ЯҢАЛЫКЛАР

Гражданнарны авария хәлендәге торак фондыннан күчерү программасы буенча 2014 елның 27 июненә 2014 ел этабы буенча Татарстан Республикасы заявкасы хупланган. 2013 ел этабы буенча 9 мең 722 кв. м мәйдандагы торак урыннарын сатып алуга 241 шартнамә төзелгән. Бүген бу хакта Татарстан Республикасы Хөкүмәте Йортында узган республика киңәшмәсендә Татарстан Республикасы төзелеш, архитектура һәм ТКХ министры Ирек Фәйзуллин хәбәр итте.

Киңәшмәне барлык мунициципаль районнар белән видеоконференцэлемтә режимында Татарстан Республикасы Президенты Рөстәм Миңнеханов алып барды.

Бүген Казан Кремлендә Татарстан Республикасы һәм Карелия Республикасы арасында сәүдә-икътисадый, фәнни-техник, социаль һәм мәдәни хезмәттәшлек турындагы килешүгә имза салынды. Документка имзаны Татарстан Республикасы Президенты Рөстәм Миңнеханов һәм Карелия Республикасы Башлыгы Александр Худилайнен салды.

Исегезгә төшерәбез, Карелия Республикасының Александр Худилайнен җитәкчелегендәге делегациясе ике көнлек (2014 елның 16-17 июле) визит белән Казанга килде. Делегация әгъзалары Казанда күп кенә индустриаль һәм сәнәгать мәйданчыклары, шул исәптән «Химград» технополисы, IT-парк югары технологияләр өлкәсендә технопаркы эшчәнлеге белән таныштылар, «КАИ-Лазер» сәнәгать лазер технологияләренең инжиниринг үзәген һәм башкаларны карадылар.

2014 елның 16 июлендә Татарстан Республикасының Финанслар министрлыгында 2014 елда бюджетларның үтәлеше буенча кайбер мәсьәләләр хакында муниципаль районнар, шәһәр берәмлекләренең башкарма комитетлары, финанс органнары катнашында видеоэлемтә режимында киңәшмә узды.

Һиндыстан вәкиле БРИКС банкы Президенты булачак, бу турыда килешүгә сишәмбе көнне узган оешманың саммитында кул куелды, дип хәбәр итте сишәмбе көнне РФ финанслар министры Антон Силуанов.

БРИКС валюта резервы пулы кысаларында карарлар күпчелек тавыш биргән очракта кабул ителәчәк,  ләкин рефинанслау төрле коэфиициент белән башкарылачак - бу кертемнәрнең күләменә бәйле булачак, дип хәбәр итте сишәмбе көнне журналистларга Россия Федерациясенең Финанслар министры Антон Силуанов. 

"Россиянең тимер юллары" тарифларын индексацияләү турында карар әлегә кабул ителмәгән, дип хәбәр итте Россия Федерациясенең Финанслар министры Антон Силуанов.

Моңа кадәр Президент Владимир Путин Россиянең Тимер Юлларының йөк тарифларын 2015 елда 10% дәрәҗәсендә индексацияләү мөмкинлеген тикшерергә кушкан иде. Россиянең Тимер Юллары башлыгы Владимир Якунин индексацияне инфляциядән югарырырак итеп ясарга кирәк дигән иде.

"Хәкүмәттә бу турыда сөйләшүләр бара", - диде Силуанов журналистларга.

Россия Федерациясеннән нефть экспортына пошлина 1 августтан3,2 долларга артып тоннасы өчен 388,4 доллар тәшкил итәргә мөмкин. Мондый нәтиҗәне уртача бәягә мониторинг буенча ясап була.

2014 елның 15 июлендә Татарстан Республикасы Икътисад министрлыгында муниципаль район һәм шәһәр берәмлекләренең халык социаль проектлары Конкурсының соңгы этабы узды.

Финал этабы нәтиҗәләре буенча Конкурсның 10 җиңүчесе һәм лауреаты билегеле булды. Кокурс нәтиҗәләре буенча җиңүчеләргә һәм лауреатларга гранлар бирү каралган. Грантлар фондының гомуми күләме 35 млн. сум тәшкил итә. 

Бүген Татарстан Республикасы Президенты Рөстәм Миңнеханов Уругвайга эшлекле сәфәре кысаларында «Zonamerica» ирекле зонасында булды.

Татарстан Республикасы делегациясенә презентацияне «Zonamerica» вице-президенты Исидоро Одара һәм технопаркны үстерү буенча җитәкчесе Леонардо Бонилла үткәрделәр. Очрашу «Celebra Building» - зонаның үзәк бинасында узды, ул 2010 елда дөньяның иң яхшы офис бинасы дип танылган.

Zonamerica технопаркы 1990 елда оештырылган. Ул Монтовидеоның ирекле сәүдә зонасында, Карраско залыкара аэропортыннан ун минутлык юл ераклыгында, Монтовидео портыннан егреме минутлык юл ераклыгында урнашкан. Меркосурның (Көньяк Америка гомуми базары) икътисадый үзәге буларак, Zonamerica - Көньяк Америкада иң зур бизнес-парк, аның территориясендә 300гә якын компания эшли. Биредә Merrill Lynch, Канада Банкы, Sabre Holdings, Watson Wyatt, Price Waterhouse Coopers һәм Citigroup кебек эре комипанияләр офислары бар, шулай ук 50дән артык гаилә офислары һәм финанс компанияләре бар.

Бүген Татарстан Республикасы Президенты Рөстәм Миңнеханов Монтовидео шәһәренә (Уругвай Көнбатыш Республикасы) эш визиты белән килде.

«Карраско» халыкара аэропортында аны Россия Федерациясенең Уругвайда Гадәттән тыш һәм вәкаләтле илчесе Алексей Лабецкий каршы алды.

Рөстәм Миңнехановның Уругвайга визиты 15 июльгә хәтле дәвам итәчәк. Беринг-Беллинсгаузен Институтының оештыру ассамблеясе һәм Татарстан Президентының чыгышы планлаштырылган "Глобальләшү һәм яңа тәэсир итү үзәкләре" I конференциясендә катнашу эшлекле программаның төп чарасы була.

Шулай ук программа буенча Уругвай вице-президенты, Уругвай Генераль Ассамблеясе (парламенты) Данило Астори белән очрашу, Уругвайның иң эре агросәнәгать компанияләре белән сөйләшүләр һәм Zonamerica ирекле зонасы белән танышу каралган.