ЯҢАЛЫКЛАР

Бүген Татарстан Президенты Рөстәм Миңнеханов Казан IT-паркының Яр Чаллыдагы икенче мәйданчыгын ачуда катнашты.

Чарада шулай ук РФ элемтә һәм гаммәви коммуникацияләр министры Н.Никифоров, вице-премьер - ТР мәгълүматлаштыру һәм элемтә министры Роман Шәйхетдинов, ТР мәгариф һәм фән министры Альберт Гыйльметдинов, Яр Чаллы мэры Васыйл Шәйхразиев, "КАМАЗ" ААҖ гендиректоры Сергей Когонин һ.б. катнашты.

Бүген Казанда ТР Хөкүмәт йортында республика Премьер-министры Илдар Халиков рәислегендә “Татспиртпром” ААҖ Директорлар советының чираттагы утырышы узды. Көн үзәгенә җәмгыятьнең Директорлар советына үзгәрешләр кертү һәм 2012 елның 1 ярты елында җәмгыятьнең финанс-хуҗалык эшчәнлеге нәтиҗәләре мәсьәләләре куелган иде.

Татарстан җитәкчелеге Кытай  химик-инжиниринг компаниясенең (CNCEC)  “Аммоний” заводы мәйданчыгында эшне югары дәрәҗәдә оештыруларына югары бәя бирә һәм CNCEC республиканың нефть, газ, химия комплексы үсеше буенча гамәлгә куела торган башка проектларында да катнашыр дип өметләнә. Бу хакта бүген ТР Президенты Рөстәм Миңнеханов CNCEC идарәсе рәисе Цзин Кэнин белән очрашуда белдерде.

ТР Хөкүмәт йортында узган очрашуда Татарстан нефть, газ, химия комплексының эре предприятиеләр җитәкчеләре катнашты.

Бүген Татарстан Республикасы Хөкүмәт йортында 2013 елда Казанда XXVII Бөтендөнья җәйге универсиада объектларын электроэнергетика белән тәэмин итү буенча фикер алыштылар. Киңәшмәдә Россия Федерациясе энергетика министры Александр Новак, Татарстан Республикасы Президенты Рөстәм Миңнеханов, Татарстан Республикасы Премьер-министры Илдар Халиков һ.б. катнашты.

Татарстан Республикасы Хөкүмәте җылылык энергиясе өчен түләүдә перекрестоклы субсидияләштерү ысулыннан күчү сәбәпле, республика халыкына ярдәм чараларын алдан караган. Бу турыда ТР Хөкүмәтендә өзган брифингта Татарстан Премьер-министры Илдар Халиков хәбәр итте.  

Татарстан Республикасы Финанс министрлыгында 2013-2015 елларга бюджет проектын формалаштыру буенча эш дәвам итә. 20 августтан республика финанс министры Радик Гайзатуллин Татарстан муниципаль берәмлекләренең финанс-бюджет палата вәкилләре белән очрашулар уздыра. Киңәшмәләрдә район һәм шәһәр бюджетларының керем һәм чыгым өлешенә бәйле мәсьәләләр карала.

18 августта Татарстан Республикасы Финанс министрлыгында өстәмә белем бирү учрежденияләренә йөрүдә, шулай ук секция һәм түгәрәкләргә йөрүне исәп-хисаплауда автматизацияләштерү эшләп чыгару һәм гамәлгә кертү мәсьәләләре буенча видеоэлемтә системасында киңәшмә узды.

Татарстан Республикасы Финанс министрлыгында 2013-2015 елларга Татарстан Республикасы бюджеты проектын формалаштыру буенча эш алып барыла. 16 августтан 18 августа хәтле республика министрлыклары вәкилләре белән очрашулар узды. Министрлык белгечләре финанс министры урынбасарлары Алексей Шишкин, Алла Анфимова, Юлия Абдреевада киңәште.

Бүгенге мәктәп укучыларына диннәр тарихы буенча белем бирергә кирәк. Бу турыда Татарстан Республикасы Президенты Рөстәм Миңнеханов яңа уку елы алдыннан узган педагоглар өчен традицион август киңәшмәсендә хәбәр итте. Киңәшмәдә Татарстан Республикасы финанс министры Радик Гайзатуллин катнашты.

Татарстан Республикасы РФ субъектлары арасында башкарма хакимият эшчәнлеге нәтиҗәлелеле  буенча беренче урынны яулады. Бу турыда 16 августта узган РФ Хөкүмәте утырышында РФ региональ үсеш министры Олег Говорун хәбәр итте.