ЯҢАЛЫКЛАР

Татарстан парламентында киләсе ел бюджеты проекты буенча фикер алышулар дәвам итә. Бүген ТР Дәүләт Советының Мәдәният, фән, мәгариф һәм милли мәсьәләләр комитетында “Татарстан Республикасының 2014 елга һәм 2015 һәм 2016 елларның планлы чорына бюджеты турында” ТР законы проектын карадылар. Анда ТР Икътисад министрының беренче урынбасары Сәрия Сираҗиева, ТР Финанс министры Радик Гайзатуллин катнашты.

Радик Гайзатуллин депутатларны киләсе ел бюджеты проектының төп параметрлары белән таныштырды, комитет карамагындагы мәсьәләләрнең ничек финансланачагы турында хисап тотты. Ул үз чыгышында 2014 елда федераль бюджеттан сыйныф җитәкчелеге өчен акча килмәячәген, бу максатлар өчен республика бюджетында акча карау зарурлыгын билгеләп үтте.

11 октябрьдә 2014 елга һәм 2015, 2016 елдагы план чорына Татарстан Республикасы бюджеты проекты Татарстан Республикасы Дәүләт Советының мәдәният, фән, мәгариф һәм милли мәсьәләләр буенча Комитет утырышында тикшерелде. Аны Комитет рәисе Разил Вәлиев алып барды.

11 октябрьдә Законлылык һәм хокук тәртибе комитеты утырышы булды. Анда якын киләчәктәге өч елга республика бюджеты проеты һәм хокук бозуларны кисәтү буенча кабул ителгән закон актларының үтәлеше турындасорау каралды.

Республиканың социаль-икътисадый үсеше фаразы белән депутатларны ТР Икътисад министры Мидхәи Шаһиәхмәтов таныштырды. Ул билгеләп үткәнчә, тулаем бөтендөнья икътисады кичерә торган кыенлыклар аркасында ил икътисадының үсеш темплары да тискәре йогынтыга дучар булачак. Министр, проектка бюджетның чыгымнар өлешен арттыруга китерә торган тәкъдимнәр керткәндә, сак һәм реалистик булырга чакырды.

ТР финанс министры урынбасары Алла Анфимова 2014 елга һәм якын киләчәккә республика бюджеты проектын тәкъдим итте. Документ буенча, 2014 елда Татарстан бюджетының керем өлеше 148,7 млрд сум, чыгымнары 144,9 млрд сум тәшкил итә. Шулай итеп, еллык бюджет дефициты 5,4 млрд сум күләмендә планлаштырыла. Алла Анфимова Законлылык һәм хокук тәртибе комитетының эшчәнлегенә кагылышлы сорауларга конкрет тукталды.

АКШ Президенты Барак Обама Республика партиясе лидерлары белән дәүләт әҗәтенең иң күп күләмен арттыру буенча бернинди конкрет килешүгә килмәделәр, дип хәбәр итә Ак йортның матбугат хезмәте.

 Бүген республика парламентында “Татарстан Республикасының 2014 елга һәм 2015 һәм 2016 елларның план чорына бюджеты турында” ТР законы проекты буенча парламент тыңлаулары уза.

Киләсе елга бюджет проекты Чистайда, Яр Чаллыда һәм Яшел Үзәндә узган киңәшмәләрдә тәфсилләп каралды. Фикер алышуларда башка муниципаль берәмлекләр дә катнашты. Моннан тыш, төп финанс документы ТР Дәүләт Советы комитетларында да каралды.

Закон проекты тексты белән республика парламентының рәсми сайтында танышырга мөмкин.

10 октябрьдә ТР Дәүләт Советының социаль cәясәт Комитеты утырышында 2014 елга һәм 2015, 2016 елдагы план чорына Татарстан Республикасы бюджеты проекты социаль чыгымнар буенча тикшерелде. Аны социаль сәясәт Комитеты рәисе Светлана Захарова уздырды.

Евразия Икътисады комиссиясенең VIII Советы җыелышы Казанда Россия Федерациясе Премьер-министрының беренче урынбасары Игорь Шувалов катнашында узды.

 

Бүген республика парламентында “Татарстан Республикасының 2014 елга һәм 2015 һәм 2016 елларның планлы чорына бюджеты турында” ТР законы проекты буенча парламент тыңлаулары уза. Парламент тыңлауларында ТР Премьер-министры Илдар Халиков, ТР Дәүләт Советы Рәисе урынбасары Александр Гусев, ТР Икътисад министры Мидхәт Шаһиәхмәтов, ТР Финанслар министры Радик Гайзатуллин, парламентның Бюджет, салымнар һәм финанслар комитеты рәисе Морат Гаделшин катнаша.
ТР Финанслар министры Радик Гайзатуллин, алдагы өч елга бюджет параметрлары белән таныштырып, елдан-ел бюджетның кытлык өлеше үсә баруын билгеләп үтте. 2014 елга ул 5 409 791, 7 мең сум, 2015 елга – 8 404 770,4 мең сум, 2016 елга 12 374 902,8 мең сум күләмендә планлаштырылган.

Бүген ТР Дәүләт Советының экология, табигатьтән файдалану һәм аграр мәсьәләләр буенча комитеты вәкилләре “2014 нче елга һәм 2015, 2016 нчы еллар планлы чорына ТР бюджеты турында” закон проекты хакында сөйләштеләр.

Республиканың социаль-икътисади үсешенә бәйле фаразлар турында доклад белән ТР икътисад министрының беренче урынбасары Сәрия Сираҗиева чыгыш ясады, бюджет проекты турында ТР финанслар министры урынбасары Алла Анфимова сөйләде.