ЯҢАЛЫКЛАР

Бүген Татарстан Республикасы Президенты Рөстәм Миңнеханов Карнеги Меллон университетының архитектура факультетында “Разумное рабочее пространство” проекты белән танышты. Бу хакта ТР Президенты матбугат хезмәте хәбәр итә. ТР Президентын сәфәрдә ТР Премьер-министры урынбасары – мәгълүматлаштыру һәм элемтә министры Роман Шәйхетдинов, Идел буе федераль университеты ректоры Илшат Гафуров һ.б. озатып йөрде.

РФ Финанс министрлыгы 2012 елда федераль бюджетныж кытлыгы фаразын үзгәртте. Башта ул закон белән эчке тулай продуктыннан 0,1 булса, хәзер 0,2-0,3% булыр дип фаразлана, диде министрлык башлыгы Антон Силуанов чәршәмбе көнне журналистларга.

Бүген Бюджет, салымнар һәм финанс комитеты утырышында депутатлар агымдагы елның беренче яртыеллыгында Татарстан Республикасы бюджеты үтәлеше белән танышты. Бу нисбәттән ТР Финанс министры Радик Гайзатуллин хисап тотты.

Аның сүзләренә караганда, 2012 нче елның беренче яртыеллыгында Татарстан Республикасы бюджетына 82, 2 млрд. сум күләмендә керем кергән. Бу 2012 елга бюджет турында Закон тарафыннан расланган фараз күрсәткеченең 57 проценты дигән сүз.

Россия Федерациясе энергетика министрлыгы авыр чыгарышлы нефть запаслары өчен кулланылучы ташламалар буенча законга төзәтмәләр кертү буенча үзгәртәләр проекты әзерләде.

“Мирас-Наследие” республика программасын 2013-2016 нчы елларда тормышка ашыру эшенә 1 миллиард сум акча бүлеп бирү планлаштырыла. Бүген Татарстан Премьер-министры Илдар Халиков ТР Хөкүмәт Йортында программаны әзерләү мәсьәләсе буенча уздырган киңәшмә барышында шундый мәгълүмат әйтелде.

Шулай ук киңәшмәдә ТР икътисад министры Мидхәт Шаһиәхмәтов, ТР Президенты ярдәмчесе Олеся Балтусова, Татарстан мәдәният министры урынбасары Светлана Персова катнашты.

Татарстан Республикасы финанс министрлыгы "Мәктәпкә әзерләнергә ярдәм ит" исемле республика хәйрия акциясендә катнашты. Әлеге акция кысаларында Татарстан Республикасы финанс министрлыгы һәм Казначылык департаменты хезмәткәрләре җыйган акчага Лаештагы сукыр һәм начар күрүче балалар мәктәбендә сәламәтләнедрү физкультурасы бүлмәзе өчен спорт җиһазлары сатып алынды.

РФ Финанс министрлыгы пенсинең тупланма өлешенә кагылышлы фикерен үзгәртми. Аны кыскартырга да, бетерергә дә ярамый, диде журналистларга шимбә көнне Россия финанс министры Антон Силуанов.

"Тупланма өлешкә кагылмаска дигән позциябез згәрешсез кала", - диде ул.

2012 елның 28 августында Татарстан Республикасы Финанс министрлыгында өстәмә белем бирү учрежденияләрендә автоматлаштырылган система кертү буенча видео элемтә ярдәмендә киңәшмә узды.

Бүген Әлмәттә ТР Президенты Рөстәм Миңнеханов рәислегендә “Татанефть” ААҖ Директорлар советының чираттагы утырышы узды. Анда компаниянең узган 7 айда бюджеты үтәлеше, 2012 елның беренче яртысында финанс-хуҗалык эшчәнлеге тикшерелеп, сентябрь аена план расланды.

Хисап чорында компания ятмаларыннан 12,913 млн тонна нефть чыгарылган. 287 мең тонна - планнан тыш табылган. 414 млн куб. метр иярчен газ чыгарылган. Ул, узган елның шул чорына караганда, 7,1 процентка артыграк.
Бу чорда шулай ук 136 яңа скважина файдалануга кертелгән, алардан 88 мең тонна “кара алтын” чыгарылган. Компаниянең Татарстаннан читтәге лицензияле участокларыннан 146,6 мең тонна нефть чыгарылган, 16 скважина борауланган.