ЯҢАЛЫКЛАР
Россиядә донор төбәкләр саны артырга тиеш, югыйсә бюджет тәэмин ителеше түбән РФ субъектлары илкүләм проектларны гамәлгә кую белән шөгыльләнә алмаячак. Бу хакта Дәүләт Думасы спикеры Вячеслав Володин Канун чыгаручылар советының утырышы барышында хәбәр итте.
Беренче вице-премьер, РФ финанс министры Антон Силуанов РФ әҗәтенә карата санкцияләр кукынычы булган шартларда бюджет дефицитын арттыруны дөрес түгел дип саный. Бу хакта ул РФ канун чыгаручыларының Советында чыгышы вакытында хәбәр итте.
РФ Президенты Владимир Путин илкүләм проектларга чаралар бүлеп бирү (аларны гамәлгә кую вакытын исәпкә алып яисә өч елга) тәртибен төзәтергә мөмкин дип саный.
Федерация Советы спикеры Валентина Матвиенко Канун чыгаручылар советының утырышын ачу вакытында төбәкләрнең салым базаларын, шул исәптән тәмәке продукциясеннән акцизлардан керемнәр исәбенә, киңәйтүне дәвам итәргә әйдәде.
Бүген Татарстан Республикасы Хөкүмәте Йортында узган киңәшмәдә 2019 елның 1 кварталында Татарстан Республикасы берләштерелгән бюджетын үтәү йомгаклары һәм 2019 елга Татарстан Республикасы финанс системасы органнарының бурычлары турында Татарстан Республикасы финанс министры Радик Гайзатуллин чыгыш ясады.
Татарстанда 860 мең квадрат метр торак эксплуатациягә тапшырылган, бу – планның 35,5%ы. Бүген бу хакта республика киңәшмәсендә Татарстан Республикасы Төзелеш, архитектура һәм ТКХ министры Ирек Фәйзуллин хәбәр итте
РФ Хөкүмәте 2020-2022 елларга Россиянең социаль-икътисадый үсеше фаразын эшләү өчен база сценар шартларын тикшергән һәм хуплаган. Бу хакта Министрлар Кабинетының матбугат хезмәтендә хәбәр иттеләр.
Россиянең икътисады үсешенең финанс моделенә төзәтмәләр кертү кирәкми, ул кайбер үсеш алган илләрнекеннән тотрыклырак. Бу хакта РФ Премьер-министры Дмитрий Медведев Хөкүмәтнең эше турында Дәүләт Думасында еллык хисабы вакытында җиткерде.
Финанс министрлыгы демпфирлый торган механизмны (нефтьне эшкәртү тармагы өчен компенсацияли торган механизм) төзәтүдән бюджетта төшеп калырга мөмкин керемнәр күләмнәрен яңадан тикшергән. Алар елга 60 млрд тан 200 млрд сумга кадәр тәшкил итәргә мөмкин. Бу хакта Финанс министрлыгының салым һәм таможня-тариф сәясәте департаменты башлыгы Алексей Сазанов хәбәр итте.
2019 елның 15 апрелендә Татарстан Республикасы финанс министры Радик Гайзатуллин "Татспиртпром" Акционерлар җәмгыяте белән киңәшмә үткәрде. Чарада, 2019 елның 1 кварталына, 2019 елның 2 кварталына, гомумән 2019 елга тәгаенләгән фаразның йомгаклары буенча бюджетка түләүләр, җитештерү күрсәткечләре тикшерелде.