ЯҢАЛЫКЛАР
Нефть продуктларына акцизлар ставкасының үзгәрешле булуы - эшләми торган механизм, алар эчке базардагы бәяләргә тәэсир итмәячәк, дип белдерде журналистларга Финанслар министры урынбасары Сергей Шаталов.
Энергетика министрлыгы нефть бәясе баррель өчен 70тән 140 долларга кадәр акцизлар үзгәрелешле, ә 70тән кимрәк, яки 140тан күбрәк булган очракта фиксацияләнгән булуы турында ФАС тәкъдимен хуплаган иде. 26 ноябрьдә Финанслар министрлыгы әлеге мәсьәләгә карата үзенең тискәре фикерен белдерх турында хатны энергетика министрлыгына юллады.
"Бу акцизларның нефтькә бәягә бәйле булуы турында сөйли, димәк, бездә акцизлар тотрыксыз булып ниндидер дәрәҗәдә үзгәреп торачак дигәнне аңлатачак", - диде Шаталов, салымның әлеге төре юл фондына юллануы турында искәртеп.
Финанслар министрлыгы Табигать министрлыгының Көнчыгыш Себердәге җирләрдә углеводород табу буенча лицензияне бозган өчен нефтяникларны салым түләүдә яки экспорт пошлиналары ташламалардан ваз кичерү турында тәкъдимне тикшерергә кирәк дип саный. Бу турыда журналистларга Финанслар министры урынбасары Сергей Шаталов хәбәр итте.
Узган атнада Табигать министры Сергей Донской белдергәнчә, ташлмалардан ваз кичерү лицензияләрне алу белән бергә башкарылырга тиеш. Әлеге тәкъдимнәр Хөкүмәткә җибәрелде.
"Чынлыкта исә, Табигать министрлыгы лицинзияләрне бозучыларга берничә төр чара куллана ала. Ташламалар турында мәсьәләне дә күтәрү җитә", - диде Шаталов, бу теманы уртага салып сөйләшергә була дип өстәп.
Россия Федерациясенең Финанслар министрлыгы Икъисад министрлыгы тәкъдим иткән авыр чыгарышлы нефтькә файдалы казылмаларны алуга салым буенча нуль ставкасының киң куллануны хуплый. Беренче чиратта бу ташлама "Сургутнефтегаз" һәм ЛУКОЙЛга кагылачак, дип хәбәр итте журналистларга финанслар министры урынбасары Сергей Шаталов.
Бүгенге көндә нульле Файдалы казылмаларны табуга салым 5% кимрәк эшләп чыгарган табу урынында кулланыла.
Моңа кадәр Хисап палатасы, белгечләр җәмәгатьчелеге һәм хокук саклу органнары офшорлар белән төрле оперцияләр үткәрүгә туры салым кертү мөмкинлеген карарга тәкъдим иткәннәр иде.
"Без барыбыз да аңлыйбыз, боларны бер адымда читләп узарга мөмкин. Бик гади примитив чаралар бик сирәк уңай нәтиҗә бирә", - диде Шаталов.
Россия Федерациясенең Конституциясе көнендә, ягъни 2013 елның 12 декабрендә, Россия Федерациясе Президенты күрсәтмәсе нигезендә дәүләт хакимияте һәм җирле үзидарә органнарында 12.00 сәгатьтән башлап 20.00 га хәтле Гомум Россия халыкны кабул итү көне уздырыла. Татарстан Республикасының Финанслар министрлыгында халыкны кабул итү Казан шәһәре, Пушкин урамы, 37 йортында уза.
Бүген Татарстан Президенты Рөстәм Миңнеханов дәүләт һәм муниципаль хезмәт күрсәтүләрнең күп функцияле үзәкләре челтәрен үстерү турында бөтенроссия селектор киңәшмәсендә катнашты. Киңәшмәне Россия Федерациясе Хөкүмәте Рәисе Дмитрий Медведев уздырды.
“Кешеләр өчен җайлы булган күп функцияле үзәкләр булдыру – бу безнең мөһим бурыч. Без үз гражданнарыбызны, төрле белешмәләр һәм документлар эзләп, төрле инстанцияләр буйлап йөрү зарурлыгыннан коткарырга тиеш, - дип белдерде Д.Медведев, киңәшмәне ачып.
Россия Федерациясе Премьер-министры китергән күрсәткечләр буенча, хәзер Россиядә 848 шундый учреждение эшли. Аларга илебез халкының өчтән бере диярлек мөрәҗәгать итә ала. Төп бурыч – 2015 ел азагына 90% граждан өчен бер тәрәзә принцибы буенча хезмәт күрсәтүләргә ирешү мөмкинлеген тәэмин итү. Моның өчен КФҮ санын якынча 3 мәртәбәгә арттырырга кирәк.
Финанс министрлыгы 2013 елда федераль бюджет кытлыгын каплау өчен Резерв фонды акчаларын тотаргы булган хокукы белән кулланмыячак ахрысы, дип хәбәр итте журналистларга министрлык башлыгы Антон Силуанов.
"Минем фикеремчә, юктыр. Бүгенге көндә әлеге чараларны тотарга кирәклек булмау турында ышаныч көннән-көн арта бара", - диде Силуанов.
Бүгенге көндә гамәлдә булган бюджет законы нигезендә, финанс министрлыгы керемнәрне тиешле күләмдә җыеп бетермәгән очракта, Резерв фондыннан чыгымнарны финанслауга 200 миллиард сумга кадәр акчаны алырга мөмкин.
РФ Финанслар министрлыгы дәүләт хезмәте өчен пошлина күләмен үзгәртү буенча тәкъдимнәр әзерли, дип белдерде финанслар министры Антон Силуанов.
"Бүгенге көндә без пошлина күләмен үзгәртү буенча тәкъдимнәр әзерлибез. Шуны да ассызыклап узырга кирәктер, пошлина бездә 2009 елдан бирле индексацияләнмәде", - диде Силуанов әфәнде дәүләт хезмәтен күрсәтүче күп функциональ үзәкләр челтәрен үстерү буенча премьер-министр Дмиртий Медведевта узган селектр киңәшмәсендә.