ЯҢАЛЫКЛАР

Россия Финанслар министрлыгы инфрастуктураны бюджет чаралары белән финанслауны бюджетның нәтиҗәлексез чыгымнары хисабына арттырырга була, дип хәбәр итте финанслар министры Антон Силуанов. 

Татарстан Президенты Рөстәм Миңнеханов бүген ММЧ хезмәткәрләрен күбрәк республикадагы уңай вакыйгалар турында сөйләргә өндәде.”Тормышта уңай мизгелләр булырга тиеш,әгәр син һәрвакыт тискәре якларны гына күрәсең икән,яшәү күңелсезләнә”,-диде ул,Республика матбугат һәм массакүләм коммуникацияләр агентлыгының йомгаклау коллегиясендә чыгыш ясаганда.
Аның әйтүенчә,узган ел күп вакыйгалар булган,гомумән Татарстан өчен ул яхшы ел була.”Сезнең эшкә килгәндә, Һәрбер кеше яхшырак һәм яхшырак эшләргә тиеш,һәм без дә тырышачакбыз”,-дип мөрәҗәгать итте Р.Миңнеханов ММЧ хезмәткәрләренә.Журналистлар мәгълүматны нинди генә формада җиткерсәләр дә ,ул кызыклы һәм профессиональ булырга тиеш,-дип ассызыклады ул.”Профессиональлек булмаса,әгәр сезнең тапшыру һәм мәкаләгез кызык түгел икән,аны беркем дә укымаячак,-дип белдерде республика башлыгы.

“2013-2017 елларга балалар мәнфәгатьләре бәрабәренә республика стратегиясен гамәлгә ашыруга багышланган иде бүген Татарстан Республикасы Министрлар Кабинеты Президиумы утырышы. Утырышны ТР Хөкүмәт йортында Татарстан Премьер – министры Илдар Халиков үткәрде.
ТР Хөкүмәте Башлыгы балалар мәнфәгатьләрен яклау Татарстан дәүләт сәясәтенең төп бурычларының берсе булуын билгеләп үтте. Илдар Халиков бу өлкәдә булган берничә проблеманы атап үтте – шул исәптән, ТР җитәкчелеген элеккечә гаилә хәлләренең начар булуы, балалар хокукларын бозу очраклары, балигъ булмаганарга мөнәсәбәтле көч куллану мәсьәләләре борчый.

Татарстан Республикасының Финанслар министрлыгында 2013 елның 7 февралендә Республика күләмендә әһәмияткә ия инвесторлар катнашында киңәшмә узды.

 

Бүген, 2013 елның 6 февралендә, Татарстан Республикасының Финанслар министрлыгында төрле министрлыклар һәм федераль ведомстволар вәкилләре катнашында Татарстан Республикасының тупланма бюджетына үз керменәрне кертүне арттыру буенча Ведомствоара комиссия утырышы узды.

Татарстан Президенты “РОСНАНО”ААҖ Идарәсе рәисе урынбасары ,Инфраструктура һәм белем бирү программалары фонды генераль директоры Андрей Свинаренко белән очрашты.ТР Хөкүмәт Йортында узган очрашуда шулай ук Татарстан Премьер-министры Илдар Халиков,ТР Хөкүмәте беренче вице-премьеры Равил Моратов, икътисад мәсьәләләре буенча ТР Президенты ярдәмчесе Айрат Хәйруллин, “Идея” технопаркы генераль директоры Сергей Юшко катнаштылар.

Очрашу барышында ике яктан да катнашучылар узган ел ахырында Казанда ачылган , Россиядәге беренче “РОСНАНО” наноүзәге эш мәсьәләләре хакында фикер алыштылар.

Бүген Татарстан Республикасы Премьер-министры Илдар Халиков боерыгы белән Татарстан Республикасы Финанслар министрлыгында министрлык һәм ведомстволарның финанс бүлекләре җитәкчеләре белән мобилизациягә әзерләнү буенча киңәшмә узда.

Узган елда Татарстанда тарихи-мәдәни мирасны саклау буенча аз эшләнмәде, бу Казанга гына түгел, республиканың башка шәһәрләренә дә кагыла. Бүген бу турыда ТР Премьер–министры Илдар Халиков ТР Мәдәният министрлыгының Г.Тукай исемендәге Татар дәүләт филармониясе бинасында узган йомгаклау коллегиясендә белдерде.
Тармакның эш нәтиҗәләре турында төп доклад белән ТР мәдәният министры Айрат Сибагатуллин чыгыш ясады. Ул үз чыгышын республикабыз мәдәнияте һәм сәнгатенең узган елда вафат булган эшлеклеләренә багышланган бер минут тынлыктан башлады. ТР мәдәният министры түбәндәгеләрне хәбәр итте: бүген республикада 3 меңнән артык мәдәният оешмасы эшли. Ул музейларга капиталь ремонт ясау проблемасына аерата игътибар биреп, бүгенге көндә 157 музейдан 50 сенең капиталь ремонтка мохтаҗ булуын, 12 музейның авария хәлендә булуын билгеләп үтте.

ТР Яшьләр эшләре,спорт һәм туризм министрлыгының эш нәтиҗәләре хакында министр Рафис Борһанов доклад ясады.
2012елда берничә зур яшьләр форумнары булып узды,шуларның иң зурысы халыкара белем бирә торган “Сәләт” форумы булды.Анда 3 меңнән артык сәләтле яшьләр катнашты.
2012елда 190 спорт объекты файдалануга тапшырылды,һәм аларның гомуми саны Татарстанда 9300кадәр җитте,-дип белдерде министр.
Р.Борһанов әйтүенчә,мөмкинлекләре чикләнгән кешеләргә зур игътибар бирелә.Ел йомгаклары буенча спорт белән шөгыльләнүче инвалидларның саны якынча 15 мең кеше .
2012 ел,Р. Борһанов сүзләренә караганда,республикада туризмның үсеше өчен дә уңышлы булган.9 ай эчендә 2012 елда туризмның үсеше 12,6% тәшкил итә.

Россия Федерациясе Финанслар министры Антон Силуанов РФ инфляциясен 2018 елга 3-7% киметүне мөмкин хәл ди.

"Үз алдыбызга инфляцияне 3-4% киметү буенча бурыч куярга кирәк, шуңа да 2018 елга бу мөмкин күренеш", - диде ул журналистларга, сорауларына җавап биреп.