ЯҢАЛЫКЛАР
Бүген Татарстан Республикасы Президенты Рөстәм Миңнеханов Мәскәүдә конкурентлык һәм кече һәм урта эшкуарлыкны үстерү мәсьәләләре буенча Хөкүмәт комиссиясе утырышында катнашты. Утырышны РФ Хукүмәте Йортында Россия вице-премьеры Игорь Шувалов уздырды.
Чираттагы регуляр Хөкүмәт комиссиясе утырышында базарларның бөтен төрләрендә конкурентлык мәсьәләләре турында сүз барды. Төп нотык белән РФ Федераль монополияләргә каршы хезмәт җитәкчесе Игорь Артемьев чыгыш ясады.
Бүген Казан Кремлендә Татарстан Президенты Рөстәм Миңнеханов Чехия Республикасының Көньяк Моравия крае делегациясе белән очрашты. Очрашуга кадәр ул Көньяк Моравия крае губернаторы Михал Гашек белән фикер алышкан иде.
Делегация 16-18 июньдә Татарстанда эш сәфәрендә. Бу Чехия Республикасы вәкилләренең җавап визиты булып тора. Искәртеп узабыз: узган елның апрелендә Татарстан делегациясе Чехиядә эш сәфәрендә булган иде.
“Без Чехиядә күргәннәрдән уңай хис-кичерешләр алган идек, сезнең Татарстанга җавап визитыгыз безне күп кенә проектлар буенча якынайтыр дип ышанам”, - дип билгеләп үтте, очрашуны ачып, Татарстан Президенты. Татарстан Чехия Республикасы белән сәүдә-икътисадый мөнәсәбәтләр, фән, мәгариф, төзелеш, инновацион мәсьәләләр һ.б. өлкәсендә хезмәттәшлек итү белән кызыксына.
РФ Хөкүмәте 2014-2016 елларда бюджет сәясәте турында Президентның Бюджет юлламасының төп юнәлешләрен гамәлгә ашыру буенча хисап тотты. Мәсәлән, Бюджет кодексының программалы-максатчан идарә итү методларын үстерү буенча эш алып барылган. 2016 елга кадәр бюджет беренче тапкыр 39 төп дәшүләт программасы нигезендә формалаштырылган. "РФ пенсия системасын үстерү", "Илнең оборонага сәләтлелеген тәэмин итү", 2020 елга кадәр РФ Арктик зонасын социаль-икътисади үстерү" дәүләт программаларын кабул иткзннзн соң, "программалы" чыгымнар өлеше 90% артып китә.
Бүген ТР Хөкүмәте Йортында борынгы Болгар шәһәренә һәм Свияжск утрау-шәһәрчегенә транспорт үтемлелеге мәсьәләләре турында сөйләштеләр. Киңәшмәне Татарстан Республикасы Президенты Рөстәм Миңнеханов уздырды, анда шулай ук Россия транспорт министры Максим Соколов һәм Татарстан Дәүләт Киңәшчесе Минтимер Шәймиев катнашты.
Рөстәм Миңнеханов киңәшмәне ачканда билгеләп үткәнчә, РФ Транспорт министрлыгы белән берлектә республикада проектлар гамәлгә ашырылды инде һәм ашырыла.
“Ягу сезоны тәмамланды. “Газпром межрегионгаз Казань”, “Татэнергосбыт”ка һәм “Генерирующая компания”гә, агымдагы түләүләрне тулы күләмдә тәэмин итү өчен, барлык кирәкле чараларны күрергә кирәк, шул исәптән, сүндерүне”, - дип белдерде ул.
ТР төзелеш, архитектура һәм ТКХ министры Ирек Фәйзуллин мәгълүматы буенча, агымдагы елның 1 нче июненә торак-коммуналь комплексы предприятиеләренең газ һәм электр энерниясен кулланган өчен срогы чыккан бурычы якынча 865 млн.сум тәшкил итә: электр энергиясен кулланган өчен - 55,8 млн. сум һәм 809 млн. сум – газ өчен.
Мисыр Гарәп Республикасының Россия Федерациясендәге Гадәттән тыш һәм Тулы вәкаләтле Илчесе Мөхәммәд Әлбадри белән бүген Татарстан Республикасы Президенты Рөстәм Миңнеханов очрашты. ТР Хөкүмәте Йортында узган очрашуда шулай ук ТР вице-премьеры – сәнәгать һәм сәүдә министры Равил Зарипов, ТР Президентының халыкара мәсьәләләр буенча ярдәмчесе Радик Гыйматдинов, Казан шәһәре мэры Илсур Метшин катнаштылар.
Очрашуда Татарстан белән Мисыр арасындагы хезмәттәшлекне киңәйтү перспективалары турында сүз барды. Мөхәммәд Әлбадри хәбәр иткәнчә, очрашуда катнашучылар ике республиканың ике яклы мөнәсәбәтләрне үстерүдә потенциалы бик зур дигән фикергә килделәр.
2015 елда РФда хәмергә акцизлар арттырылмыячак. Бу турыда журналистларга РФ Финанслар министрлыгының салым һәм таможня-тариф сәясәте департаменты җитәкчесе Илья Трунин хәбәр итте.
Әлеге карар 2015-2017 елларга салым сәясәтенең төп юнәлешләренең соңгы редакциясендә язып үтелгән, дип өстәде ул. "2015 елда алкоголь төркемгә акцизларны индексацияләү туктатылып торачак. Ягъни мәсәлән ставкалар 2014 ел дәрәҗәсендә сакланып калачак", - диде ул.
"Салым маневры" буенча Икътисад министрлыгының тәкъдиме ТЭКта бүгенге көндә өстенлекле, ләкин әлегәсалым үзгәрешләре буенча нәтиҗәле карар кабул ителмәгән, дип хәбәр итте журналистларга РФ Финанслар министрлыгының салым һәм таможня-тариф сәясәте департаменты җитәкчесе Илья Трунин.
"Расланган вариант - ул Икътисад министрлыгы варианты, без аларның тәкъдимнәрен сайладык. Карар якын арада кабул ителергә тиеш. Безнең үз карашыбыз бар - ул бердәм, Икътисад министрлыгы белән килештерелгән. Аның нигезе - киләсе елдан нефть тармагында салм күрсәткечләрен үзгәртү һәм таможня тарифларын җайга салуны үзгәртергә кирәк. Финанслар министрлыгы пошлиналарны ике этап белән киметеп, Файдалы казылмаларны табуга салымны арттырырга тәкъдим иткән иде", - диде ул.