ЯҢАЛЫКЛАР

Татарстан вертолетлары, йөк автомобильләре һәм машина төзелеше комплексының бүтән продукциясе Мьянмада кирәкле булырга мөмкин. Бүген Татарстан Республикасы Президенты Рөстәм Миңнеханов Мьянма Союзы Республикасы Сәүдә-сәнәгать палатасы җитәкчесе Вин Аунг белән очрашуда бу фикерне әйтте. Очрашу Янгонта Татарстан Республикасы Президентының Мьянмага эш визиты кысаларында узды, анда шулай ук илнең финанслар һәм дәүләт җыемнары министры Вин Мьинт һәм Мьянма сәүдә министры Вин Шейн, Татарстан Республикасы Сәүдә-сәнәгать палатасы рәисе Шамиль Агиев, Россия Федерациясенең Мьянмадагы Гадәттән тыш һәм Тулы вәкаләтле илчесе Василий Поспелов катнашты.

Казанда чын гаилә, сәламәтлек һәм спорт бәйрәме – “Милләт кроссы-2013” Бөтенроссия йөгереш көне узды.

Гадәттәгечә гаилә командалары һәм спорт ветераннары йөгереше, VIP-йөгереш һәм массакүләм йөгереш булды. Шулай ук бүген бу спорт бәйрәменә велосипедчылар да кушылды.

Татарстан Республикасы Финанслар министрлыгы хезмәткәрләре әлеге чарада актив катнашты.

2030 елга кадәр Татарстан Республикасын социаль-икътисадый үстерү стратегиясен эшләү сроклары һәм алымнары турында бүген Татарстан Республикасы Президенты Рөстәм Миңнеханов “Леонтьев үзәге” (Санкт-Петербург) халыкара социаль-икътисадый тикшеренүләр үзәге белгечләре белән очрашуда фикер алышты.
Очрашу “Связьинвестнефтехим”ААҖ киңәшмәләр залында узды, анда “Граждан инициативаларына ярдәм буенча Кудрин фонды” җитәкчесе Алексей Кудрин, Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Равиль Зарипов, Татарстан Республикасы икътисад министры Мидхәт Шаһиәхмәтов, Татарстан Республикасы Хезмәт, халыкны эш белән тәэмин итү һәм социаль яклау министры Айрат Шәфигуллин, Татарстан Республикасы транспорт һәм юллар хуҗалыгы министры Ленар Сафин, Татарстан Республикасы төзелеш, архитектура һәм ТКХ министры Ирек Фәйзуллин һәм башкалар катнашты.

Россия Федерациясендә бензин бәясе 2014 елдан салым маневры һәм бензинга акциз арту сәбәпле ким дигәндә литры өчен 1,4 сумга күтәрелергә мөмкин, дип хәбәр итте журналистларга финанс министры урынбасары Сергей Шаталов.

Россия Федерациясе хөкүмәте нефть тармагында планлаштырган салым маневры нефтькә файдалы казылмалардан табышка салымны арттыру бер үк вакытта ачык нефть продукталарына һәм нефтькә экспорт пошлинасы кимүне күзаллый.  

Россия Федерациясе Финанс министрлыгы 2015 елдан караңгы нефть продуктларына экспорт пошлинасын нефтькә экспорт пошлинасына кадәр арттыру буенча планнарын үзгәртми, ләкин әлеге планны, шул исәптән нефтекомпанияләрнең инициативасы белән тәкъдим ителгән  үзгәртү мөмкинлеген искәртми, дип белдерде финанслар министры урынбасары Сергей Шаталов. 

РФ Финанслар министры урынбасары Сергей Шаталов Россия Федерациясендә транспорт салымының яңа схемасы 2015 елдан кертелергә мөмкин булуын кире какмады.

Финанслар министрлыгы транспорт салымын кубомертларга ат көченә карап санаганда экологик классны һәм автомобильнең ничә еллык булуын исәпкә алучы коэфиициентларны кулланырга тәкъдим итә.

