ЯҢАЛЫКЛАР
Казанда узган Татарстан Финанс министрлыгы, Федераль Салым хезмәтенең Татарстан буенча идарәсе, Федераль казначылыкның Татарстан буенча идарәсенең уртак коллегия утырышында Россия Финанс министрлыгы башлыгы Антон Силуанов төбәктә илкүләм проектларны гамәлгә ашыруны уңай бәяләде. Киңәшмәдә Татарстан Президенты Рөстәм Миңнеханов та катнашты.
2019 ел нәтиҗәләре буенча РФ федераль бюджеты профициты фаразланган 1,4% ка каршы тулаем эчке продуктның 1,7% ын тәшкил итәчәк. Бу хакта беренче вице-премьер, РФ финанс министры Антон Силуанов Хөкүмәт утырышында чыгыш ясаганда хәбәр итте.
Россия Финанс министрлыгы Хөкүмәткә нефть компанияләренә 2019 елда ташламалар бирүнең нәтиҗәлелеге турында доклад тәкъдим итәчәк. Бу хакта беренче вице-премьер, РФ финанс министры Антон Силуанов Хөкүмәт утырышында чыгыш ясаганда хәбәр итте.
Федераль бюджет профициты 2019 елның гыйнвар-ноябрь айларында 3,025 трлн. сум, ягъни тулаем эчке продуктның 3,1%ын тәшкил итте. Бу хакта РФ Финанс министрлыгы сайтында урнаштырылган материалларда әйтелә.
2020 елның 1 гыйнварыннан Россиядә гамәлгә керәчәк валюта контролен либеральләштерү чаралары резидент булмаганнар тарафыннан Россия валютасын файдалануны киңәйтәчәк һәм халыкара базарларда рубль торышын ныгытачак. Бу хакта РФ беренче вице-премьеры, финанс министры Антон Силуанов хәбәр итте.
РФ Финанс министрлыгы доллардан бәйлелекне киметү хакына бизнес өчен илкүләм валюталарда исәп-хисапларга күчү өчен стимуллар системасын төзергә ниятли. Бу хакта Финанс министрлыгының тышкы чикләүләрне контрольдә тоту департаменты башлыгы Дмитрий Тимофеев хәбәр итте.
Халыкара коррупциягә каршы тору көне (International Anti-Corruption Day) ел саен 9 декабрьдә Берләшкән Милләтләр Оешмасы инициативасы белән билгеләп үтелә.
Татарстан Республикасында 2019 елда күп фатирлы йортларга капремонт программасы буенча эшләр тәмамланып килә. Бүген бу хакта Татарстан Республикасы Хөкүмәте йортында узган республика киңәшмәсендә Татарстан Республикасы төзелеш, архитектура һәм ТКХ министры Ирек Фәйзуллин хәбәр итте.
Бүген Татарстан Республикасы Хөкүмәте йортында 2019 елгы «Иң яхшы Татарстан Республикасы дәүләт граждан хезмәткәре» республика конкурсында җиңүчеләрне бүләкләү тантанасы узды. Конкурс Татарстан Республикасы Президенты каршындагы Дәүләт хезмәте һәм кадрлар департаменты тарафыннан уздырылды.
Россиядә макроикътисадый тотрыклылык тәэмин ителгән, инфляция тарихи минимумда 3,6%. Бу хакта РФ президенты Владимир Путин Германия бизнесы вәкилләре белән очрашуда хәбәр итте.