ЯҢАЛЫКЛАР

Брокерлер тиешле иминият фондына зур күчерүләр түләргә әзер булуын НАУФОР раслаган очракта, Финанслар министрлыгы брокерларның алдашуыннан, урлашуыннан ИИС саклавы турында закон проектын тиз арада гамәлгә кертүгә ярдәм итәчәк, дип белдерде Россия Федерацяисенең финанслар министры урынбасары Алексей Моисеев. 

"Брокерларның урлашуыннан, алдавыннан иминиятләтреүче концепцияне без хуплыйбыз... Аның эшләү технологиясен дә без җентекләп тикшердек: бу, иң кимендә башлангыч этапта гына булса да, бары тик ИИС (шәхси инфестиция исәп-хисап счеты) өчен генә булырга тиеш", - диде Моисеев әфәнде Дәүләт Думасында журналистларга.

Россия Федерациясенең Финанслар министрлыгы крипвалютаны сумнарга алыштыру өчен җинаять җәзасын кертү турында законны Хөкүмәт карамагына расларга юнәлдермәде әлегә, дип белдерде финанслар министры урынбасары Алексей Моисеев.

"Без хәзер бу закон проекты буенча бераз уйлыйбыз әле... закон технология ягынаннан камилрәк булсын дибез", - диде Моисеев Дәүләт Думасында журналистларга.

Аның аңлатып китүе буенча, ведомство нинди гамәлләр өчен җаваплылык кертелүен дөрес итеп язу мөмкинлекләрен эзли. Закон проектының бүгенге вариантында  крипвалютаны "сатып җибәрү максатыннан" ясау очрагында гына дүрт елга кадәр иректән азат итү каралган.

Бүген Татарстан Республикасы Премьер-министры Илдар Халиков рәислегендә «Сетевая компания» ААҖ Директорлар советының чираттагы утырышы узды.

Чара Татарстан Республикасы Министрлар Кабинетында узды (Казан).

Утырыш алдыннан Татарстан Республикасы Премьер-министры Илдар Халиков «Сетевая компания» ААҖ генераль директорының автоматиканы релейлы яклау мәсьәләләре буенча киңәшчесе Валерий Михайлович Меерга «Татарстан Республикасы Атказанган энергетигы» мактаулы исеме бирелү турында игълан итте. 

Үз чиратында «Сетевая компания» ААҖ генераль директоры Илшат Фәрдиев компаниянең «XVI Су спорт төрләре буенча дөнья чемпионатын электр белән ышанычлы тәэмин итүгә керткән хезмәт өлеше өчен» истәлекле тамгасын Илдар Халиковка тапшырды.

Банкларның иминиятләштерү фондына түләүләрен арттыру мәсьәләсе 2016 ел ахырында каралырга мөмкин, дип белдерде Дәүләт Думасында депутатларга Россия Федерациясенең финанслар министры урынбасары Алексей Моисеев.

"Чыннан да, минем фикеремчә, ел ахырында әлеге мәсьәләне тикшреүгә яңадан әйләнеп кайтырга кирәк булачак", - диде ул.

Финанслар министры урынбасары билгеләп үткәнчә, бу банкларның кертемнәрне иминиятләштерү фондына кертемнәрен арттыру турында карар кабул ителүне күз уңында тотмый. 

2015 елда  Татарстанда экспортка барлыгы 450 компания һәм предприятие генә эшли. 50ка якынының гына әйләнеше миллион доллардан артып киткән. Күп эшкуарлар үз тәкъдимнәре белән глобаль базарга чыгарга курка. Күптән түгел уздырылган сорашып белешүләр нәтиҗәсе нигезендә республиканың кече һәм урта компанияләренең 81 проценты экспортка эшләргә җыенмый. Бүген бу күрсәткечләр Татарстан Республикасы Хөкүмәте Йортында Татарстан Республикасы Президенты Рөстәм Миңнеханов рәислегендә уздырылган Татарстан Республикасы Икътисадый советы утырышында хәбәр ителде. 

Утырышта шулай ук Татарстан Республикасы Премьер-министры Илдар Халиков, Икътисадый совет әгъзалары, Татарстан Республикасы Хөкүмәте әгъзалары, экспортка юнәлешле Татарстан предприятиеләре һәм оешмалары җитәкчеләре катнашты.   

