ЯҢАЛЫКЛАР
Рубльнең реаль нәтиҗәле курсы (инфляцияне исәпкә алып РФ төп сәүдә партнерлары валюталарына) 2019 елның декабрендә алдагы ай белән чагыштырганда 1,7%ка, 2019 ел башыннан алып 8,4%ка үсте. Бу хакта РФ Үзәк Банкы материалларында әйтелә.
Татарстан Республикасында яңа 2020 елда 50 социаль юнәлешле программа гамәлгә ашырылачак. Бүген бу хакта Татарстан Республикасы Хөкүмәте йортында узган республика киңәшмәсендә хәбәр ителде.
2019 елда Urals маркалы нефтьнең уртача бәясе баррель өчен 63,59 доллар тәшкил иткән, бу аннан алдагы ел белән чагыштырганда 9,17 процентка кимрәк. Бу хакта РФ Финанс министрлыгы хәбәрендә әйтелә.
Россия Икътисадый үсеш министрлыгы 2020 елның беренче яртыеллыгында рубльнең ныгуын фаразлады. Бу хакта ведомство тарафыннан әзерләнгән "Кредитлау картинасы" мониторингындагы мәгълүматларга сылтама белән RT хәбәр итте.
Аерым алганда, инфраструктурага инвестицияләр кертүне күздә тоткан илкүләм проектлар Россиядә 2022 елдан соңгы икътисадый үсешне стимуллаштыра. Мондый фаразлар Бөтендөнья банкының "Бөтендөнья икътисадының үсеш перспективалары" дип аталган гыйнвар докладының эчтәлеген тәшкил итә. Быел документ "Икътисади үсешнең түбән темплары, сәяси проблемалар" дип атала.
Татарстан Республикасы буенча «Торак һәм шәһәр тирәлеге» илкүләм проектында 2019 елга торакны гамәлгә кертүнең төп күрсәткече 2 млн. 675 мең квадрат метр итеп билгеләнгән. Бүгенгә Татарстанда 2 млн. 641,5 мең квадрат метр торак файдалануга тапшырылган, бу планның 98,7%ы. Бүген бу хакта Татарстан Республикасы Хөкүмәте йортында узган республика киңәшмәсендә Татарстан Республикасы төзелеш, архитектура һәм ТКХ министры Ирек Фәйзуллин хәбәр итте.
Россия Президенты Владимир Путин Хөкүмәтнең РФдә тотрыклы макроикътисадый база булдыру буенча эшен уңай дип атады.
Илкүләм проектларны гамәлгә ашыру нормаль графикка керде. Бу хакта РФ Премьер-министры Дмитрий Медведев РФ Президенты Владимир Путинның Хөкүмәт белән яңа ел алдыннан очрашуында белдерде.
РФдә икътисадый үсешнең агымдагы тизлекләре җитәрлек түгел, аларны арттыру, шулай ук икътисадның структурасын һәм сыйфатын яхшырту өчен барысын да эшләргә кирәк, дип белдерде Россия Президенты Владимир Путин чәршәмбе көнне Хөкүмәт әгъзалары белән очрашуда.
Бүген Татарстан Республикасы Җир һәм мөлкәт мөнәсәбәтләре министрлыгы коллегиясенең киңәйтелгән утырышы узды.