ЯҢАЛЫКЛАР

Милләтара һәм конфессиональара мөнәсәбәтләр мәсьәләләрендә бүгенге көндә бигрәк тә яшьләр белән эшне оештыру, эшләр торышы, милләтара һәм конфессиональара сәясәт уздырылуы турында мәгълүматны җиткерү мөһим.

Бу хакта Татарстан Республикасы Президенты Рөстәм Миңнеханов бүген милләтара һәм конфессиональара мөнәсәбәтләр буенча ТР Президенты каршындагы Советның киңәйтелгән утырышында белдерде.

Татарстан кече һәм урта эшмәкәрлеккә ярдәм итү буенча РФ Икътисади үсеш министрлыгы конкурсында катнашу өчен бердәм гариза бирә. Быел кече һәм урта эшмәкәрлеккә ярдәм итүгә республика бюджетыннан 500 млн. сум бүлеп бирелгән. Бу хакта бүген ТР Министрлар Кабинетында узган брифингта ТР икътисад министры Артем Здунов хәбәр итте.
Брифингта шулай ук ТР икътисад министры урынбасары – эшмәкәрлеккә ярдәм департаменты башлыгы Рөстәм Сибгатуллин, Татарстанның Эшмәрлеккә ярдәм үзәге җитәкчесе Дилүс Шәвәлиев катнашты.

Бүген Татарстан Республикасы Президенты Рөстәм Миңнеханов Россия Федерациясе Дәүләт Советы Президиумы утырышында катнашты, анда регионнарның икътисадый тотрыклылыгын арттыру һәм вәкаләтләрен финанс белән тәэмин итү чаралары буенча фикер алыштылар. Утырышны Россия Президенты Владимир Путин алып барды.

«Бүгенге икътисадый ситуациядә өстән кушканнарны көтеп ятарга ярамый, ә регионнарда барысын да алдан күреп эшли белергә кирәк», - дип белдерде Владимир Путин Дәүләт Советы утырышында. Ул кризиска каршы планнарда каралган чараларның регионнарда нәтиҗәле булуына өмет белдерде.

2014 елда Россия Федераль суд приставлары хезмәтенең ТР буенча идарәсе башкарма гамәлләр нәтиҗәсендә 8,5 миллиард сум акча түләткән, шул исәптән 2,9 миллиард сумы консолидацияләнгән бюджетка, дип хәбәр итте бүген ведеомствоның коллегия утырышында идарә җитәкчесе - ТРның баш суд приставы Радик Ильясов.
Бу чарада шулай ук Федераль суд приставлары хезмәте директоры - Россия баш суд приставы Артур Парфенчиков, ТР Премьер-министры Илдар Халиков катнашты.

Бүген Татарстан Республикасы Президенты Рөстәм Миңнеханов Абу-Дабига (Берләшкән Гарәп Әмирлеге) эш сәфәре баршында берничә эшлекле очрашу һәм сөйләшүләр уздырды.

Искәртәбез, Рөстәм Миңнеханов Россия Федерациясе Сәнәгать һәм сәүдә министры Денис Мантуров җитәкчелегендәге Россия рәсми делегациясе составында БГӘдә (2015 елның 21-23 феврале).

Татарстан Республикасында төзелеш өлкәсендәге программаны гамәлгә ашыруның барышы турында бүген республика киңәшмәсендә ТР төзелеш, архитектура һәм ТКХ министры Ирек Фәйзуллин хәбәр итте.
Киңәшмәне республиканың барлык муниципаль районнары белән видеоконференцэлемтә режимында ТР Премьер-министры Илдар Халиков уздырды.

Без Татарстан белән Төркия арасындагы мөнәсәбәтләрне югары бәялибез һәм Россия Федерациясе белән Төркия Республикасы арасындагы дустанә элемтәләрне ныгытуга юнәлгән хезмәттәшлекне киңәйтүгә зур игътибар бирәбез. Бүген бу хакта Татарстан Республикасы Президенты Рөстәм Миңнеханов Төркия Республикасы вәкилләре белән очрашуда хәбәр итте. Очрашу Татарстан Республикасы Хөкүмәте Йортында узды.

Искәртәбез, Төркия делегациясе составында – Көнчыгыш Анатолия экспортерлары ассоциациясе, Урта диңгез регионы экспортерлары ассоциациясе, «Сасу» компаниясе идарәсе (балык һәм диңгез продуктлары җитештерү), «Эрзурум» оешкан сәнәгать зонасы, Терлекчелек продукциясе экспортерлары берләшмәләре, «Гуней Сут» компаниясе идарәсе (соклар һәм сөт җитештерү), Урман продукциясе экспортерлары берләшмәләре, «Интертим» компаниясе идарәсе (агач эшләнмәләре һәм төргәк продукциясе җитештерү) вәкилләре һәм башкалар.

2014 елда Татарстан Республикасы җыелма региональ продукты күләме 1,631 трлн. сум тәшкил итте, төп капиталга инвестицияләр күләме – 542 млрд. сум. Бүген бу хакта Татарстан Республикасы Президенты Рөстәм Миңнеханов ТР Сәнәгать һәм сәүдә министрлыгы һәм ТР Икътисад министрлыгы коллегияләренең уртак утырышында хәбәр итте.

Чара «КМПО» ААҖ мәйданчыгында узды һәм 2014 елда Татарстан Республикасын социаль-икътисадый үстерү йомгакларына һәм 2015 елга бурычларга багышланды.

Татарстан Республикасында 2014 елда авыл хуҗалыгының җыелма продукциясе 2,3 %лык үсеш белән 188,8 млрд. сум тәшил итте. Бу хакта бүген Татарстан Республикасы Премьер-министры урынбасары – авыл хуҗалыгы һәм азык-төлек министры Марат Әхмәтов ведомствоның 2014 ел нәтиҗәләре һәм агымдагы елга куелган бурычларга багышланган коллегиясендә хәбәр итте.

Коллегия утырышы “Казан ярминкәсе” мәйданчыгында узды.