Татарстан Республикасы Министрлыклары Татарстан Республикасы Финанс министрлыгы

ЯҢАЛЫКЛАР

июль, 2013 ел

чәршәмбе

Дәүләт Думасы амортизациягә түләүләр буенча күчмә нигезләмәләр кертүне хуплады

Дәүләт Думасы пленар утырышта чәршәмбе көнне РФ Салым Кодексына хакы дәүләт тәркәвенә генә мөмкин булган объектларга амортизациягә түләүләр буенча күчмә нигезләмәләр кертү буенча үзгәрешләр кертүне хуплады. Әлеге төзәтмә мәдәния учрежденияләре өчен өстәмә бәягә салым буенча ташламалар турында закон проектының икенче укылышына кертелгән иде. Документ икенче укылышта кабул ителде.

Рөстәм Миңнеханов нефть химиясен үстерү буенча Хөкүмәт киңәшмәсендә катнашты

Россия Федерациясе химия һәм нефть химиясе комплексын үстерү чаралары турында Хөкүмәт киңәшмәсен бүген Башкортостан Республикасының Благовещенске шәһәрендә Россия Федерациясе Премьер-министры Дмитрий Медведев уздырды. Илдә полиэфир комплексларының иң эреләреннән булган “Полиэф” ААҖ җитештерү мәйданчыгында узган бу киңәшмәдә Татарстан Республикасы Президенты Р.Н. Миңнеханов, шулай ук Россия Федерациясе вице-премьеры Аркадий Дворкович, Россия энергетика министры Александр Новак, Россия Федерациясе Президентының Идел буе федераль округында тулы вәкаләтле вәкиле Михаил Бабич, Башкортостан Президенты Рөстәм Хәмитов, нефть-газ һәм нефть химиясе эре компанияләре җитәкчеләре дә катнашты.

июль, 2013 ел

сишәмбе

Финанс министрлыгының коррупциягә каршы программа үтәлеше тикшерелде

Бүген Татарстан Республикасы Финанслар министрлыгының Казначылык Департаментында ТР Финанслар министрлыгында һәм Казначылык Департаментында коррупциягә каршы көрәш сәясәте мәсьәләләре бунча комиссия утырышы узды. Утырышта комитет рәисе, Татарстан Республикасы Финанс министры урынбасары, ТР Финанс министрлыгының Казначылык Департаменты директоры Марат Фәйзрахманов 2012-2014 елга ТР Финанслар министрлыгының коррупциягә каршы программаның 2013 елның беренче яртыеллыгында үтәлеше турында хәбәр белән чыгыш ясады.

Татарстанда 2013 елда кече һәм урта эшмәкәрлеккә ярдәм өчен 1,2 млрд сум бүлеп бирелгән

2013 елда федераль һәм республика бюджетыннан кече һәм урта эшмәкәрлеккә ярдәм өчен Татарстанда 1,2 млрд сум бүлеп бирелгән. Бу хакта бүген ТР Хөкүмәте йортында узган, 2013 елда кече һәм урта эшмәкәрлек субъектларына ярдәм чараларына багышланган брифингта, ТР икътисад министры Мидхәт Шаһиәхмәтов хәбәр итте. Брифингта шулай ук ТР икътисад министры урынбасары-Эшмәкәрлеккә ярдәм департаменты җитәкчесе Рөстәм Сибгатуллин катнашты.

Эшмәкәрләр санының кимүенә китергән төп сәбәпләрнең берсе, дип Мидхәт Шаһиәхмәтов ел башыннан илдә иминият кертемнәре ставкасының күтәрелүен атады. Әлеге проблема министрлыкның республика шәһәр-районнарына чыгып эшмәкәрләр белән оештырган очрашуларында да күтәрелгән.

