ЯҢАЛЫКЛАР

Татарстан Республикасы Финанс министрлыгында агымдагы елның гыйнвар-август айларында республиканың җирле бюджет үтәлеше һәм 2012 елның сентябрендә көтеоүче үтәлеше буенча муниципаль берәмлекләрнең финанс органнары җитәкчеләре белән киңәшмәләр узды.

Россия Инновацион төбәкләре ассоциациясе, РФ субъектлары үзара тәҗрибә алмашсын һәм кызыксынуларын бергәләп алга җибәрсен өчен, нәтиҗәле оешма булып тора. Шундый фикерне бүген Новосибирскида “Интерра-2012” халыкара инновацион форумында (аны оештыручыларның берсе - АИРР) ТР Президенты Рөстәм Миңнеханов белдерде.

ТР Президенты журналистлар белән әңгәмәсендә илнең алдынгы фәнни үзәкләренең берсендә - Новосибирскида үткәрелә торган “Интерра-2012” форумы очрашулар һәм инновацион өлкәдә төбәкара элемәтләрне җайга салу мәйданы булуын билгеләде.

“Миңа, Республика җитәкчесе һәм Россия Инновацион төбәкләре ассоциациясе Советы рәисе буларак, монда, бу форумда булу зур хөрмәт, - дип белдерде Рөстәм Миңнеханов. – Бүген бик кызыклы утырыш булды, ләкин мин эшлекле сәфәр кысаларында тагын күп кенә кызыклы элемтәләр булыр, дип өметләнәм”.

Бүген ТР Дәүләт Советының чираттагы утырышында депутатлар “Татарстан Республикасы территориясендә салым салуның патент системасын кертү турында” закон проектын тулаем кабул итте.

Әлеге закон проекты РФ Салым кодексына 2012 елның 25 июнендә кабул ителгән “РФ Салым кодексының беренче һәм икенче өлешләренә һәм РФнең аерым закон актларына үзгәрешләр кертү турында” федераль закон тарафыннан кертелгән үзгәрешләрне исәпкә алып эшләнгән. Әлеге закон проекты нигезендә Татарстан Республикасы территориясендә салым салуның патент системасы кертелә.

Алда күрсәтелгән үзгәрешләргә бәйле рәвештә, федераль законның “РФ субъектлары территорияләрендә аерым эшкуарларның патент нигезендә салым салуның гадиләштерелгән системасын куллану үзенчәлекләре” дип аталган 346.25.1 статьясы көчен югалткан дип таныла. Шул ук вакытта “Салым салуның патентлы системасы” дип исемләнгән 26.5 бүлек кертелә. Ул гамәлдәге патентны һәм 2018 елдан башлап, этаплап, алдан исәпләнгән керемгә өстәмә салымны алмаштыра. Бу норма аерым эшкуарлар өчен генә гамәлдә була.

Республика икътисадын тәшкил итүче төп өлкәләрнең берсе булып, элеккечә агросәнәгать комплексы кала. Безнең өчен барлык юнәлешләр дә мөһим – эре авыл хуҗалыгы оешмалары һәм фермерлык хуҗалыклары һәм халыкның шәхси йорт хуҗалыклары үсеше дә күз уңында. Бу хакта бүген ТР Президенты Рөстәм Миңнеханов ТР Дәүләт Советы депутатларына еллык Юлламасында билгеләп узды.

Утырыш киңәйтелгән составта узды. Анда федераль һәм республика хакимияте органнары, җирле үзидарә органнары вәкилләре, иҗтимагый, дини оешмалар, профсоюзлар, бизнес, мәгариф, сәламәтлек саклау, мәдәният, ММЧ вәкилләре – барлыгы 700 гә якын кеше катнашты.

Honeywell  корпорациясе Татарстан Республикасы белән төрле өлкәләрдә хезмәттәшлекне үстерүдә кызыксына. Бу турыда Honeywell  корпорациясенең Россиядәге, Үзәк Азия һәм Якын Көнчыгыштагы президенты Норм Гилсдорф ТР Премьер-министры Илдар Халиков белщн очрашу вакытында.

Татарстан Республикасы финанс министрлыгында өстәмә белем бирү учрежденияләренә йөргән балаларның төрле түгәрәкләр һәм секцияләргә йөрүен автомат рәвештә исәп-хисаплау кертү буенча видеоэлемтә режимында киңәшмә узды.

Бүген Татарстан Республикасы финанс министры урынбасары Алла Анфимова 2013 елда Казанда ухачак XXVII дөньякүләм җәйге Универсиадага әзерләнү һәм уздыру вакытында пассажирларны йөртү өчен автотранспорт сатып алу мәсәләсе буенча киңәшмә уздырды.

Билгеле булганча, ТР Президенты Рөстәм Миңнеханов башлангычы белән, агымдагы елның апрель аенда ТР Дәүләт һәм муниципаль хезмәтләр порталында (uslugi.tatarstan.ru) “Халык контроле” дәүләт мәгълүмат системасы эшләтеп җибәрелгән иде. Әйтергә кирәк, бүгенге көндә ул шактый популяр, түбәндәге саннар шуны раслый. Биш айга якын вакыт эчендә “Халык контроле” системасы аша 3 меңгә якын заявка теркәлгән, 2999 мөрәҗәгатькә 48 мең кеше теләктәшлек белдерергә өлгергән. Белдерелүләргә 14 мең 728 комментарий урнаштырылган, түрәләр һәм төрле оешмаларның эшчәнлегенә 5 мең 435 бәя куелган. Әлеге мәгълүматларны бүген ТР Хөкүмәт йортында узган брифингта Татарстан Мәгълүматлаштыру һәм элемтә министры урынбасары Әнисә Гайнуллина җиткерде.

Аның сүзләренә караганда, бүгенге көндә заявкаларның өчтән бер өлеше, ягъни 901е чишелеш тапкан. 362 мөрәҗәгать буенча төгәл үтәлү вакыты билгеләнгән, 505 шикаятькә “Нигезле инкарь” статусы куелган. Заявкаларның күпчелек өлеше, 1227 се эшкәртү стадиясендә.

Бүген Татарстанга эшлекле сәфәр белән Россия Федераль монополиягә каршы хезмәт (ФАС) җитәкчесе Игорь Артемьев килде. Аны “Казан” халыкара аэропортында ТР Премьер-министры Илдар Халиков, ТР Премьер-министрының беренче урынбасары Равил Моратов, башка рәсми затлар каршы алды.

Исегезгә төшерик, Игорь Артемьев Татарстан башкаласына “Россиядә Конкуренция көне” халыкара чарасында катнашу өчен килде (2012 нче елның 11 - 13 нче сентябре). Чарада катнашырга Австрия, Әзербайҗан, Казахстан, Литва, Португалия, Төркия, Украина, башка илләрнең конкурентлы ведомство җитәкчеләре, шулай ук Икътисади хезмәттәшлек һәм үсеш оешмасы, БРИКС, Европа комиссиясе, Евразия икътисад комиссиясе, БДБ Башкарма комитеты вәкилләре чакырылган.

АКШ финанс министрлыгы үзенең American International Group Inc. гади акцияләр пакетының зур өлешен базарда сатуны башлый һәм сату ярдәмендә $18 млрд. доллар алырга исәпли, диелә финанс министрлыгы пресс-релизында.

AIG үзе исә акцияләрне урнаштыргач $5 млрд лык акцияләрне сатып алырга әзерлеген белдерде.