Татарстан экспорты күләме бер елда 30%тан артык кимеде. Шулай да республика Россия тышкы икътисадый эшчәнлегенең актив катнашучысы булып кала. Татарстан тышкы сәүдә күләме буенча федерация субъектлары арасында бишенче урында, ә ИФО нда беренче урында. Бу хакта бүген ТР Икътисадый советы утырышнда билгеле булды. Утырыш Татарстан Республикасы Президенты Рөстәм Миңнеханов рәислегендә ТР Хөкүмәте Йортында үтте. 

Утырышта шулай ук ТР Премьер-министры Илдар Халиков, Икътисадый совет әгъзалары, ТР Хөкүмәте әгъзалары, экспортка продукция җитештерүче республика предприятиеләре һәм оешмалары җитәкчеләре катнашты. 

Ульяновск өлкәсенең Иске Кулаткы эшчеләр бистәсендә VII Бөтенроссия авыл Сабан туе узды. Анда ТР Президенты Рөстәм Миңнеханов, өлкә губернаторы вазыйфаларын вакытлыча башкаручы Сергей Морозов, РФ Дәүләт Думасы депутаты Владислав Третьяк, РФ Президентының Идел буе федераль округында вәкаләтле вәкил ярдәмчесе Алексей Симонов, Иске Кулаткы районы башлыгы Эдуард Ганиев, Россиянең төрле төбәкләреннән килгән 500дән артык делегат һәм бик күп кунаклар катнаша. Татарстан делегациясе составында ТР мөфтие Камил хәзрәт Сәмигуллин да бар.

2016 елның 3 июнендә Татарстан Республикасы Финанслар министрлыгында республиканың эре салым түләүчеләр белән узган киңәшмәләрдә 2016 елның беренче кварталында аларның финанс-хуҗалык эшчәнлегенең нәтиҗәләре тикшерелде һәм 2016 елның икенче кварталында көтелүче күрсәткечләр дә каралды.

Узган киңәшмәләрдә Татарстан Республикасы буенча Россия Федерациясенең Федераль Салым хезмәте идарәсе вәкилләре, Татарстан Республикасы сәнәгать ёщм сщъдщ министрлыгы, Татарстан Республикасы икътисад министрлыгы белгечләре дә катнашты.   

Халыкара балаларны яклау көне кысаларында, 2016 елның 1 июнендә, Татарстан Республикасы Финанслар министрлыгы һәм казначылык Департаментының беренчел профсоюз оешмалары тарафыаннан балаларның көндәлек кирәк-яракларына акча җыю буенча хәйрия акциясе оештырылды.

Җыелган акчалар Лаешта урнашкан начар күрүче инвалид балаларның интернатында тәрбияләнүчеләрнең көнкүрешенә ярдәм итүгә юнәлдерелде.

Татарстан Республикасының финанслар министрлыгы һәм Казначылык Департаменты коллективлары 2007 елдан башлап әлеге мәктәп-интернатта уздырылучы төрле чараларда ярдәм белән катнашалар, моңа биредә тәрбияләнүчеләр бик шат.

Шушы елларда интернат-мәктәпнең ишек алдында ике зур теплица төзетелде. Балалар үзләре кыяр, помидор, яшел-мөшел үстерәләр. Мәктәптә музыкаль һәм спорт бүлмәләре, үзләренең автобусы һәм башка көнкүреш кирәк-яраклары да бар. Болар барысы да Татарстан Республикасы Финанслар министрлыгы һәм Казначылык Департаментының профсоюз әгъзалары күрсәткән ярдәм нисбәтеннән булдырылды. 

Агымдагы ел башланганнан бирле Татарстан нефтьчеләре 8 млн 615 мең тонна нефть чыгарган, бу узган елдагының 104,7 процентын тәшкил итә. Бүген Татарстан Республикасы Хөкүмәте Йортында 2016 елның беренче кварталында Татарстанның кече нефть компанияләренең эш нәтиҗәләренә багышланган киңәшмәдә шундый саннар игълан ителде. Киңәшмә Татарстан Республикасы Президенты Рөстәм Миңнеханов рәислегендә узды.

Киңәшмәдә Татарстан Республикасы Президенты Аппаратының җаваплы хезмәткәрләре, министрлыклар һәм ведомстволар, Татарстаннның кече һәм эре нефть компанияләре җитәкчеләре катнашты.