Татарстанда алкоголь продукциясен сату күләменең кимүе күзәтелә

Татарстанда легаль алкоголь продукциясен сату күләмнәренең күпкә кимүе күзәтелә. Бу хакта бүген ТР Министрлар Кабинетында, республикада алкоголь базары торышы һәм спиртлы продукциянең легальлеге һәм сыйфаты өстеннән контрольгә багышланган брифингта Этил спирты, алкоголь продукция җитештерү, әйләнеше һәм сыйфаты өстеннән дәүләт күзәтчелеген тәэмин итү һәм кулланучылар хокукларын яклау буенча ТР дәүләт инспекциясе башлыгы Игорь Марченко хәбәр итте.

Аның сүзләренчә, сатылу күләмнәренең кимүе, 2013 нче елның 1 нче гыйнварыннан аракы бәясенең минималь бәясе 125 сумнан 170 сумга кадәр артуы белән бәйле. Әмма бәяләр күтәрелүе хәмер куллану кимүенә китермәгән. Моннан тыш, алкоголь продукциясен берәмләп сату буенча легаль базарның кимүенә, исерткечләрнең законсыз әйләнеше фактлары артуы да йогынты ясаган.

июль, 2013 ел

дүшәмбе

Видеоэдемтә режимында киңәшмә

Бүген Татарстан Республикасы Финанслар министрлыгында видеоконференция режимында узган киңәшмәдә РФ Пенсия фондына муниципаль берәмлекләрнең иминият кертемнәрен түләү, бюджет өлкәсендә эшләүчеләргә хезмәт хакын арттыру өчен өстәмә керем чыганакларын табу, РФ рәсми интернет сайтында дәүләт һәм муниципаль учрежденияләр турында мәгълүматларны урнаштыру мәсьәләләре каралды.

Финанс министрлыгы хезмәткәрләре Болгарга барды

29 июнь көнне Татарстан Республикасының Финанслар министрлыгы хезмәткәрләре Болгар дәүләт тарихи-архитектура музеен карап кайтты.

2016 ел ахырына резерв фонд күләме тулай төбәк продуктның 5,1% хәтле артачак

2016 ел ахырына Резерв фонд күләме 4 млн. 692 млрд. сум, ягъни тулай төбәк продуктның 5,1% хәтле артачак, 2013 ел ахырына ул тулай төбәк продуктның 4,7% тәшил иткән иде, дип хәбәр итте РФ Финанслар министры Антон Силуанов Дәүләт Думасының бюджет һәм салым буенча Комитет утырышында.

Финанслар министрлыгы бюджет кытлыгы фаразын киметте

РФ Финанслар министрлыгы 2014-2016 елларга федераль бюджетның күрсәткечләрен бераз үзгәртте. Ачыкланган бөя буенча, 2014 елда бюджет кытлыгы алдан әйтелгәнчә 412,2 млрд сум (тулай төбәк продуктның 0,56%) урынына 327,1 млрд сум (тулай төбәк продкутның 0,4%) тәшкил итәчәк. Бу турыда РФ Финанслар министры Антон Силуанов Дәүләт Думасының бюджет һәм салымнар буенча комитет утырышында хәбәр итте.

Татарстан Президенты "Казан"аэропортының реконструкцияләнгән 1 нче терминалында булды

Бүген Татарстан Республикасы Президенты Р.Н. Миңнеханов "Казан"аэропортының реконструкцияләнгән 1 нче терминалы эше белән танышты. Аны Татарстан Республикасы юллар хуҗалыгы һәм транспорт министры Ленар Сафин, Казан шәһәре мэры Илсур Метшин, Лаеш муниципаль районы башлыгы Михаил Афанасьев, Универсиада Дирекциясе башлыгы Владимир Леонов озатып йөрде.

Аэропортның иске терминалы Универсиада алдыннан республика башкаласының “һава капкалары”н модернизацияләү кысаларында реконструкцияләнгән иде. Төзелеш эшләре 2012 елның июнендә яңа 1А терминалы ачылганнан соң башланды. Бинаның эчке һәм тышкы бизәлешләре яңа терминалга туры китерелгән, заманча җайланмалар куелган. Иске һәм яңа бина үзара тоташтырылган, аннан "Аэроэкспресс"станциясенә дә кереп була. 1 нче терминал мәйданы хәзер 24 мең квадрат метр, бу хәтта яңа 1А терминалы мәйданыннан да зур.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