ЯҢАЛЫКЛАР

Бүген Мәскәү астындагы Климовскта Россия Федерациясе Премьер-министры Дмитрий Медведев РФ Президенты каршындагы Икътисадны модернизацияләү Советы президиумы утырышын уздырды. Президиум эшендә шулай ук Татарстан Республикасы Президенты Рөстәм Миңнеханов катнашты.

Президиум утырышы темасы - торак-коммуналь хуҗалык өлкәсендә инновацияләр кертү. РФ Хөкүмәте Рәисе әлеге өлкәне инвестицион яктан кызыклы ясарга өндәде, Дмитрий Медведев фикеренчә, бу өлкәдә федерация субъектлары җитәкчелеге төп рольне уйный.

2014 елда Татарстанда авыл хуҗалыгы җитештерүчеләренә техника алуга ярдәм буенча яңартылган программа гамәлгә керә. Баштагы елларда ярдәм күләме ел саен 1 млрд. сумнан артыграк булса, 2014-2016 елларда Татарстан бюджетныда моңа 6 млрд. сум каралган. Республиканың авыл хуҗалыгы техникасы паркы ниндидер өлешен булса да яңарта алырга мөмкинлек булачак дип ышана Хөкүмәт, чөнки иске техниканың күләме 55% тәшкил итә икән.

2013 ел нәтиҗәләре буенча Резерв фондына 100 млрд. сум акча күчереләчәк, дип хәбәр итте финанслар министры Антон Силуанов.

2014 елда тарифларны катыру сәбәпле табигый монополияләрнең инвестпрограммалары күләме иң ким вариантына кадәр кимергә мөмкин, дип хәбәр итте "Прайм" агентлыгына финанс министры Антон Силуанов.

Акча-кредит сәясәтендә инфляция буенча максатчан ориентир үзгәреше чыгымнарны индексацияләүгә кагылмыячак, дип белдерде "Прайм" агентлыгына Антон Силуанов.

"Мәскәү-Казан" югары тизлектәге магистраль салу проектына юнәлдерелгән Милли Байлык Фонды акчалары кире кайтарылмаска мөмкин, шуңа күрә федераль бюджеттан финанслау өчен акчаны арттырырга кирәк булырга мөмкин, дип белдерде Финанс министры Антон Силуанов.  

Россия Федерациясе Финанслар министрлыгы якын арада салымнарны күтәрү кирәклеген күрми, дип хәбәр итте  Сочида узган инвестфорум кысаларында салым салу мәсьәләләре буенча узган "Түгәрәк өстәлдә" ведомство җитәкчесе Антон Силуанов.

Бүген Татарстан Республикасы Дәүләт Советы утырышында депутатлар "Оешмалар милкенә салым турында" Татарстан Республикасы Законының 3 һәм 5 маддәләренә үзгәрешләр кертү турында" закон проектын беренче укылышта һәм тулаем кабул иттеләр.
Татарстан Республикасы Финанслар министры Радик Гайзатуллин аңлатып узганча, республиканың дәүләт финансларын тернәкләнедерү буенча чаралар планын тормышка ашыру максатыннан, шклай ук салым түләүчеләр 2012 елда ташламалар белән кулланмаганын исәптә тотып, әлеге закон проектын 2014 елның 1 гыйнварыннан әлеге ташламаларны гамәлдән чыгарырга тәкъдим ителә.

Бүген Татарстан Республикасы Дәүләт Советының IV чакырылыштагы 44-нче утырышында депутатлар "Татарстан Республикасы Бюджет кодексына һәм Татарстан Республикасының аерым закон проектларына үзгәрешләре кертү турында" закон проектын тикшерделәр.

Бүген Татарстан Республикасы Президенты Рөстәм Миңнеханов Татарстан Республикасы Дәүләт Советы утыршында "республиканың эчке һәм тышкы торышы турында" еллык Юллама белән чыгыш ясады. Якын арада Татарстан Республикасы Дәүләт Советына кертеләчәк "2014 елга һәм 2015, 2016 елдагы план чорына Татарстан Республикасы бюджеты турында" Татарстан Республикасының Законы проекты Р.Н.Миңнеханов куйган бурычлар нигезендә эшләп чыгарылды һәм формалаштырылды.