ЯҢАЛЫКЛАР
2019 елның 25-26 сентябрендә Татарстан Республикасы Финанс министрлыгында муниципаль район һәм шәһәр берәмлекләренең финанс органнары җитәкчеләре белән киңәшмәләр узды. Аларда 2019 елның гыйнвар-августында җирле бюджетларның үтәлеше һәм 2019 елның сентябрь аенда көтелгән җирле бюджетларның үтәлешенә кагылышлы мәсьәләләр каралды.
Бүген Дәүләт Советы утырышында беренче укылышта һәм тулаем алганда 2019 елга һәм 2020, 2021 елларның планлы чорына бюджет турында республика законына үзгәрешләр кертү хакында закон проекты кабул ителде. Закон проекты тарафыннан бюджетның керем өлешен 12,9 млрд. сумга арттыру каралган.
Бүген Татарстан Республикасы Президенты Рөстәм Миңнеханов Татарстан Республикасы Дәүләт Советының 2-нче утырышы кысаларында республиканың эчке һәм тышкы хәле турындагы еллык юллама белән мөрәҗәгать итте.
Инфраструктура, кеше капиталын үстерү институтлары һәм икътисадның аерым секторларына төгәл ярдәм итү 2020 елга бюджет чыгымнарындагы өстенлекле юнәлешләр булып тора. Бу хакта РФ финанслар министры урынбасары Владимир Колычев FitchRatings еллык конференциясендә хәбәр итте.
Милләтара һәм динара татулыкны ныгытуга, террорчылыкны һәм экстремизмны профилактикалауга, социаль, этник һәм конфессиональ туфракта конфликтларны булдырмауга ярдәм итүче “Экстремизмга - Юк!” акциясе кысаларында Татарстан Республикасы Финанс министрлыгы фойесында әлеге тема буенча стенд урнаштырылды.
Россия Финанс министрлыгы милли оборона һәм хокук саклау эшчәнлеге өлкәсендә аерым чараларга чыгымнарны арттыру максатыннан, шулай ук илкүләм проектларны гамәлгә ашыруга чараларның файдаланылмаган өлешен 2019 елга федераль бюджет чараларының калган өлешләрен 2020 елга җибәрү мөмкинлеген озайту турында закон проектын эшләгән. Закон проекты тексты хокукый мәгълүматның рәсми порталында бастырылган.
20 сентябрьгә республикада 1,7 млн. кв. м торак файдалануга тапшырылган, бу планның 70,5%ы (үткән елның шушы чорына карата үтәлеш 107%). Бүген бу хакта Татарстан Республикасы Хөкүмәте йортында узган республика киңәшмәсендә Татарстан Республикасы төзелеш, архитектура һәм ТКХ министры Ирек Фәйзуллин хәбәр итте.
Хөкүмәт 2020-2022 елларга РФ федераль бюджеты проектын хуплады. Бу хакта Хөкүмәт утырышы нәтиҗәләре буенча Министрлар Кабинеты матбугат хезмәтендә хәбәр иттеләр.
РФ Премьер-министры Дмитрий Медведев киләсе өч елга бюджет профицитлы булачак, дип белдерде.
Премьер-министр Дмитрий Медведев 2020 елга һәм 2021-2022 елларның планлы чорына РФ федераль бюджеты проектын әзерләү буенча йомгаклау киңәшмәсен уздырды, дип хәбәр итә Министрлар Кабинеты матбугат хезмәте.