Бүген ТР Дәүләт Советының бюджет, салымнар һәм финанслар буенча комитеты утырышында ТР Финанслар министрлыгы башлыгы урынбасары Алексей Шишкин 2013 нче елның II кварталында ТР бюджетының үтәлеше нәтиҗәләре турында хәбәр итте.

Агымдагы елның беренче яртыеллыгында ТРның консолидацияләнгән бюджетының салымнан кергән һәм салымнан булмаган табышы 75 млрд.сум яки еллык планның 50 проценты кадәр булган. Федераль акчаларны исәпкә алып, гыйнвар-июньдә бюджетка кергән акчаларның күләме 90 млрд.сумнан артып киткән.

Беренче яртыеллыкта республика бюджетына 73 млрд.сум акча күчерелгән, бу фаразланган күрсәткечнең 51,2 проценты. Үткән ел күрсәткече белән чагыштырганда, керемнәрнең күләме 11,1 процентка (9 млрд. сумнан артык) кимегән.

II квартал нәтиҗәләре буенча, бюджет керемнәре структурасында 4 төп салым чыганакларының өлеше шундый: керемгә салым - 42 процент, физик затлар табышына салым - 24, милеккә салым – 15, акцизлар – 14.

Бүген Яр Чаллыда Россия Саклык банкының ипотека кредитын бирү үзәге ачылды. Чарада ТР Премьер-министры Илдар Халиков, Яр Чаллы мэры Васил Шәйхразиев, Россия Саклык банкының “ Татарстан банкы” бүлеге җитәкчесе Рушан Сәхбиев һ.б. рәсми затлар катнашты.

Чарада билгеләп үтүләренчә, Автошәһәрдә Саклык банкының республика территориясендәге 9 нчы ипотека үзәге ачылды. Әлеге хезмәт күрсәтү форматы “бер тәрәзә” принцибын күз алдында тота, барлык сорауларны бер урында хәл итеп була.

Илдар Халиков сәламләү сүзендә Автошәһәрдә мондый үзәкнең барлыкка килү әһәмиятен ассызыклады. “Минем өчен якын булган шәһәрдә мондый үзәкнең ачылуы куандыра, торакны кредитка алганда заманча мөмкинлекләргә каршы бер адым ясалды”, - дип билгеләде ул.

Бу теләкләр бүген Түбән Камада узган “Түбәнкаманефтехим” ААҖ акционерларының чираттан тыш гомуми җыелышында катнашучылар тарафыннан расланды. Аның эшендә “ТАИФ” компанияләре төркеме җитәкчелеге, Директорлар советы әгъзалары белән бергә ТР Премьер-министры Илдар Халиков һәм Түбән Кама мэры, Түбән Кама муниципаль районы башлыгы Айдар Метшин катнашты.

Җыелышта берничә мәсьәлә каралды, Директорлар советының яңа составы сайланды, узган ел белән чагыштырганда, аның составы үзгәрешсез калды. Директорлар советы экс-рәисе Альберт Шиһабетдинов урынына “ТАИФ” ААҖ генераль директорының “Түбәнкаманефтехим” ААҖ идарә итү һәм стратегик үсеш буенча урынбасары Владимир Бусыгин сайланды. Альберт Шиһабетдинов бүгенге көннән Директорлар советының шәрәфле әгъзасы санала.

 2014 елга балаларның өстәмә белем учрежденияләренә муниципаль заказ формалаштыру максатыннан Татарстан Республикасы Финанслар министрлыгында 18 сентябрьдән 20 сентябрьгә кадәр финанс органнары, мәгариф, мәдәният, спорт бүлекләре (идарәләре) вәкилләре, балаларның өстәмә белем учрежданияләре җитәкчеләре белән киләсе финанс елына өстәмә белем учрежденияләренә йөрүче балалар санын ачыклау буенча киңәшмәләр уза.