ЯҢАЛЫКЛАР

Татарстан Республикасы Финанс министрлыгында агымдагы елның гыйнвар-октябрь айларында республиканың җирле бюджет үтәлеше һәм 2012 елның ноябрьдә көтелүче үтәлеше буенча муниципаль берәмлекләрнең финанс органнары җитәкчеләре белән киңәшмәләр узды.

2012 елның 6 ноябрендә Россия Федерациясенең хезмәт һәм социаль яклау Министры М.А.Топилин рәислегендә селектор киңәшмәсе узды.

2012 елның федераль бюджеты профицит белән үтәлергә мөмкин, дип хәбәр итте РФ финанс министры Антон Силуанов.

Россия Федерациясе финанс министрлыгы һәм энергетика министрлыгы декабрь аенда газ җитештерүгә салынучы файалы казылмаларны табуга салым санау буенча бердәм формула эшләп чыгарарга җыена, дип хәбәр итте журналистларга финанслар министры урынбасары Сергей Шаталов.

Бүген Казанда Татарстан Конституциясе кабул ителүгә 20 ел тулуга багышлап “Яңа федератив Россиянең формалашуы: Татарстан Республикасындагы конституцион закон чыгару тәҗрибәсе” дигән халыкара фәнни-гамәли конференция эшли башлады. Конференциянең тантаналы ачылышы һәм пленар утырышы ТР Президенты Рөстәм Миңнеханов, ТР Дәүләт Киңәшчесе Минтимер Шәймиев, ТР Дәүләт Советы рәисе Фәрит Мөхәммәтшин катнашында Салих Сәйдәшев исемендге Дәүләт Зур концерт залында узды. Конференциянең мәртәбәле кунаклары арасында РФ Президентының Идел буе федераль округындагы Вәкаләтле вәкиле урынбасары Леонид Гильченко, Оренбург өлкәсе, Саха(Якутия), Алтай Республикалары, Идел буе федераль округы төбәкләре парламентарийлары, Кыргызстан, Казахстан, Төрекмәнстанның парламент делегацияләре, РФ Дәүләт Думасы депутатлары һәм Федерация Советы әгъзалары, танылган галимнәр һәм экспертлар, хокук белгечләре, 1992 елда республиканың төп канунын кабул иткән 12 нче чакырылыш Татарстан ССР Югары Советы халык депутатлары, Татарстан ССРның 1990 елдагы Конституция комиссиясе әгъзалары һ.б. бар.

Бүген Татарстан Республикасы Президенты Рөстәм Миңнеханов “Эрнст энд Янг” компаниясенең “акыллы шәһәрләр”не үстерү үзәге башкарма директоры Вильям Хатчисон белән очршты. Очрашу ТР Хөкүмәт йортында узды, анда ТР Премьер-министры урынбасары – ТР мәгълүматлаштыру һәм элемтә министры Роман Шәйхетдинов катнашты.

Яклар инновацион шәһәрләр төзү өлкәсендә гомуми дөньяви трендлар, Казан-Иннополис инновацион спутник шәһәрне алга этәрү һәм үстерү мәсьәләләре буенча фикер алышты. Вильям Хатчисонның һәм “Эрнст энд Янг” компаниясенең башка белгечләренең Waterfront Toronto (Канада), Cyberport (Сингапур), Multimedia Super Corridor (Малайзия), i-CANADA ассоциациясе (Канада), Сколково (Россия) кебек халыкара проектлар буенча гамәли тәҗрибәләренә Иннополис төзегәндә ихтыяҗ туачак, дип билгеләп үтте Рөстәм Миңнеханов.

РФ Премьер-министры Дмитрий Медведев Татарстан территориясендә “Иннополис” махсус икътисади зонасын төзү турындагы карарны имзалады. Бу хакта ул бүген торак-коммуналь хуҗалык өлкәсендә капиталь ремонт эшләрен финанслауга багышланган киңәшмәдә “Иннополис” МИЗын төзү турындагы карарны имзаладым”, - дип хәбәр итте.

Билгеле булганча, агымдагы елның сентябрендә Татарстан РФ Икътисади үсеш министрлыгына Казан янәшәсендә “Иннополис” МИЗын төзүгә кагылышлы заявка юллаган иде. Аны ике мәйданда – Югары Ослан һәм Лаеш муниципаль районнары терииториясендә төзү планлаштырыла. “Иннополис” – Россиядә IT-технологияләр өлкәсенә караган тәүге махсус икътисади зона булачак.

2014 елда җирле бюджетларның өстәмә керемнәре барлык тәкъдимнәрне тормышка ашырганда ел саен 67 млрд. сум тәшкил итәргә мөмкин. Бу турында Россия Федерациясе финанс министры Антон Силуанов Хөкүмәт утырышында хәбәр итте.

Бүген Татарстан Республикасы Президенты Рөстәм Миңнеханов торак капиталь ремонтын финанслау системасын реформалаштыру буенча киңәшмәдә катнашты.

Киңәшмәне РФ Хөкүмәт Рәисе Дмитрий Медведев үткәрде.

Дмитрий Медведев белдергәнчә, йортларны, подъездларны, ишегалларын төзекләндерү коммуналь хезмәтләр эше. Йортларда капиталь ремонт үткәрү федераль Хөкүмәт, төбәкләр һәм муниципалитетлар алдына куелган бурыч.

2012 елның 1 гыйнварында илдә 10 миллион кв. метрдан артык торак авария хәлендә дип табылды, дип искәртте РФ Хөкүмәт Рәисе.

Бүген IV чакырылыш Татарстан парламентының 34 нче утырышы ачылды. Анда “Татарстан Республикасының 2013 елга һәм 2014 һәм 2015 елларның планлы чорына бюджеты турында” закон проекты тикшерелеп беренче укылышта кабул ителде. Закон проекты турында фикер алышуда ТР Президенты Рөстәм Миңнеханов та катнашты.