ЯҢАЛЫКЛАР

Бүген Татарстан Премьер-министры Илдар Халиков Moody’s Investors Service халыкара рейтинг агентлыгы вәкилләре белән очрашты.
ТР Хөкүмәт йортында узган очрашуда ТР финанслар министры Радик Гайзатуллин һәм башка рәсми затлар катнашты.
Очрашуда киләчәктә Татарстан Республикасы белән Moody’s Investors Service агентлыгының хезмәттәшлек перспективалары һәм Татарстанның инвестицион җәлеп итүчәнлеген күтәрү турында фикер алыштылар, дип хәбәр итә ТР Президенты матбугат хезмәте.

Ренат Тимерҗановка ТР буенча баш федераль инспектор вазыйфасында федераль башкарма хакимиятнең территориаль органнары эшчәнлеген координацияләү һәм РФ Президенты указлары гамәлгә куелышын контрольдә тоту, шулай ук милләтара килешүне саклау һәм дини экстремизмга каршы көрәш кебек төп мәсьәләләрне хәл итәргә туры киләчәк. Бу хакта бүген ТР Хөкүмәт йортында Россия Президентының Идел буе федераль округындагы тулы вәкаләтле вәкиле Михаил Бабич белдерде.

“Ренат Тимерҗанов – тәкъдим итүгә мохтаҗ кеше түгел. Ул республикада яхшы билгеле, күпләр аның белән берничә ел дәвамында эшләде. Алтай краенда да үзен бары тик яхшы яктан гына күрсәтте”, - диде Михаил Бабич Ренат Тимерҗанов турында.

2012 елның 29 декабрендә РФ Президенты тарафыннан имзаланган “Россия Федерациясендә мәгариф турында” Федераль закон Татарстан Республикасының “Мәгариф турында” үз закон проектын эшләүгә сәбәп булды. Бүген яңа редакциядәге “Мәгариф турында” закон проектын хакында ТР Дәүләт Советының Мәдәният, фән, мәгариф һәм милли мәсьәләләр комитеты утырышында фикер алыштылар.

Россия Федерациясе өлкәләренең юл фондлары 4нче һәм 5нче класслы бензинга акцизларны арттыру хисабына тулыланачак. Федераль юл фонды ичә башка чыганаклар эзлиячәк, ләкин бу нефтькә файдалы казылмалардан табышка салым арттыру юлы булмыячак, дип хәбәр итте РФ финанслар министры урынбасары Сергей Шаталов дүшәмбе көнне.

18 майда Татарстан Республикасы дәүләт хезмәткәрләре арасында җиңел атлетика буенча спартакиада узды. Злеге чарада Татарстан Республикасы финанслар министрлыгы белгечләре командасы катнашып сигезенче урынны яулады.

Бүген Татарстан Республикасы финанслар министрлыгы белгечләре, министр урынбасары Данил Волков башлыгында урман утыртты. Әлеге урман утырту акциясе Татарстанның барлык муниципаль берәмлеләрендә дә уздырылды. Бу чарада Финанс министрлыгыннан 10 белгеч катнашты.

Татарстан Республикасы тупланма бюджетының үз керемнәрен арттыру буенча Ведомствоара комиссия эшчәнлеге кысаларында 17 майда Татарстан Республикасы финанслар министрылыгда министр урынбасары Данил Волков җитәкчелегендә киңәшмә узды. Киңәшмәдә аерымкредит, лизинг һәм иминиятләштерү оешмалаырының агымдагы елның 4 аенда эшчәнлеләре нәтиҗәләре тикшерелде һәм 2013 елның 2 кварталында көтелүче финанс-хуҗалык эшчәнлеге нәтиҗәләре каралды.

Бүген ТР Хөкүмәт йортында региональ инновация үзәкләрен булдыру һәм үстерүнең дөньядагы иң алдынгы тәҗрибәләре турында фикер алышу буенча махсус сессия булды. Бу чарада ТР Премьер-министры Илдар Халиков, Татарстан Президент Аппараты җитәкчесе Юрий Камалтынов, республиканың министрлык, ведомство һәм муниципаль берәмлек вәкилләре катнашты.

Сессияне ачып, Илдар Халиков, бүген республикада зур инвестиция проектлары гамәлгә ашырыла, дип искәртте. Алар арасында “Иннополис” һәм “Смарт Сити Казан” аерым урын алып тора.

Бүген Татарстан Республикасы Президенты Рөстәм Миңнеханов Россия икътисадын модернизацияләү һәм инновацион үстерү буенча Россия Федерациясе Президенты каршындагы Совет президиумы утырышында катнашты. Утырыш РФАнең Фәнни үзәге базасында Мәскәү өлкәсенең Черноголовка шәһәрендә узды, аны Россия Федерациясе Премьер-министры Дмитрий Медведев алып барды, ул экологик иминлек һәм табигатьтән нәтиҗәле файдалану өлкәсендә инновацион үсеш темасына багышланды.

Утырыш башланыр алдыннан Рөстәм Миңнеханов Россия Фәннәр академиясенең фәнни приборлар төзү эксперименталь заводы - "ЭЗАН" ФДСУ продукциясе экспозициясен карап чыкты. Черноголовкада урнашкан әлеге предприятиедә РФА галимнәренең җитештерелә башлаган эшләнмәләре чыгарыла. Бөтен продукция реаль шартларда кулланыла инде.

Татарстанның федераль программаларда катнашуы нигездә Татарстан Республикасыннан Дәүләт Думасы депутатлары эшенә бәйле. Бу фикерне бүген Татарстан Республикасы Президенты Р.Н.Миңнеханов Татарстан Республикасыннан Дәүләт Думасы депутатлары һәм Федерация Советы әгъзалары белән очрашуда әйтте. Очрашу Татарстан Республикасының Россия Федерациясендәге Тулы вәкаләтле вәкиллегендә узды, анда шулай ук Татарстан Республикасы Дәүләт Советы Рәисе Ф.Х.Мөхәммәтшин һәм кайбер республика министрлыкларының җитәкчеләре дә катнашты.

Очрашуны ачып, Рөстәм Миңнеханов Татарстанда федераль программаларның уңышлы гамәлгә ашырылуын билгеләп үтте, аның сүзләренчә, бу республика Хөкүмәтенең дә, шулай ук парламентарийларның да казанышы. "Әлеге программалар кысаларында финанслау күләмнәре аз түгел, әмма бу суммалар тагын да зур булсын өчен актив эшләргә кирәк", - дип саный Татарстан Республикасы Президенты.