ЯҢАЛЫКЛАР
Ингушетия Республикасы җитәкчелеге ИТ-технологияләр, кече һәм урта эшкуарлыкка ярдәм, авыл хуҗалыгын үстерү өлкәсендә Татарстан тәҗрибәсен өйрәнү белән кызыксына. Бу хакта Ингушетия Республикасы башлыгы Юныс-Бәк Евкуров бүген Татарстан Республикасы Президенты Р.Н. Миңнеханов белән очрашу барышында белдерде.Очрашу Ингушетия делегациясенең Татарстанга визиты кысаларында "Алабуга" МИЗда узды.
Исегезгә төшерәбез, Ингушетия Республикасы делегациясе Татарстанга эш визиты белән килде. Кичә Казанда кунаклар ИТ-паркта булдылар, Татарстан Республикасы Дәүләт Киңәшчесе Минтимер Шәймиев белән очраштылар. Бүген "Алабуга" МИЗда Ингушетия делегациясенә махсус икътисадый зонаның резидентлары турында сөйләделәр. Көннең икенче яртысында Юныс-Бәк Евкуров Чаллыда "КАМАЗ" ААҖдә һәм "Мастер" КИПта булды.
2013 елның 3 апрелендә Татарстан Республикасы Финанслар министрлыгында Яшел Үзән муниципаль районында өстәмә белем бирү учрежденияләрендә килү-китүне автоматизацияләү буенча пилот проектын тормышка ашыру буенча чаралар буенча киңәшмә узды.
Киңәшмәдә ТР мәгариф һәм фән Министрлыгы, ТР яшьләр эшләре, спорт һәм туризм министрлыгы, ТР мәдәният министрлыгы, "Татарстан Республикасы информацион технологияләр үзәге" ДУ вәкилләре, шулай ук Яшел Үзән муниципаль районының мәгариф идарәсе, мәдәният идарәсе, яшьләр эшләре спорт һәм туризм буенча идарәсе белгечләре катнашты.
29-30 мартта узган киңәшмә кысаларында Россия Федерациясе Финанслар министрлыгыны социаль өлкә һәм фән өлкәсендә бюджет сәясәте департаменты директоры В.Зеленский Россия Федерациясе Президентының 7.05.2012 Указын тормышка ашыру, бюджет өлкәсендәге законнардагы яңалыклар турында сөйләде.
Дмитрия Рогозинның "КАМАЗ"га визитының беренче пункты двигательләр заводы булды. Вице-премьер цилиндрлар блогын эшкәртү линиясен, коленвалларны эшкәртү участогын, СП "Камминз-КАМА" җыю линиясен, "КАМАЗ" двигательләрен җыюны карап чыкты. Д.Рогозинны "КАМАЗ"ның чит ил оборудованиеләрен сатып алу мәсьәләсе, персоналны чит ил станокларында эшләргә өйрәтү дә кызыксындырды.
Российсия Федерациясе һәм Франция арасындагы яхшы мөнәсәбәтләр региональ дәрәҗәдә хезмәттәшлекне дәвам итәргә ярдәм итә, бизнес үсешенә шартлар тудыра. Татарстан Республикасы Президенты Рөстәм Миңнеханов Франциянең Россия Федерациясендәге Гадәттән тыш һәм Вәкаләтле Илчесе Жаном де Глиниасти белән очрашуда шуның турында игълан итте.
Очрашу Татарстан Республикасы Хөкүмәт Йортында узды, очрашуда Франция бизнесы вәкилләре делегациясе катнашты.
Кунакларны сәләмләү сүзендә Рөстәм Миңнеханов Жан де Глиниастига Россиянең регионы буларак Татарстан Республикасына һәм үзара мөнәсәбәтләрне үстерүгә гадәттәгечә күрсәткән игътибары өчен рәхмәт белдерде. Безнең бердәм эшебез аркасында без күп проектларны гамәлгә ашыруга ирешәбез, дип әйтте Татарстан Президенты. Шул исәптән ул "Алабуга" махсус икътисадый зонадагы проект - Air Liquid компаниясе (Франция) заводын төзү турында искә төшерде. Рөстәм Миңнеханов шулай ук 9 апрель көнне Парижда Air Liquid компаниясе һәм «ТАИФ» ААҖ арасында килешүгә имза салыначагы турында әйтте.
2014 елдан федераль бюджет проектын Россия Федерациясенең дәүләт программалары буенча формалаштыруга күчү белән бәйле булган бюджет классификациясендә үзгәрешләр чыгымнарның максатчан статьяларына кагылачак. Бу турыда Россия Федерациясенең Бюджет сәясәте һәм методология департаменты директоры Сергей Романов 29-30 мартта Казанда узган "Бюджет өлкәсендәге законнарның яңа алымнары һәм аларның бюджет процессына йогынтысы" темасына семинар-киңәшмә кысаларында ясаган чыгышында хәбәр итте.
Сергей Владимирович бюджет классификациясендәге үзгәрешләр турында бик җентекләп сөйләде.
"Бюджет өлкәсендәге законнарның яңа алымнары һәм аларның бюджет процессына йогынтысы" темасына семинар-киңәшмә эшенең икенче көнендә Россия Федерациясе Финанслар министрлыгы урынбасары Алексей Лавров "Бюджет реформаларының проблемалары һәм киләчәктә торышы" доклады белән чыгыш ясады.
Шулай ук республикаларның социаль юнәлешле министрлыклар һәм финанс органнары белгечләре катнашында "түгәрәк өстәл" уздырылды.
2013 елның 29-30 мартында Казанда Россия Федерациясе Финанслар министрыгы вәкилләре һәм Татарстан Республикасы Премьер-министрының беренче урынбасары Р.Ф.Моратов катнашында "Бюджет өлкәсендәге законнарның яңа алымнары һәм аларның бюджет процессына йогынтысы" темасына семинар-киңәшмә узды. Семинар эшендә РФ Финанслар министры урынбасарлары А.М.Лавров, Л.В.Горнин, В.А.Зеленский, С.В.Романов һәм федерация субъектларының финанс министрлары катнашты.
Утырыш ТР Министрлар кабинетында булды.
ТР ИВФ Попечительләр советы әгъзалары аерым алганда, “Республика конкурсы турында кагыйдәләр “Татарстан Республикасы өчен илле иң яхшы инновацион идеяләр “ проектын карадылар. Бу мәсьәлә буенча ТР Фәннәр Академиясе президенты Әхмәт Мазһаров чыгыш ясады.