче утырышында “2016 елга Татарстан Республикасы бюджеты турында”гы 160-5 нче номерлы Татарстан Республикасы законы проекты беренче укылышта кабул ителде.

ТР закон чыгару органы башлыгы Фәрит Мөхәмәтшин сүзләренчә, әлеге закон проектын эшләүдә Татарстанның барлык министрлыклары һәм ведомстволары өлеш керткән.

2016 ел бюджетның иң күләмле чыганаклары булып табышка салым, физик затлар кеременә салым, оешмалар милкенә салым торачак. Алар тупланма бюджетның үз керемнәренең 74 проценты, ә республика бюджетында 80 процентын тәшкил итә.

Бу хакта бүген ТР Дәүләт Советының 12 нче утырышында ТР финанслар министры Радик Гайзатуллин хәбәр итте.

“Бюджетны әзерләгәндә дөньяда чимал һәм финанс базарында тотрыксызлык хөкем сөргәнен искәртәсем килә. Болар барысы да бюджетны, аеруча аның керем өлешен фаразлаганда, берникадәр авырлыкларга китерде, - диде ул чыгышында. – Республика Финанслар министрлыгы 2016 елга бюджетның керем өлешен формалаштыру буенча эшне икътисад министрлыгы, салым хезмәте, тармак министрлыклары, оешмалар белән берлектә алып барды. Аерым салымнар буенча исәпләүләр ясалды, җирле бюджетларның керем өлешен тулыландыру буенча муниципалитетларның тәкъдимнәре дә тикшерелде. Җирле муниципаль берәмлекләр белән уздырган чаралар нәтиҗәсендә, 2016 елга җирле бюджетларның керемнәре күләме алар белән расланды һәм бу өлкәдә каршылыклар юк.”

Бүген Татарстан Республикасы Президенты Рөстәм Миңнеханов Россия икътисадын модернизацияләү һәм инновацион үстерү буенча РФ Президенты каршындагы совет президиумы утырышында катнашты.

Утырыш Мәскәүдә узды, аны Россия Федерациясе Хөкүмәте Рәисе Дмитрий Медведев алып барды.

 Пенсия фондын баланлаштыруга РФ бюджетының өстәмә чыгымнары  2015 елда 120 млрд. сум тәшкил итәчәк, дип белдерде журналистларга финанслар министры Антон Силуанов.
Пенсия Фонды мәгълүматлары буенча, 2015 елда Россиянең Пенсия фонды бюджетын тигезләштерүгә бирелүче трансферт күләме 690 миллиард сум тәшкил итәчәк.

РФ Финанслар министрлыгы хосусыйлаштырудан керемнәрнең артуын якын елларда көтми, дип белдерде министрлык җитәкчесе Антон Силуанов, Дәүләт Думасының бюджет һәм салымнар буенча комитет утырышында чыгыш ясап.
"Хосусыйлаштырудан кереләчәк фаразланган акча күләмен киметтек. Әлбәттә, хосусыйлаштырудан керемнәр алу өчен хәзер иң кулай вакыт түгел", - дип белдерде ул.

2016 елда агросәнәгать комплексын үстерүгә дәүләт ярдәме, дәүләт бюджетының гомуми чыгымнарының кимүенә карамастан, арттылычак, дип белдерде Дәүләт Думасының бюджет һәм салымнар буенча комитеты утырышында РФ финанслар министры Антон Силуанов.

РФ Хөкүмәте пенсия белән ирекле тәэмин итү системасын реформалау мөмкинлеген тикшерә, дип белдерде финанс министры урынбасары Алексей Моисеев журналистларга "Россия чакыра!" форумы кулуарларында.
"Пенсия белән ирекле тәэмин итү системасы бездә реформалаштырылмаган, димәк, аны реформалаштырырга кирәк", - дип белдерде ул, Россия Банкы альтернатив пенсия системасын барлыкка китерү турында тәкъдим иткәч.

2015 елның 14 октябрендә Россия Финанслар министрлыгы, аудит буенча халыкара стандарт һәм мәгълъматның дөреслеген раслау буенча Совет, Бухгалтерларның халыкара федерациясе һәм «PricewaterhouseCoopers» аудит-киңәшче фирмасы "Аудитның халыкара стандартлары: аудитлар нәтиҗәләренә яңа таләпләр" исемле семинар уздырды. Әлеге чарада аудиторлар оешмалары, эшлекле җәмгыять, аудиторларның бәйсез оешмалары, югары мәктәп, дәүләт органнары вәкилләре катнашты.

РФ Финанслар министры Антон Силуанов пенсиянең җыелып барылучы өлешен "катыру" мөмкинлеге буенча карар кабул итүне киләсе атнада көтә.
"Без бу карарны киләсе атнада көтәбез", - диде ул журналистларга чәршәмбе көнне.

Алдан якынча исәпләүләр буенча, 2015 елның гыйнвар-сентябрь айларында федераль бюджет үтәлеше күрсәткечләре түбәндәгечә:
- тупланган керемнәр күләме - 10 143 126,2 млн. сум, ел фаразының 80,8%;
- үтәлгән чыгымнар - 10 932 741,1 млн. сум, ел фаразының 70,6%.