ЯҢАЛЫКЛАР

Бөтен республика буенча сыйфатлы белем бирүне тәэмин итү – Татарстанда якындагы киләчәккә гомуми урта белемнең төп бурычы. Бүен бу хакта Татарстан Республикасы Президенты Рөстәм Миңнеханов «Татарстан Республикасында гомуми белем системасын камилләштерү турында» Татарстанның Иминлек советы утырышында хәбәр итте. Утырышта шулай ук Татарстан Республикасы Дәүләт Киңәшчесе Минтимер Шәймиев, ТР Дәүләт Советы Рәисе Фәрит Мөхәммәтшин, республика Иминлек советының даими әгъзалары, республика министрлыклары һәм ведомстволары җитәкчеләре, муниципаль берәмлекләр башлыклары, югары уку йортлары ректорлары, муниципаль берәмлекләрнең мәгариф бүлекләре башлыклары катнашты.

Татарстан җитәкчелеге, федераль үзәктән ярдәм көтеп тормыйча, кризиска каршы актив чаралар күрергә тиеш. Бүген бу хакта Татарстан Республикасы Президенты Рөстәм Миңнеханов республика Икътисадый советы утырышында хәбәр итте. Татарстан Республикасы Хөкүмәте Йортында узган бу утырышта республика министрлыклары, ведомстволары, эре предприятиеләре җитәкчеләре, муниципалитетлар башлыклары катнашты.

Бүген «Алабуга» махсус икътисадый зонасының гомуми хакы 36 млрд. сумлык резидент компанияләренең яңа проектлары МИЗ Күзәтчелек советының чираттагы утырышында каралды. Утырышны Казанда Татарстан Республикасы Президенты Рөстәм Миңнеханов уздырды.

2015 елның 8 февралендә узган "Россиянең Чаңгы юлы - 2015" массалы чаңгы ярышларында Татарстан Республикасының Финанслар министрлыгы хезмәткәрләре дә катнашты. Әлеге чара республиканың барлык рафон һәм шәһәрләрендә дә узды. Быел алар Сочида узган кышкы Олимпия уеннарыннан соң бер ел узуга багышланган иде.

Төп ярышлар Залесный бистәсендә "Кояшлы" легере территориясендә узды. Әлеге чара кысаларында VIP ярышлар, Казан шәһәренең төрле районнарында яшәгән кешеләр, югары һәм урта уку йортлары студентлары да катнашты. 

Бүген Стамбулда "Зур егермелек"кә керүче финанслар министрлары һәм Үзәк Банклар җитәкчеләре очрашачак. Алар нефть котировкаларының кимүе дөнья икътисадының үсешенә нинди йогынты ясавы буенча фикерләр белән алмашак. Шулай ук алар моңа кадәр узган саммитларда кабул иткәр карарларның үтәлешен дә тикшерәчәкләр. 

Россия Федерациясе Президенты Антон Силуанов хәрбиләр пенсия ала башларга хокуклары булган хәрбиләрнең хезмәт вакытын арттыруны кирәк дип саный. 

"Менә карагыз әле, бездә бер миллион яшь, сәламәт ир-атларыбыз сакчы булып эшли, силовиклар турында әйтеп тә тормыйм. Һәр шлагбаум янында сакчы аны саклап тора. Хәрбиләр өчен, минемчә, аларның пенсия яшенә чыгу вакытын да арттырырга мөмкин. Егерме ел хезмәт иткән хәрбиләр еш кына 40 яшендә пенсионерларга әйләнә", - диде Силуанов РИА Новостига.

Финанслар министрлыгы янәдән бу мәсьәлә буенча фикер алышуны яңартырга тели. Әкеренләп кенә пенсия яшен ир кешеләр өчен дә, хатын-кызлар өчен дә 63 яшькә билгеләргә тәкъдим ителә.