ЯҢАЛЫКЛАР

РФ Финанслар министрлыгы 2015-2017 елларда тышкы базарда ел саен 7 млрд. доллар бурычка алырга исәпли. Бу турыда журналистларга финанслар министры Антон Силуанов хәбәр итте.

"Әлегә тышкы бурычлар 7 млрд доллар,. 2015 елдан башлап алар бер урында тора".ю - диде министр.

2014 елда Россия еврооблигацияләрне урнаштырудан баш тартты һәм эчке бурычларны күзгә күренеп киметте. Башта 7 млрд. доллар алып торырыга планлаштырылган иде.

Финанслар министрлыгы 2015 елга өч еллык федераль бюджетта салынган тулай төбәк продуктының 1% күләмендә салынган бюджет кытлыгын,тулай төбәк продуктының 0,4% кадәр киметкән.

Бюджет проектировкалары буенча чәршәмбе көнне узачак Хөкүмәт комиссиясе алдыннан министрлык җитәкчесе Антон Силуанов журналистларга хәбәр иткәнчә, 2016 һәм 2017 елда кытлык тулай төбәк продуктының 0,6% күләмендә булыр дип бәяләнә.

РФ Финанслар министрлыгы "Роснефть" акцияләренең 19,5% хосусыйлаштырудан планлаштырылучы керемнәрне 2016 елдан 2015 ел бюджетына күчергән.

Моңа кадәр министрлык "Роснефть" дәүләт пакетына ия булган "Роснефтегаз"дан дивидент буларак 2016 ел бюджеты керемнәренә 423,5 миллиард сум өстәгән иде.

РФ Хөкүмәте кыйммәтле тәмәкегә акцизларны тизрәк темпта күтәререгә планлаштыра, дип белдерде РФ Финанслар министры Антон Силуанов.

"Без тәмәке продукциясенә ставкаларны индексацияләүне арттыру турында сөйлибез. Кыйммәт тәмәкегә ставкаларны арттыру турында сөйләшәбез", - диде Силуанов. 

Стратегик компанияләр белән эшләү өчен тиешле шартларга туры килүче банклар исемлегенә "дистәләгән банкларның күбесе" керә алачак, дип фикер йөртә РФ финанслар министры урынбасары Алексей Моисеев.

"Аларның саны биш, ун һәм егерме банк кына булмыячак. Минемчә - бу дистәләгән банкларның күбесе", - диде ул дүшәмбе көнне Дәүләт Думасының финанс базары буенча комитеты утырышында.

Соңрак ул журналистларга "бу дәүләт банкларының бишлеге булмыячак, ул гадәттән тыш бик зур исемлек булачак" дип аңлатты. 

Россия Фелерациясенең Финанслар министрлыгы Резерв фондына күчерү өчен валюта сатып алуны агымдагы ел ахырында яки киләсе ел башында дәвам итәргә мөмкин, дип белдерде журналистларга министрлык җитәкчесенең урынбасары Алексей Моисеев.

"Карар кабул ителмәгән, әлеге мәсьәлә буенча сөләшүләр бара", - диде Моисеев журналистларның сорауларына җавап итеп.

2013 елда Россия Федерациясе бюджетының үтәлеше нәтиҗәләре буенча Резерв фондына 212,2 миллиард сум күләмендәге  өстәмә нефть газ кремнәре күчерелергә тиеш булган. Шулай да резервлар чит ил валютасында саклана, аларны Үзәк Банк базарда Финанс министрлыгы өчен алган.

Дәүләтнеке булмаган пенсия фондлары 2015 елның беренче кварталы ахырына кадәр 0,5 трл. сум акча алачак. Бу турыда журналистларга РФ финанслар министры урынбасары Алексей Моисеев хәбәр итте.

"Төрле юнәлешләр буенча пенсия фондларына тиеш булган акчага карата: беренчесе - 2013 ел калдыклары, икенчесе - 2013 елда күчерелү кампаниясе нәтиҗәләре буенча тышкы икътисади банктан күчерегә тиеш булган акча, өченчесе - халыкныкы булган кертемнәр, мәсьәлән, ана капиталы. Боларның барысы да Дәүләтнеке булмаган пенсия фондына киләсе елның беренче кварталы ахырына  кадәр күчәчәк, һәм аларның күләме 0,5 трлн сум тирәсе тәшкил итәчәк", - диде Моисеев, бу акчаларның законда каралганча Дәүләтнеке булмаган пенсия фондына күчереләчәген искәртеп. 

 Urals маркалы Россиянең нефтенә уртача бәя 2014 елның гыйнвар-июнь айларында баррель өчен 107,28 доллар күләмендә урнашкан, дип хәбәр итте "Интерфакс-АФИ" агентлыгына РФ Финанслар министрлыгы белгече Александр Сакович котировка агентлыгы биргән мәгълүматларга сылтама ясап.

2013 елның гыйнвар-июнь айларында уртача бәя баррель өчен 106,53 доллар күләмендә иде, дип искә төшерде ул. Шулай итеп, 2014 елның беренче яртыеллыгында ул узган елның шушы ук вакыты белән чагыштырганда 0,75 долларга арткан.

Бүген Татарстан Республикасы Президенты Рөстәм Миңнеханов Төрекмәнстанга бер көнлек эш сәфәре ясады.

Ашхабад халыкара аэропортында Рөстәм Миңнехановны Төрекмәнстан Министрлар Кабинеты Рәисе урынбасары – чит илләр эшләре министры Рәшид Мөридов каршы алды.

Ашхабадка килеп төшүгә үк Рөстәм Миңнеханов Төрекмәнстан Президенты Горбанголы Бердымөхәммәдов белән очрашу өчен Огузхан (Ашхабад, Төрекмәнстан) сараена барды.

2014 елда Татарстанда мәктәпләргә каптиаль ремонт ясау программасы республиканың 11 районында тәмамланган. Бүген мондый күрсәткечләр Татарстан Республикасы Хөкүмәте Йортында Татарстан Республикасы Президенты Рөстәм Миңнеханов тарафыннан уздырыла торган традицион киңәшмәдә китерелде.

Үзенең нотыгында Татарстан Республикасы төзелеш, архитектура һәм ТКХ министры Ирек Фәйзуллин хәбәр иткәнчә, 2014 елда күп фатирлы йортларга капиталь ремонт ясау программасында, Әлки, Әтнә, Кайбыч, Чүпрәле һәм Чирмешән муниципаль районнарыннан гайре, 40 муниципаль берәмлек катнашты: бу – 4,8 млн.кв.м. мәйданлы 793 күп фатирлы йорт. 202,2 мең гражданның торак шартларын яхшырту планлаштырыла. ДТИ күрсәткечләренә караганда, капиталь ремонт эшләре 40 муниципаль берәмлекнең барлык йортларында да башланган.