ЯҢАЛЫКЛАР
Россия Федерациясе Финанс министрлыгы үзенең официаль сайтында 2013 елга һәм 2014, 2015 елдагы план чорына федераль бюджет проектын бастырды.
“Алабуга” махсус икътисади зонасын (ТРның Алабуга муниципаль районы) тәкъдир итү “Дөнья брендлары ни өчен “Алабуга” махсус икътисади зонасын сайлый?” дигән сорауга багышланган иде. Кунакларга һәм потенциаль инвесторларга “Алабуга” махсус икътисади зонасы өстенлекләре, компанияләр – резидентлар, махсус икътисади зона территориясендә төзелгән һәм эшли торган инфраструктура өчен преференция турында сөйләделәр.
ТР Президенты журналистлар белән әңгәмәсендә илнең алдынгы фәнни үзәкләренең берсендә - Новосибирскида үткәрелә торган “Интерра-2012” форумы очрашулар һәм инновацион өлкәдә төбәкара элемәтләрне җайга салу мәйданы булуын билгеләде.
“Миңа, Республика җитәкчесе һәм Россия Инновацион төбәкләре ассоциациясе Советы рәисе буларак, монда, бу форумда булу зур хөрмәт, - дип белдерде Рөстәм Миңнеханов. – Бүген бик кызыклы утырыш булды, ләкин мин эшлекле сәфәр кысаларында тагын күп кенә кызыклы элемтәләр булыр, дип өметләнәм”.
Бүген ТР Дәүләт Советының чираттагы утырышында депутатлар “Татарстан Республикасы территориясендә салым салуның патент системасын кертү турында” закон проектын тулаем кабул итте.
Әлеге закон проекты РФ Салым кодексына 2012 елның 25 июнендә кабул ителгән “РФ Салым кодексының беренче һәм икенче өлешләренә һәм РФнең аерым закон актларына үзгәрешләр кертү турында” федераль закон тарафыннан кертелгән үзгәрешләрне исәпкә алып эшләнгән. Әлеге закон проекты нигезендә Татарстан Республикасы территориясендә салым салуның патент системасы кертелә.
Алда күрсәтелгән үзгәрешләргә бәйле рәвештә, федераль законның “РФ субъектлары территорияләрендә аерым эшкуарларның патент нигезендә салым салуның гадиләштерелгән системасын куллану үзенчәлекләре” дип аталган 346.25.1 статьясы көчен югалткан дип таныла. Шул ук вакытта “Салым салуның патентлы системасы” дип исемләнгән 26.5 бүлек кертелә. Ул гамәлдәге патентны һәм 2018 елдан башлап, этаплап, алдан исәпләнгән керемгә өстәмә салымны алмаштыра. Бу норма аерым эшкуарлар өчен генә гамәлдә була.
Утырыш киңәйтелгән составта узды. Анда федераль һәм республика хакимияте органнары, җирле үзидарә органнары вәкилләре, иҗтимагый, дини оешмалар, профсоюзлар, бизнес, мәгариф, сәламәтлек саклау, мәдәният, ММЧ вәкилләре – барлыгы 700 гә якын кеше катнашты.