ЯҢАЛЫКЛАР
Энергетика министрлыгы якын вакытта яңа нефть чыгару урыннарына экспорт пошлинасы буенча ташламалар бирү буенча Хөкүмәт карарының чыгуын көтә, Финанс министрлыгы исә аны тормышка ашыруның техник кыенлыклары турында сөйли.
Агымдагы ел башыннан Татарстан Республикасы Финанс министрлыгында эшләүче биш белгечкә "Татарстан Республикасы атказанган икътисадчысы" мактаулы исеме бирелде. Алар - исәп һәм хисап бүлеге җитәкчесе Идрисова Резеда Фаат кызы, төбәк бюджетлары белән үзара мөнәсәбәтләр бүлеге мөдире урынбасары Ханзафарова Фәридә Әсгать кызы, бюджет даирәсе тармакларында бюджет сәясәте бүлеге мөдире Ларионова Инна Аркадьевна, бюджет бүлеге мөдире Герасимова Гела Юрьевна һәм икътисад анализы бүлеге мөдире Габделхаков Фәнис Габделфәт улы.
Котлыйбыз!
Бүген Македония Республикасы Хөкүмәте Рәисе урынбасары - финанслар министры Зоран Ставрески һәм Татарстан Республикасы Президенты Рөстәм Миңнеханов очрашуда хезмәттәшлекнең перспективалы юнәлешләре турында сөйләштеләр. Очрашу Казан Кремлендә узды, анда Македония Республикасының Россия Федерациясендәге Гадәттән тыш һәм Тулы вәкаләтле илчесе Илия Исайловски, ТР Премьер-министры урынбасары – ТР мәгълүматлаштыру һәм элемтә министры Роман Шәйхетдинов, ТР сәнәгать һәм сәүдә министрының беренче урынбасары Руслан Кәбиров, ТР Президентының халыкара һәм тышкы икътисад мәсьәләләре буенча ярдәмчесе Радик Гыйматдинов, ТР Сәүдә-сәнәгать палатасы идарә рәисе Шамил Агеев, ТР инвестицион үсеш агентлыгы җитәкчесе Линар Якупов һәм башкалар катнашты.
Искә төшерик, Зоран Ставрески җитәкчелегендә Македония Республикасы делегациясе Казанга эш визиты белән килде (2013 елның 16-17 июне).
2014-2016 елларга озайтылган иминиятләштерү кертемнәре ставкаларының 30% күләмендә булуы 2016 елдан соң да шул ук күләмдә калачак, дип хәбәр итте РФ финанслар министры урынбасары Сергей Шаталов Германиядә узган Россяинең икътисади ёщм финанс форумында.
2012 елда мщьбъри иминиятләштерү кертемнәре 34проценттан 30га хәтле киметелгән иде. Бу чара вакытлыча гына,ике елга гына кабул ителгән иде. Бу вакыт эчендә Хөкүмәт халыкның пенсия хокукларын исәпләү формуласын билгеләп РФ пенсия реформасы концепциясен кабул итәргә тиеш иде.
Россиянең Федераль Салым Хезмәте туган кыенлыкларгы карамастан, агымдагы елда өстәмә бәягә салымны җыю буенча фаразны үтиячәк, дип хәбәр итте Финанс министрлыгы җитәкчесе Антон Силуанов.
"Салым хезмәте злеге күрсәткеч барлык параметрлар буенча үтәлү өчен кирәк булган чараларны башкара, һәм өстәмә бәягә салым буенча федераль бюджетка кремнәр ел ахырынача тиешле күләмдә җыелачак", - диде Силуанов әфәнде.