ЯҢАЛЫКЛАР

Бүгенгә Татарстанда 595,3 мең кв.м торак сафка бастырылган, бу - еллык биремнең 25 процентын тәшкил итә. Бу хакта бүген ТР Хөкүмәт Йортында үткән киңәшмәдә төзелеш, архитектура һәм торак-коммуналь хуҗалыгы министры Ирек Фәйзуллин хәбәр итте. Киңәшмәне ТР Президенты Рөстәм Миңнеханов уздырды, анда шулай ук ТР Премьер-министры Илдар Халиков катнашты.
Дәүләт статистикасы федераль хезмәте (РОССТАТ) 2013 нче елның гыйнварына торакны сафка бастыру буенча нәтиҗәләр ясаган. ТР 381,1 мең кв.м күләме белән РФ һәм Идел буе федераль округында торакны сафка бастыру буенча 1 нче урын яулаган.

РФ Финанслар министрлыгы РФ суверен ерооблигацияләрен киләчәктә дә сумнарда урнаштыруны максатка туры килми дип саный. Бу нерезидентлар өчен федераль займ облигациялщренеж эчке базары ачылуы белән бәйле. Бу хакта журналистларга Финанс министрлыгының дәүләт әҗәте һәм дәүләтнең финанс активлары департаменты директоры Константин Вышковский хәбәр итте. Аның сүзләре буенча, киләчәктә суверен евробондларны бары тик чит ил валюталарында гына урнаштыру планлаштырыла.

Бүген Зәйдә Татарстан Президенты Рөстәм Миңнеханов республиканың кече нефть компанияләре җитәкчеләре белән киңәшмә үткәрде. Аларның 2012 елгы эшчәнлеге һәм 2013 елга куелган бурычлары каралды. Киңәшмәдә “Татнефть” ААҖ генераль директоры Шәфәгать Тәхаутдинов, тармак министрлыклары һәм ведомстволары, территоиаль бүлекчәләре, федераль органнар җитәкчеләре катнашты.
Рөстәм Миңнеханов киңәшмә алдыннан “Татех” нефть компаниясендә эш барышы белән танышты.
ТР Президенты киңәшмәдә билгеләп үткәнчә, газны файдалану законын катгыйлану, “Татнефть”, “Татех” һәм башка кече компанияләрнең дөрес позиция алып яхшы вәзгыятьтә калды. Шул ук вакытта иярчен газ ягучы компанияләр дә бар. Монда экология мәсьәләсе дә туа. ТР Президенты җиһазларны камилләштерү буенча Capstone компаниясе белән эшләүне дәвам итәргә тәкъдим итте.

Россия Федерациясенең рәсми инернет битендә "Финанс һәм иминият базары үсеше, халыкара финанс үзәге булдыру" РФ Дәүләт программасы урнаштырылды.

Бүген Рөстәм Миңнехановка “Леонтьев үзәге” халыкара социаль-икътисадый тикшеренүләр үзәге (Санкт-Петербург) белгечләре экспресс-диагностика һәм  “2030 елга кадәр Татарстан Республикасын үстерү стратегиясе” проектын тикшерү программасыннан торган кыскача доклад тәкъдим иттеләр.
Тәкъдир итүдә  “Леонтьев үзәге” халыкара социаль-икътисадый тикшеренүләр үзәге” ЯАҖ  генераль  директоры Ирина Карелина,  “Леонтьев үзәге” халыкара социаль-икътисадый тикшеренүләр фәнни-тикшеренү программаларының директор-координаторы Леонид Лимонов, Бәйсез социологик тикшеренүләр үзәге директоры Виктор Воронков, Санкт-Петербург дәүләт университетының ирекле сәнгатьләр һәм фәннәр факультеты деканы, “Леонтьев үзәге” МЦСЭИ баш фәнни хезмәткәре Алексей Кудрин һәм башкалар катнашты.

2013нче ел дәвамында “Горбунов исемендәге КАПО” ААҖ  берләшкән авиатөзелеш  корпорация кысаларында бердәм структурага берләштерелергә тиеш. Бүген бу турыда ике предприятенең Казан шәһәрендә уздырылган гомуми җыелышында  хәбәр ителде.  Җыелышта шулай ук Татарсан Республикасы Президенты Рөстәм Миңнеханов катнашты.
“ОАК” ААҖ президенты Михаил Погосян үзенең чыгышында белдергәнчә, 2012 елда  “Туполев”  ААҖ  һәм КАПО тулаем алганда үз алларына куйган бурычны үтәделәр, ерак авиация самолетларын ремонтлауга һәм модернизацияләугә, махсуслаштырылган авиация комплекслары булдыруга кагылышлы  кайбер бурычлар хәл ителеп бетмәгән.
“2012 елда КАПОның һәм  “Туполев”ның берләштерелгән табышы якынча 7,5 млрд сум тәшкил итте, бу безнең алга куелган максатларга һәм бурычларга туры килеп бетми, - дип белдерде М.Погосян. – Тотырыклы үсеш тәэмин итү өчен без җитештерү күләмнәрен арттырырга тиеш. 2013 елда бу ике берләшмәнең берләштерелгән табышы якынча 17,5 млрд сум булырга тиеш. 2015 елда без  20 млрд  сумлык күләмнәргә ирешергә тиеш”.

2013 ел стартына әзерләнергә һәм барлык төзелеш эшләрен апрель азагында башларга кирәк.  Татарстан Республикасы  Президенты Рөстәм Миңнеханов ТР Хөкүмәте Йортында уздырылган традицион республика киңәшмәсендә шундый йөкләмә бирде. Бу чарада шулай ук ТР Премьер-министры Илдар Халиков та катнашты.    
Татарстан Президенты билгеләп үткәнчә, республикада төзелешкә барлык объектларда да төзелеш эшләренең 50-60 процентын  үз көчләре белән башкаручы генподрядчыларны җәлеп итәргә кирәк. Субподрядчыларны үз эшләрен башкаруга җәлеп итә торган компанияләрне чакыруга ук акча чаралары белән махинацияләр башлана, ди ул.
“Без бер мизгелдә бу схемалар аркасында үзебез дә сизмәстән җинаятьчеләргә әверелергә мөмкин, мондый схемалар буенча подрядчы субподрядчыларга акчаны янга җибәрергә рөхсәт биргән очракта, кайчан да булса җавап бирергз туры киләчәк. Без үзебезне мондый кырын куллылыктан саклап калырга тиеш, барлык бу компанияләр – бер көнлек. Хәзерге вакытта акчаларның кая тотылуын тикшерү буенча зур эш алып барыла, ә ялган схемалар буенча эш итү беркемне дә яхшылыкка китергәне юк әле”, - дип мөрәҗәгать итте Р.Миңнеханов киңәшмәдә катнашучыларга.

“Татспиртпром” ААҖ Директорлар советының чираттагы утырышы 2013 елның 28 февралендә булды. Утырыш ТР Хөкүмәт Йортында, ТР Премьер-министры Илдар Халиков рәислегендә узды.

Утырышта каралган төп мәсьәләләр – 2013 елга “Татспиртпром” ААҖ бюджетын раслау ,инвестиция проектларын гамәлгә ашыру һәм шулай ук 2013 елның гыйнвар аендагы эш нәтиҗәләре.

“Татспиртпром” ААҖ генераль директоры Георгий Куприянов инвестиция проектларын гамәлгә ашыруның барышы хакында чыгыш ясады. Тәүлегенә 10мең декалитр җитештерүче Усад спирт заводы төзелеше инвестиция программасы 70% ка яисә 877млн. сумга финансланган .