ЯҢАЛЫКЛАР
Киңәшмә Татарстан Республикасы Хөкүмәт Йортында узды.
“Роснано” башлыгы Анатолий Чубайс хәбәр иткәнчә, Россиядә наноиндустрия үсеше кысаларында булдырылган нанотехнология үзәкләре 2013 ел ахырына үзләренең 200дән артык стартап-компанияләрен финанслыйлар.
Нанотехнология үзәкләрен булдыруның төп максаты – фәнни тикшеренүләр нәтиҗәләрен коммерциаләштерү институтларын үстерү.
Россиядә бүгенге көнгә 12 нанотехнология үзәкләре – Мәскәү, Зеленоград, Дубна, Троицк, Казан, Новосибирск, Томск, Ульяновск, Саранск, Санкт-Петербург, Ставрополье,Екатеринбург шәһәрләрендә булдырылган.
Чехия Республикасы – Татарстанның әйдәүче икътисадый партнерларыннан берсе. Бүген бу хакта Татарстан Республикасы Президенты Р.Н. Миңнеханов Чехия-Татарстан бизнес-форумын (Прага шәһәре) ачуда сәламләү сүзендә әйтте. Аның сүзләренчә, Чехия–Татарстан товар әйләнеше 2012 йомгаклары буенча 1,7 мәртәбә артты һәм 223 млн АКШ доллары тәшкил итте.
Рөстәм Миңнеханов икътисадый форумда катнашучыларга Татарстан Республикасының инвестицион потенциалын һәм мөмкинлекләрен тәкъдим итте. Ул Чехия Республикасы җитәкчелегенә, Чехия Сәнәгать һәм сәүдә министрлыгына, Чехия–Татарстан бизнес-форумын оештыручыларга кунакчыллыклары һәм Татарстан делегациясе визиты өчен рәхмәт белдерде.
Моннан тыш, Россия-Чехия арасындагы үсә баручы мөнәсәбәтләр кысаларында Татарстан белән Чехия арасындагы хезмәттәшлек үсешенә ярдәм күрсәтүләре өчен Россиянең Чехиядәге Гадәттән тыш һәм Вәкаләтле Илчесе Сергей Киселевка һәм Россия Федерациясе Чехиядәге сәүдә вәкиле Александр Туровка үзенең ихтирамын белдерде.
Бүген Татарстан Республикасы Милли банкының 2012 елда эшчәнлеге нәтиҗәләре буенча еллык коллегиясе узды.
Коллегиядә чыгыш ясап, Татарстан Республикасы финанслар министры Радик Гайзатуллин 2012 елда банк системасы торышы буенча мәсьәләләрне уртага салып сөйләшү һәм алдагы елга бурычлар кую республика икътисады һәм аның эченә кергән банк өлкәсе үсешенә юнәлдерелгән конкрет чараларны барлап куярга мөмкинлек бирә.
Бөтен дәрәҗәдәге җитәкчеләр бюджет акчасын тоту мәсьәләсенә бик игътибарлы булырга тиешләр, дип белдерде Татарстан Республикасы Президенты Коррупциягә каршы кәрәш буенча ТР Президенты каршындагы Совет утырышы барышында. Утырышта шулай ук ТР Дәүләт Киңәшчесе Минтимер Шәймиев, ТР Премьер-министры Илдар Халиков, республика министрлыкларының, ведомстволарының җитәкчеләре, Татарстан муниципаль районнары башлыклары катнашты.
Рөстәм Миңнеханов кереш сүзендә хәбәр иткәнчә, бүген Совет алдында бюджет акчаларыннан файдалану һәм республика, муниципаль һәм федераль мөлкәт белән эш итү вакытында кулланылган профилактик чаралар нәтиҗәлелеге турында мәсьәләне хәл итү куелган.
"Казан 2013 Башкарма дирекциясе" АНО белән “Panasonic Россия”, “Данон-Юнимилк” КТ, “Эколаб” ЯАҖ компанияләре арасында партнерлык шартнамәләренә имза салу тантанасы бүген Татарстан Республикасы Министрлар Кабинетында узды.
Әлеге тантанада Татарстан Республикасы Президенты Р.Н. Миңнеханов, Казан мэры Илсур Метшин, "Казан 2013 Башкарма дирекциясе" АНО генераль директоры Владимир Леонов, “Panasonic Россия” генераль директоры Судзуки Сигэо, управляющий директор представительства “Данон-Юнимилк” компанияләр төркеме “Данон-Юнимилк-Волга” Россиядәге вәкиллегенең идарәче директоры Кустэ Стефан Станислас, “Эколаб” ЯАҖ вице-президенты һәм генераль директоры Вацлав Харант.
“Panasonic Россия” компаниясе “Видеомәгълүматны чагылдыру җайланмалары һәм видеоконференцияләр өчен җиһазлар” категориясендә Казан шәһәрендәге 2013 елгы XXVII Бөтендөнья җәйге универсиадасының партнеры булды. Судзуки Сигэо хәбәр иткәнчә, бу компания Россиядә катнашучы иң масштаблы программа.
Универсиаданың “Сөт продукциясе” категориясендә “Данон-Юнимилк” компанияләре төркеме рәсми партнеры булды һәм и спортчылар өчен төп ресторанда сөт продукциясенә булган ихтыяҗларны тулысынча канәгатьләндеререгә тыена. Владимир Леонов сүзләренчә, бу 100 тоннадан артык төрле төрдәге сөт продукциясе. Компания өчен бу шартнамә - эре спорт проектлары белән хезмәттәшлекнең беренче тәҗрибәсе.