Татарстан Республикасы Министрлыклары Татарстан Республикасы Финанс министрлыгы

ЯҢАЛЫКЛАР

июль, 2013 ел

җомга

Бүген Татарстан Республикасы Премьер-министры Чистай районының “Чистай” индустриаль паркында, иген кырлары һәм элеваторда булды. Республика Хөкүмәте башлыгын Татарстанның вице-премьеры – авыл хуҗалыгы һәм азык-төлек министры Марат Әхмәтов озатып йөрде.

“Чистай” индустриаль паркында Илдар Халиков парк мәйданы үсеше мәсьәләләре буенча киңәшмә уздырды. Татарстан Хөкүмәт рәисе билгеләвенчә, индустриаль парк үсешендә алга китеш бар. “Без беренче проектның ничек гамәлгә керүен күрәбез, тагын бер резидент бар инде. Ләкин безнең өчен проектның активрак гамәлгә керүе мөһим”,-дип ассызыклады ул, киңәшмәне ачканда.

июль, 2013 ел

пәнҗешәмбе

2014 елга һәм 2015, 2016 елдагы план чорына Татарстан Республикасы бюджетын әзерләү

2013 елның 18 июлендә Татарстан Республикасы Финанслар министры урынбасарлары Алексей Шишкин һәм Юлия Абдреева 2014-2016 елларга Татарстан Республикасының тупланма бюджетының төп күрсәткечләрен фаразлау буенча тармаклы бүлеләр җитәкчеләре белән киңәшмә уздырдылар. Киләсе өч еллык вакытка бюджет әзерләү буенча график үтәлеше тикшерелде.

Казаннан ерак түгел РХХ һәм ДХА җәйге кампусы ачылды

Россия Федерациясе Президенты каршындагы Россия халык хуҗалыгы һәм дәүләт хезмәте акдемиясенең икенче кампусы бүген Казаннан ерак түгел ачылды. "Казан" тау чаңгысы комплексы базасында кампус ачу тантанасында Татарстан Республикасы Президенты Р.Н.Миңнеханов катнашты.

"Президент Академиясенең җәйге кампусы: мөмкинлекләр территориясе" икенче халыкара мәгариф форумы Татарстанда 2013елның 18 июленнән алып 28 июленә кадәр эшләячәк. Чараны Россия Федерациясе Президенты каршындагы Россия халык хуҗалыгы һәм дәүләт хезмәте академиясе, Татарстан Республикасы һәм АКИГ компанияләре төркеме оештыра.

Бюджет сәясәтенең төп юнәлешләре

2014 елга һәм 2015, 2016 елдагы план чорына бюджет сәясәте нигезенә ил үсешенең стратегик максатлары алынды. Алар 2012 елның 7 маенда Россия Федерациясе Президенты Боерыкларында, 2020 елга хәтле Россия Федерациясенең озак вакытка социаль-икътисади үсеше Концепциясендә, 2018 елга хәтле Россия Федерациясе Хөкүмәте эшчәнлегенең төп юнәлешләре, шулай ук 2014-2016 елларда бюджет сәясәте турында Россия Федерациясе Президентының Бюджет Юлламасының төп нигезләмәсе.

июль, 2013 ел

чәршәмбе

Дмитрий Медведев һәм Рөстәм Миңнеханов ике яклы очрашу уздырдылар

Бүген Казанда Россия Федерациясе Хөкүмәте рәисе Дмитрий Медведев һәм Татарстан Республикасы Президенты Рөстәм Миңнеханов ике яклы очрашуда XXVII Бөтендөнья җәйге Универсиада нәтиҗәләрен йомгакладылар. Очрашу Универсиада авылының Халыкара мәгълүмат үзәгендә узды.

Очрашуны ачып, Дмитрий Медведев, Универсиада уңышлы узды, дип белдерде. “Минемчә, барысы да бик яхшы килеп чыкты. Ышанам, Универсиаданың соңгы көне дә безнең җыелма команда, һәм гомумән Универсиадада катнашучыларның барысы өчен дә уңышлы булыр”,- диде РФ Хөкүмәте башлыгы.

Илдар Халиков Россия энергетика министры урынбасары белән очрашты

Бүген Татарстан Республикасы Хөкүмәте рәисе Илдар Халиков Казанда Россия Федерациясенең энергетика министры урынбасары Андрей Черезов белән очрашты. ТР Хөкүмәте Йортында узган очрашуда шулай ук Краснодар төбәге Хөкүмәте әгъзалары, Россиядәге “Сетевая компания”ләрнең вәкилләре катнашты.

Очрашу барышында анда катнашучылар Татарстанның Универсиаданы энергия белән тәэмин итү тәҗрибәсе турында фикер алыштылар. Катнашучыларның фикеренчә, бу тупланган тәҗрибәне 2014 елда Сочида булачак Олимпия Уеннарында файдаланырга кирәк.

Хезмәт хакы системасын камилләштерү юллары

Татарстан Республикасының финанслар министрлыгында Россия Федерациясе Президенты В.В.Путинның 2013 елның 7 маенда кул куйган Карарларын үтәү максатыннан хезмәт хакы өчен түләү системасын реформалау мәсьәләсе буенча Татарстан Республикасының тармаклы министрлык һәм ведомство җитәкчеләре белән киңәшмә узды.

Милли байлыкны күп проектлар буенча бүлгәләү һәрвактытта да нәтиҗәлелекле түгел

РФ Финанслар министры Антон Силуанов Милли байлык фонды акчасына финансланучы инвестицион проектларның санын арттыру лөгатькә туры килми дип фикер йөртә.

"Әгәр дә без хәзер милли байлык акчаларын күп санлы проектлар буенча "сылап" чыксак, бу нәтиҗәсез булачак", - дип белдерде ул журналистларга. Шул ук вакытта хәзерге вакытта гамәлдә булган инвестпроектлар исемлеген тормышка ашыруга игътибарны юнәлтергә кирәк, дип ассызыклады.

РФ Хөкүмәте НКОларга ярдәм йөзеннән акча бүлеп бирде, Татарстанга якынча 25 млн. сум биреләчәк

Социаль юнәлешле коммерияле булмаган оешмаларга ярдәм йөзеннән Россия Хөкүмәте агымдагы елда 49 төбәккә 630 млн. сум күләмендә акча бүлеп бирә, диелгән Министрлар кабинетының рәсми кәгазьләренде. Әлеге акча социаль юнәлешле коммерияле булмаган оешмаларга ярдәм итәр өчен региональ программаларны финанслашуга федераль бюджеттан субсидия.

А. Силуанов: Резарв валюталы илләр кимүен алдан ук белеп торырга кирәк

Резерв валютасы булган илләр саны кимүе алдан ук беленеп торырга тиеш. Бу фикерне РФ финанс министры Антон Силуанов Внешэкономбанк оештырган "Озак вакытка инвестиция - тотрыклы үсеш нигезе" халыкара конференциясе куклуалларында белдерде. Аның сүзләре буенча, әлеге мәсьәлә агымдагы атнада Мәскәүдә узачак финанс министрлыры һәм G20 илләренең үзәк банклары җитәкчеләре белән узачак очрашуда тикшереләчәк.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