ЯҢАЛЫКЛАР
2018 елның 22 мартында Татарстан Республикасы Финанс министрлыгында муниципаль берәмлекләр хезмәткәрләренең стажировкасы башланды. Ул “Бюджет барышы һәм бюджетны формалаштыру” темасына багышланды.
Дәүләт бюджеты средстволарын урнаштыру өчен банклар рейтингларына таләпләрнең йомшаруы акчаларны урнаштырудан табышлыкны арттырырга мөмкинлек бирәчәк. Бу хакта РФ финанс министры Антон Силуанов Федераль казначылык коллегиясенең киңәйтелгән утырышында хәбәр итте.
Россия салым системасы “билгеле бер көйләүгә” мохтаҗ дип белдерде РФ премьер-министры Дмитрий Медведев. Бу хакта ул икътисад мәсьәләләре буенча киңәшмәдә хәбәр итте.
РФ Финанс министрлыгы бюджет сәясәтендә дәүләт-шәхси партнерлык проектларының һәм дәүләт компанияләренең күзгә күренеп тормаган бюджет рискларын исәпкә алырдай механизмны эшләргә планлаштыра. Бу хакта РФ финанс министры урынбасары Владимир Колычев хәбәр итте.
16 мартка республикада 742,3 мең квадрат метр торак файдалануга тапшырылган (планның 30,9 %ы), үткән елның шушы чорына карата 140%. Әлеге күрсәткечләрне ТР Хөкүмәте Йортындагы республика киңәшәмәсендә ТР төзелеш, архитектура һәм ТКХ министры Ирек Фәйзуллин докладында хәбәр итте.
Бүген Татарстан Республикасы Финанс министрлыгында видеоконференция режимында муниципалитетлар белән чираттагы киңәшмә узды. Чарада Татарстан Республикасы буенча Федераль салым хезмәте идарәсе, Федераль суд приставлары хезмәтенең Татарстан Республикасы буенча идарәсе, Татарстан Республикасы муниципаль берәмлекләре советы вәкилләре катнашты.
Финанс министрлыгының алдан ясалган бәяләве буенча РФ федераль бюджеты 2018 елның беренче ике аенда тулаем эчке продуктның 1,7% профицит яисә 226,498 миллиард сум белән үтәлгән. Бу хакта министрлык хәбәрендә әйтелә.
2017 елның дүртенче кварталында РФ тулаем эчке продукты еллык чагылышында 1,2% үсте, декабрьдәге 1,4%тан үсеш 2018 елның гыйнварында 2% кадәр тизләнде. Бу хакта Икътисадый үсеш министрлыгы әзерләгән “Икътисад картинасы. Март” күзәтүендә хәбәр ителә.
Бүген «Казан ярминкәсе» КҮдә «Энергетика. Ресурсларны сак тоту» 19 нчы халыкара махсуслаштырылган күргәзмәсе һәм «Энергия ресурсларының нәтиҗәлелеге һәм энергияне сак тоту» 18 нче халыкара симпозиумы ачылды.
Быел Татарстан икътисадына федераль бюджеттан якынча 62 млрд. сум җәлеп итү планлаштыра. Бу мәгълүмат Федерация Советы әгъзалары һәм Татарстаннан сайланган РФ Федераль җыены Дәүләт Думасы депутатлары белән традицион киңәшмәдә яңгырады, аны Дәүләт Советы Рәисе Фәрит Мөхәммәтшин алып барды.