ЯҢАЛЫКЛАР

Бюджет, салым һәм финанслар комитеты “Транспорт салымы турында”гы ТР Законының 8 нче маддәсенә үзгәрешләр кертү турында”гы ТР закон проектын карады. Документ, республика законын федераль законга тиңләштерү максатыннан, әзерләнгән.

Закон проектына аңлатмада билгеләп үтелгәнчә, РФ Салым кодексына һәм “Физик затларның милкенә салым турында”гы РФ Законына кертелгән үзгәрешләр нигезендә, хәзер транспорт салымын 1 нче октябрьгә кадәр түләргә кирәк.

Россия Федерациясе Финанслар министрлыгы "Россия Федерациясенең дәүләт финанслар системасын камилләштерүгә булышу"  Проектын тормышка ашыра башлады. Проект Бөтен ил банкы займнары хисабына да финанслана. Кызыксынган компанияләр консультация хезмәтен күрсәтүгә конкурсларда катнашырга теләк белдерер өчен тәкъдимнәр кертергә чакырыла.

Россия Федерациясенең Финанслар министрлыгы РФ нефть компанияләренә салым маневры кысаларында экспорт пошлинасын санауда соң кертелгән үзгәрешләргә бәйле буларак чыгымнарның бер өлешен кире кайтару һәм киләчәктә экспрт пошлинасы санаганда кулланы турында тәкъдимне хуплый, дип хәбәр итте "Прайм" агентлыгына РФ Финанслар министры урынбасары Сергей Шаталов.

Украинаның Финанслар министрлыгы алдагы ике елда ил икътисадына кирәк булган ярдәм күләмен 35 млрд доллрга бәяли. 2013 ел ахырында 15млрд доллар күләмендә украинаның дәүләт облигацияләрен алырга әзер булу турында Россия белдергән иде. 3 млрд. сум күләмендә беренче транш Украинага декабрьдә бирелгән иде. 

Россия Федерациясе ситуациягә карап тышкы базарда берничә евробонд траншын урнаштырырга мөмкин, дип белдерде журналистларга РФ Финанслар министры урынбасары Сергей сторчак. "Ике яки аннан күбрәк урнаштыру булырга мөмкин. Ситуациягә карарбыз инде, хәлләрне күпертү өчен каты ихтыяҗ юк, без үзебезне бик тыныч тота алабыз. Өстәвенә, ел башында, әле бит март кына", - диде ул. Моңа кадәр финанслар министры Антон Силуанов Россия тышкы бурыч базарына ике тапкыр - доллар һәм еврода урнашырып чыга ала дигән иде. Сторчак хәбәр иткәнчә, Россия валюталарны үзе теләп сайлый ала һәм әлегә катгый карар әле кабул ителмәгә. "Кайсы валютада дигән бернинди катгый сүз юк", - диде ул.

РФ резидентлары тарафыннан тикшерелеп торучы чит ил компанияләре табышына салым салу өлкәсендә Салым Кодексына үзгәрешләр кертелергә мөмкин. Бу турыда мәгълүмат федераль органнарның башкарма комитетлары әзерләүче норматив актлар проектлары һәм аларын иҗтимагый тикшерү нәтиҗәләре турында мәгълүмат бирү буенча бердәм порталда урнаштырылды.

Бүген Татарстан Премьер-министры Илдар Халиков ТР Хөкүмәте Йортында Малайзиянең XYBase компаниясе делегациясе белән очрашты. Очрашу республикада Invest in Tatarstan халыкара кышкы инвестиция форумы барышы кысаларында узды.

Очрашуны ачып, Хөкүмәт башлыгы, Татарстан белән Малайзияне бик күптәнге һәм уңышлы мөнәсәбәтләр бәйли, дип белдерде. “Бүр үк вакытта без Малайзия регионнары һәм Малайзия компанияләре белән бәйләнешләрне активрак үстерер идек”, диде ул.

Илдар Халиков кыскача Татарстанда ИТ-тармагы инфраструктурасы үсеше турында хәбәр итте. Үз чиратында XYBase вәкилләре Татарстанда компания тарафыннан эшләнгән BLESS бизнес-процессларга электрон ярдәм системасын гамәлгә кертү барышы турында сөйләделәр.

Бүген Татарстан Республикасы Хөкүмәте Йортында ТР Премьер-министры Илдар Халиков рәислегендә “Татспиртпром” ААҖ Директорлар советының чираттагы утырышы узды.

Директорлар советы җәмгытьнең 2014 елның гыйнвар аендагы финанс-хуҗалык эшчәнлеге нәтиҗәләре һәм 2014 елның I кварталына бурычлар турында финанс директоры А.С. Каюмованың докладын тыңлады.

2014 елның гыйнварында алкоголь продукциясе җитештерүнең күләме 16%ка арткан һәм 505 мең декалитр тәшкил иткән (2013 елның гыйнварында-434 мең декалитр).

Татарстан Премьер-министры Илдар Халиков бүген Invest in Tatarstan форумы кысаларында “Шнейдер электрик” компаниясе делегациясе белән очрашты.
Илдар Халиков кунакларны сәламләп, форумда катнашулары өчен рәхмәт белдерде.

ТР Хөкүмәте башлыгы республиканың “Шнейдер электрик” компаниясе белән партнерлык мөнәсәбәтләренең сыйфатын югары бәяләде һәм алга таба да хезмәттәшлек дәвам итәр, дигән ышаныч белдерде

Татарстан Республикасы Финанслар министрлыгында муниципаль районнарның башкарма комитетлары белән 2014 елның 1 гыйнварына барлыкка килгән кредитор әҗәтне каплау мәсьәләсен тикшерү буенча киңәшмәләр узды. Киңәшмәләрдә җирле үзидарә органнары тарафыннан әзерләнгән  әҗәтне каплау буенча график, чыганаклар һәм каплау вакытлары каралды.